الحوتة والحراق......حوار هزلي.....الفاهم يفهم

أبو مارية الجزائري · 2012-08-28, 16:27

قالك وحد الحراق جزايري كان رايح لسبانيا وحدوا فالفلوكة ساعة لقا حوتة كبيرة شوية ماشية حد الفلوكة تاعوا وتبع فيه هو قالك نرمي الصنارة بلاك نطلعها نتعشا بيها رمى الصنارة وبقا يستنا وفجاة لقا الحوتة تهدر معاه تخلع قريب تغاشى قاتلوا لوكانغير تاكلني ونتهنا مالدنيا قالها وهو يترعد وعلاه راكي كارهة الدنيا قاتلوا البحر ولا كي البر والمشاكل اللي عندكم فالجزاير فوق الما راها لحقتنا تحت الما لاخدمة لا لافونير ......الحراق زاد هبل قالها وشكون يحكمكم فالبحر قاتلوا واحد الدلفين مسكين قالها محال والقرش واش يدير قاتلوا لبيض حاكم الحكومة و لزرق حاكم الجيش وكاين اللي حاكمهم في زوج عايش فالمحيط هو اللي يسير من بعيد قالها حكيلي على الحوت واش حوالوا قاتلوا كاين الصغير كيما الساردين اللي تصيدوه هذاك كي ينتحر يلوح روحوا فالشبكة تاع العباد والباقي ياكلوا القرش وجماعتوا والقلة القليلة يتخبا حتى يموت وكاين الأخطبوط وهذاك اللي ماهو فالحكومة ماهو مع السردين عندو الذراعتين والعرف متسلط على البحر وخيراتوا وكاين الحوت الكبير وهذاك اللي يستورد السلعة من الخارج والقرش يخاف منوا وعاطيلوا الحرية باه يقهر السردين وجماعتوا وكاين الكروفات وهذيك اللي شارية الحرية بالدراهم بصح ساعة على ساعة القرش ورباعتوا يهجروها للشبكة تاع العباد كي يخلاصولها الدراهم .
الفاهم يفهم .

الرحب · 2012-08-28, 16:48

هههههههههههههههههههه

baby angel · 2012-08-28, 17:09

hadi 3andha ma3na kbiiiiiiiiiiiiiiiiiiiir

hind 306 · 2012-12-07, 17:11

hhhhhhhhhhhhhhhh merci

Nàr_iMèNèr · 2012-12-07, 18:08

mrd²²²²²²²²²²

~كِبْريَاء أمِيرَة~ · 2012-12-07, 23:55

شكرااااااااااااا