سااعدوني لطفا

[مشكلتي]

السلام عليكم ورحمة الله

اخوتي انا فتاة عندي 20 سنة طالبة جامعية سنة ثانية تخصص بيولوجيا اختياري لهذا التخصص لم يكن على اساس حبي له او رغبتي به وانما كان واجبا للالتحاق بالجامعة وعدم تضييع ذلك العام بالمختصر خيرتو وكنت حابة نبني بيه لاباز لاختصاص اخر تحصلت على الباكالوريا في 2017 وقمت باعادتها كمترشحة حرة في 2018 لكن لم اتحصل على المعدل الذي كنت ارغب به حاليا اود اعادة هذه التجربة مرة اخرى العام المقبل ان شاء الله لكن في نفس الوقت خائفة ومترددة لا اعلم راي والداي في هذا الموضوع لاني لم اقم باعادة طرح هذه الفكرة بعد من جهة دراستي الحالية تعجبني لكن ليس للحد الذي يجعلني اشعر باني سابدع في مجال العمل فيها ومن جهة اخرى اريد تحقيق حلمي ومن جهة اخرى متخوفة من نقطة العمر يعني اذا اعدتها والتحقت بما اريد وتخرجت سيكون عمري 26 :d:d لا اعلم كيف اشرح الفكرة امل انكم فهمتم قصدي

لطفا اود تشجيعا اود كلاما يثلج صدري لاني في دوااااااااااامة

شكرا مسبقا

[noursm]

لكان راكي قادرة تديري الاختصاص اللي حابة ننصحك ديريه هو خير خاصة انك قاعدة تقراي في اختصاص اخر سما ماش قاعدة ضيعي في الوقت لان العلم عمرك ما تندمي عليه.
صدقيني عجبني بزاف تفكيرك واصلي في طريقك الى حلمك و اي حلم تحبي تحققيه لابد من تنازلات
تخيلي روحك راكي خلصي القراية في الاختصاص اللي حابتو و فرحانة
الوقت راهو يفوت و 26 سنة اصلا سما مازلتي صغيرة.
ربي يوفقك..

[ابو سليمان10]

سلام
حصل معي نفس الشىء...و لعدة اسباب و ليس امعدل وجدت نفسي في تخصص لا يناسبني....لاكن لم اعد البكالوريا بل واصلت في نفس التخصص حتى لا اضيع السنوات..و انا لست نادم

[زايدي أمحمد]

بالتوفيق لك .

[زبدة ذايبة]

يرحم والديك جاوبي على هذا السؤال:

لو أنه ليس في إمكانك أو ليس لديك فرصة ثانية لإعادة الباكالوريا ماذا كنت ستفعلين؟؟؟؟؟؟؟

رايحة نجاوب في مكانك

رايحة تقراي الشيء اللي راكي فيه الآن


ورايحة تجبدي الليل والنهار باش ماتقعديش في الدار


وما يخلاصش عليك بدون مستوى علمي

هذا هو حالك بدون فرصة أخرى

وش هذا الحب وما الحب في لقراية ؟؟؟؟؟؟؟؟

عندك واجب تأديه نقطة إلى السطر

علاه تفتحي على روحك أبواب من المشاكل والتفكير الذي لاينقطع

التخصص اللي راكي فيه هذا نصيبك ومكتوبك

أنت الضربة الأولى ماقدرتيش تديري التخصص اللي تحبيه

خلاص ، إنتهى

عوض التقدم للأمام نرجعوا خطوات للوراء

لصالح من ؟؟؟؟؟؟

وهذا الله أعلم إذا رايحة تقدري تنجحي فيه أو لا

الباكالوريا اللي نجحتي فيها ماقدرتيش تحققي نجاح يساوي أو أكبر من اللي حققتيه المرة الأولى

وش هذا نقعدو ندورو في الرسوب وفي الأحلام والحب تاع التخصصات

أهم حاجة تفكري فيها هي أن تنجحي في الشيء اللي راكي فيه الآن

وحبك للتخصص الآخر هو مجرد خيالات بنيتيها في عقلك

وأغلبها عندها أساس إما اجتماعي لأجل نظرة المجتمع إليك أو نفسي لغرض في نفسك

بالتالي لاتضيعي وقتك في الفارغات فرغا

وفي أمور لاتدري ماستكون نهايتها


ربي يوفقك

[زايدي أمحمد]

السلام الله عليك ورحمة الله وبركاته

انا ننصحك تكملي تخصص على الاقل تتحصلي على اليسانس ومفي نفس الوقت راكي تحضري باكالوريا هاذيك هي تكوني كملت الجامعة وجبتي الباك ديري تخصص لي تحبيه
لانو لوكان تحبسي الجامعة وممكن تجيبي الباك بنفس المعدل لي يخليك تدخلي تخصص بيولوجيا ولا ماتجيبيهش قاع تلقاي روحك خسرتي كل شئ بالتوفيق .

[mehdi_mascara]

ما فهمتش كيفاش عندكم القوة و الارادة باش تعاودو الباك كل عام و الآخر ، ما تكرهوش ؟؟

خصوصا أنتم ك"إناث" ياخي معروف عنا إجتماعيا و دينيا أن المرأة تتزوج صغيرة 30 عام راه فايتها التران ، و المرأة تدور تدور و بيت راجلها هو المستقبل ،

أنا عاودت الباك عام واحد فقط كرهت حياتي و حسيت اني ضيعت بزااااف من حياتي ، زدت رحت للجامعة ما عطاونيش التخصص لي كنت باغيه و عطاوني st لكن مكانش علابالي بلي التخصص لي راني فيه ضرك افضل من التخصص لي كنت باغيه ، صدقوني الشي لي يكتبهلنا ربي ما نقدروش نخممو فيه حنا ، يفوق طاقتنا ،

ربما هاذ التخصص لي راكي فيه افضل ليك من لي باغياته ،