متفوقة لغات اسال تجيبك

[minay.timida]

lazem men awl nhar trakzi wte9ry makanch tmaskhir ladoran la tahwas la walou hti rask jibi 3amk wmba3d diri wach habiti bah jibi mo3adl mlih mnah bzaf li ma9rawch w kijabou 10 wlaw nadmou 3liha w rmawhoum f des brach vraiment ma3ndhoum hta ma3na w lmat sad9ini rahi sahla ana amkountch nefhamha ajmais dit fiha 5 bsah fl bac hatit rasi ma3aha dit fiha 14 wkount kuol week end nahfed dorous li ktebna fesmana

[exellance]

اريد رفع مستواي في اللغة الفرنسية والانجليزية بماذا تنصحووني
ارجوكم بحاجة نصائحكم مهما كانت

[dalila nadir]

اولا الف مبررروووووووووك النجاح الاخت وان شاء الله من نجاح الى نجاح
اريد ان اسالك اذا كانت طريقة المراجعة اليومية للدروس منذ بداية السنة هي الطريقة الصحيحة لفهم كل الدروس ام انها متعبة فقط
وشكرااا

[نسْمۃ إِرتقـآء]

بـــارك الله فيك

جــزاك الله خيرآ =)

،،

[amani nouna]

quand on utilise le passé simple, le passé composé et l'imparfait?

[roza montero]

ساجيب باذن الله لي عودة قريبة

[" سرحات "]

اريد الوصول إلى معدل 14 كأعلى معدل
وأخفض معدل 13
وهذا لانني وعدت نفسي + انني لم اتوفق العام الماضي في معدل جيد

[سحر سحر]

انا استاذة نحوس نعاود الباك حرة ادبية بصح خايفة من الرياضيات كيفاش ندير

[roza montero]

اقراي ليكور انا قيتهم وكنت لا افقه شيئا في الرياضيات وقراو معايا بنات متخرجات منذ سنين وعاودوه احرار وجابو مليح في الريضيات ليكور هاااااااااااااااايلين احضري دايما برك

[سحر سحر]

شكرا لك اختي

[زهرة الجزائرية1]

س.... كيفاش نولي ممتااازة في الادب؟؟؟

س.... كيفاش نطور روحي في الفرنسية؟؟؟

وشكرااا مسبقااا.

[" اكرام "]

انا ضعيف جدا في مادة الفرنسية والانجلزية ممكن تساعدي لي اتخطى هذا هاجس من فضلك

[roza montero]

المشاركة الأصلية كتبت بواسطة سحر سحر

شكرا لك اختي

العفو استاذة اي خدمة تفضلي

[roza montero]

المشاركة الأصلية كتبت بواسطة زهرة الجزائرية1

س.... كيفاش نولي ممتااازة في الادب؟؟؟

س.... كيفاش نطور روحي في الفرنسية؟؟؟

وشكرااا مسبقااا.

ج1 لتصبحي ممتازة في الادب لازم تحلي اكبر عدد من المواضيع متخافيش في عام الباك رح تدخل عليكم طرق دراسة لم تتوقعيها تولي تحلي المواضيع وحدك وتديري les photos-copies لا شعوريا و الاساتذة رح ينوروكم مش رح تقراو قواعد بزاف لذلك الدرس الي تقرايه لخصيه باسلوبك وتخليهش يخرج من راسك افتحي المواضيع واحفظي اساليب الشعراء عام الباك هو تحصيل حاصل لقدراتك في العامين الماضيين يعني حاولي تفهمي دروس 3 ثانوي كاف جدا
ج2 الفرنسية عموما تحتاجي للقواعد لي تكوني تعرفيهم وقريتي اغلبهم في المتوسط اما في عام الباك متحتاجيش القواعد ابدا لانو كل المنهاج عبارة عن نصوص والاختبارات مفيهاش قواعد الا القليل ومتكونيش قريتيه في القسم وفتحتي تمرين عليه ابدا الجزء الاول تع الاختبار عليه 12 نقطة كل اجاباتو من فهم النص النص في الباك هو المفتاح وشوفي باك 2014 فرنسية وتاكدي بنفسك الجزء 2 عليه8 le compte rendu
هدا تاني ساهل تدي عليه 4 مضمونة لانو رح يعطيوهولك لااساتذة واجد و نتي يعمري الفراغات بما يناسب من النص ومن بعد تديري الفكرة العامة لكل فقرة
متقلقيش روحك كل شي ساهل باذن الله لكن كلمة باك هي لي تهول الموضوع مزالت العطلة استمتعي بيها وكي تدخلي كل شي يتوضح سلام

[roza montero]

المشاركة الأصلية كتبت بواسطة " اكرام "

انا ضعيف جدا في مادة الفرنسية والانجلزية ممكن تساعدي لي اتخطى هذا هاجس من فضلك

الانجليزية انصحك ان تدرس القواعد وتتمرن على الكتابة وانصحك ب دروس العضو الاستاذ teacher06
الفرنسية متحتاجش لقوة كبيرة اذا كان قصدتي للباك كل شي من النص اما اذا للتعلم عموما جاوبت احد الاعضاء من قبل شوفي الاجابة ان شاء الله تفيدك