أجنحة الدجاج بصلصة البافالو

إلهام07 · 2014-05-31, 23:24

البسملة1

Buffalo chicken wings

هذي مدة طويلة وانا نحوس على هذي الوصفة ديما نشوفها في التيليفزيون ياكلوها الامريكيين أصلا هوما مشهورين بخلطات اجنحة الدجاج المميزة وحتى عندهم مطاعم متخصصة فقط في طهي أجنحة الدجاج مممممممم
يعني تشوفو طبق كيما هذا ماتشهاوش فيه ممممممم سالو ريوقي

أجنحة الدجاج هي أكثر قطعة من الدجاجة مفضلة عند كل أسرتي وماتتصوروش كي نحمرو جاجة الحرب اللي تصرى على الجنحين

يعني في دارنا اجنحة دجاج = بنة مممممممممممممممممم

حوست ولقيت بزاف وصفات وكل وحدة مختلفة على الثاينة بصح المشكل انو كامل متفاهمين على الصويا صوص وعلى صلصة الشواء وعلى التوباسكو صوص وووووو ,,,, يعني باختصار كامل غير متوفرين عندنا ,,,, وليت فكرت قلت علاه مانديرش خلطة من توابل وحوايج اخرين يعطيوني طعم يشبه في هذو الصلصات ونجيب طعم كيفها

,,,,, تبعوني كيفاش خلطت حتان خرجت للوصفة اللذيذة هذي بصح امانة وحدة ماتقولي صلصة البافالو ماجيش هكذا راهي طريقتي وبإمكانياتي وعلى ضمانتي الشخصية

المقادير

- أجنحة دجاج حسب أفراد العائلة منقية ومغسولة ممقطرة مليح من الماء وكل جناح نقسمو لقطعتين مثل مايبان في الصور أسفل
- أربع ملاعق زيت + ملعقة زبدة للقلي
- ملعقة كبيرة كاتشاب
- ملعقتان صغيرتان من الطماطم المصبرة
- نصف بصلة مرحية
- ثلاث فصوص ثوم مرحيين
- هريسة ( الكمية ترجع ليكم انا حطيت ملعقة كبيرة لأنو هريسة بروقة بنينة وماشي حارة )
- ملعقة صغيرة خل
- ملعقة صغيرة سيرو الرمان ( إذا مالقيتوش ماشي مشكل وماتخافوش مايبانش

)
- زوج ملاعق صغيرة عسل
- نصف مكعب مرق دجاج

التوابل :

- ملح
- فلفل أسود
- كسبر
- كمون ( مانكثرش )
- بودرة ثوم
- فلفل احمر

الطريقة :

- نحط المقلاة تسخن على نار متوسطة وهي فاغة ومنين تسخن نحط فيها الزبدة والزيت ورشة خفيفة برك نتاع ملح ومنين يسخنو نحط أجنحة الدجاج ونحمرها على الجهتين ,

هنا كي تحمرو

نحيتهم من المقلاة حطيتهم في صحن

- نقصت شوية من هذاك الزيت اللي في المقلاة لانو بزاف وحطيت في نفس المقلاة باش نستفاد من طعم الجاج : ثوم وبصل وقليتهم شوية

ثم اضفت الهريسة والطماطم المصبرة وقليت شوية برك

ثم حطيت كل ماتبقى من مكونات ومرقت بنص كاس كبير ماء ونقصت للنار خلاص وخليتها طيب وتتسبك في راحتها

- منين حسيت الصوص عقدت ونقص منها الماء أضفت أجنحة الدجاج وخلطتها في الصوص مليح وخليتها طيب وتأخذ من نكهة الصوص ( دائما على نار هادئة ) وكل شوية نحرك باش الاجنحة تتشرب كامل مليح هذيك الصوص

- نذوق الملح إذا تحتاج نزيد و هنا كي طابت قدمتها مع بطاطا سوتي بالثوم والأعشاب

- تقدم مباشرة وهي ساخنة بنتها كي تكون سخونة ممممممممممممممم

مانقولكمش بنينة الصور تحكي وحدها عن البنة ممممممممممممممممممممم

هنا كيما عاودتهم للضياف عجبوهم وداو الوصفة وجربوها

جربوها راهي بنينة بزاف كيما تبان في الصور

تحححححححفة وخاصة الجاج راهو قاعد غير يغلى يعني منا حتان رمضان توليو تقدرو غير تشريو الجنحين

النصائح :
ممكن نفس الوصفة ديروها باسكالوب مقطع مكعبات بنفس الطريقة المذكورة وإذا حابين جربوها بالأفخاذ يستحسن ديروهم في قدر او كوكوط او مقلاة عندها غطاها وتزيدو شوية كمية الماء باش الأفخاذ يطيبو مليح من داخل

,

حنا كليناهم بيدينا هذيك هي البنة هههههههه .......... وأنتوما ؟

تحياتي ,,,,,,,,,,,,,,,,,,,,,,,, لهومة

djihanegirl · 2014-05-31, 23:33

يعطيك ألف عافية اخت إلهام وصفة تشهي

ادرارية · 2014-05-31, 23:36

اممممممممممممممممممممممممممممممممم هايلة يعطيك الف عافية والله قلتيها الجاج راه يروح ويغلى

om rayane sami · 2014-05-31, 23:37

وووووووووو روعة الهام تسلمي يعطيك الف عافية

hony · 2014-05-31, 23:39

يعطيك الصحة وليت نستنى وصفاتك مش بعشر عينين بالف ربي يحفظك و يحققلك ما تتمناي

lyzzabel · 2014-05-31, 23:41

مممممم لهلوبة كيما قلتلك انا نديرهم انشالله بلي كويس و بالضبط الركبة ممممم نموت عليها ههههه
رووووعة الوصفة ربي يخليك و يعطيك الصحة حبيبة الكل. موااااااح

soha1987 · 2014-06-01, 00:07

يعطيك الصحة الهامو واشي هو الكاتشب ماعرفتوش صلصة ؟؟؟؟؟؟

samsouma70 · 2014-06-01, 00:39

فنانة يا الهام كالمعتاد
أنا منحبش أجنحة الدجاج بصح كي شفت طريقتك لااااااااااااازم نجربها
لأني وصفاتك نثيق فيهم ونديرهم أنا و مغمضا عينيا
شكرااااااااااا

mounia hse · 2014-06-01, 00:51

امممممممممممم وش راح نقولك الصحن راح ينطق وصفاتك حبوية كل وحدة تقول اختها راني انا
يشهي
مشكوووووووووووورة حنونة ربي يعطيك ماتتمناي

موجو جوجو · 2014-06-01, 00:55

يعطيك الصحة باينة تشهي
في الايام القادمة ان شاء الله نجربها

أنواار الإيماان · 2014-06-01, 06:02

شفتي واحد في حياتك يقول اممممممممممممممممممممممم مممممممممممم اممممممممممم على طبق مالح وهو مازال يشرب في القهوة

راني انا قلتها

مااااااااااشاااااااااااااااااااء الله بارك الله فيك

راااااااااااااااااااائع مشكووووووورة

دائمة الحمد · 2014-06-01, 06:40

الهام الوصفة تبان مغريةمن خلال الصور و المكونات واكيد راهي 44444444444 من ايدك
عندي سؤال هل بامكاني نستعمل نفس الوصفة مع افخاذالدجاج والف شكر

Ranim6 · 2014-06-01, 07:53

ممممممممممممم اعطيك الصحة لهومة

tokio hotel · 2014-06-01, 07:57

شكرا اختى على الوصفة ربى يجعلها فى ميزان حسناتك ياربى ما نبدا نلم فى الاجنحة باش نجربها سلام فى انتضار باقى الوصفات

سميحة 01 · 2014-06-01, 08:09

روووووووووووووووعة لهومة دائما مبدعة ربي يعطيك ما تتمناي