اغروم لاحوال الصحي بزيت الزيتون وصفة تقليدية خاصة بمطقة القبايل

crono · 2018-03-18, 09:51

صباح الخير عليكم
اخواتي الكريمات ان شاء الله تكونوا بالف خير انتم وكل علئلتكم
سمحوني على بالي طولت عليكم بوصفة اللي طلبتوها اليوم حبيت نحطها لأنها فعلا لذيذة جدا ومميزة و في هاد وقت الربيع

هاد خبز تقليدي قبائلي اغروم لاحوال او اغروم بولحوال
يفكرني في جدة الله يرحمها و يمات زمان و ريحة بلاد قبايل وقت الربيع
انا نموة في التقليدي خاصة الطبخ التقليدي مع مواعن تقليدي انتاع الطين و الحطب و طبق انتاع الدوم
نبدا بسم الله
كل سميد أرطب
كاس زيت وزيت الزيتون
فلفل أسود و نص م خميرة خبز وربع م سكر و ملح
ربطة بصل اخضر*ربطةقصبر *ربطة نعناع *الثوم *حبة طمطيش
طريقة التحضير :نغسل الحشيش و البصل ونعناع ونحطهوم في روبو مع تم و نص حبة بصل و الطمطيش و شوي الفلفل حر انا مكترتش وليدي ميحبش الحر الي تحبها اجيها حارة تزيد نرحي كولش
في جفنة نضع السميد +و ملح وربع م سكرو نص م خميرة خبز وخليط زيت وزيت الزيتون و نبسس سميد جيدا بسيها مليح بين يديك تم اضيفي عليه المكونات

الخليط البصل
و نلمها بالماء ماشي بازاف بصل و طمطيش يتلقو ماه واذا ما حبتش تتلملك اضيفي ماء دافي و خلطي حتى تتحصلي على عجينة طرية اتركيها ترتاح المدة 15د تم قومي برش السميد

نحلها و نقرصها دوائر

و نطيبوها في الطاجين نتمنى تعجبكم الوصفة و تجربوها لو كان ماجربوهاش ..

راكم تسقسو كفاش لحقنة لهاد خبز باش نحضروه تعرفو زمان راكم عرفين خضار جي في وقتها
فلفل في وقتو طمطيش في وقتها وووو ولا في وقتنا خضارماجي في وقتها
املا في زمان كانت تحكلي جدة الله يرحمها كانو في شتاء فلفل مكاش واش كانو يديرو كانو في صيف فلفل يبسوه و الوقت لي ميكونش الفلفل يشوواه (الفلفل الحمر) و يدرسوه يطيبوه مع الكسرة كما هادي و الكسرة هادي اسمها اغروم فو لحوال تحضروها على حسب خضار موسميةعلى هادي لحقنا لهاد الخبز تقلدي و كل وصفة لها تاريخ للمكلت تع الجدود الله الله
وبهاد الطريقة نعملو عدة وصفات مثل اغروم او كسرة الفليو
اغروم بالوراق البصل الاخضر .اغروم الذعتر
كاين ايضا بالاعشاب البرية والخ كاين بزافï»؟

[IMG]https://c./p_625ztib40.jpg[/IMG]

crono · 2018-03-18, 09:53

سمحوني بعض الصور مطلعوليش نات تقبلة غير يطلعو نحطهوم

crono · 2018-03-18, 10:02

وهادا السعر تع 4 خبيزات شحال ستقامونا في القضيان
سعر كل السميد عندكنا 80دج
قصبر 30دج
نعناع 30دج
بصل 20دج
خبة طمطيش 30دج
ثم 10دج
فلفل و ملح خميرة وسكر و زيت وزيت زيتون كان عندي معرفتش نقدرهم و المجموع

nihal159 · 2018-03-18, 14:43

اقتباس:

المشاركة الأصلية كتبت بواسطة crono

وهادا السعر تع 4 خبيزات شحال ستقامونا في القضيان
سعر كل السميد عندكنا 80دج
قصبر 30دج
نعناع 30دج
بصل 20دج
خبة طمطيش 30دج
ثم 10دج
فلفل و ملح خميرة وسكر و زيت وزيت زيتون كان عندي معرفتش نقدرهم و المجموع

يعطيك الصحة أختي كرونو؛ الكسرة تبان تشهي خاصة مع زيت زيتون فووووور بالبزاف.
حبيت نسقسيك على الكلمة لي لوّنتها بالأحمر؛ قصدك الثوم؟؟؟ ولا حاجة أخرى؟
وأيضا الكيل تاع السميد بالنسبة للأعشاب؛ يعني درتي ربطة من كل نوع و السميد شحال؛ كيلو مثلا؟؟؟؟
و هل هذي الكسرة نعجنوها عادي كما الكسرة العادية و لا نلموها و نخلوها ترتاح فقط؟؟؟
علابالي هبلتك بالأسئلة تقول بكالوريا ههههههه.

أم فاطمه · 2018-03-18, 19:17

الله يبارك اختي كرونو خبز يشهي نموت على التقليدي ممممممم

kikimo73 · 2018-03-18, 19:59

SALAM

MMMMMMM

tres bonnnnnn

محرز89 · 2018-03-22, 18:46

يعطيك العافيه

ام هدول · 2018-03-22, 19:21

اممممممممممممم .......ماااااااااااروعك.....كرونو. اتحفتينا بكسىره تقليديه لديده وصحية

بارك الله ف وفي وليد اتك

حياة نور الدين · 2018-03-23, 01:19

اهلاا يعطيك الصحة اختي كرونو موضوع روووعة وفي القمة وخبز هااايل يستاهل التثبيت واحلى تقييم

زهرة أوركيدية · 2018-03-23, 01:41

الله يبارك روووعة شكرا

crono · 2018-03-27, 18:38

اقتباس:

المشاركة الأصلية كتبت بواسطة nihal159

يعطيك الصحة أختي كرونو؛ الكسرة تبان تشهي خاصة مع زيت زيتون فووووور بالبزاف.
حبيت نسقسيك على الكلمة لي لوّنتها بالأحمر؛ قصدك الثوم؟؟؟ ولا حاجة أخرى؟
وأيضا الكيل تاع السميد بالنسبة للأعشاب؛ يعني درتي ربطة من كل نوع و السميد شحال؛ كيلو مثلا؟؟؟؟
و هل هذي الكسرة نعجنوها عادي كما الكسرة العادية و لا نلموها و نخلوها ترتاح فقط؟؟؟
علابالي هبلتك بالأسئلة تقول بكالوريا ههههههه.

تسلمي اختي بارك الله فيك هههه الكلفة قصدي الثوم و الله مينذاك نغلط في الكلمات خاصة كي منديرش النظاراتي :d
نعم درت ربطة من كل نوع في كل سميد رطب نلموها فقط و نخلوها ترتاح
مهبلتني موللو :dجربيها حبيباتي ورديلي في لخبر نستنى تطبيقاكي بالصور