ارجووكم اريد المساعدة هل ترفضه ام .........

[molai]

السلام عليكم ورحمة الله
لااطيل عليكم لدي اختي تقدم لخطبتها احد الشبان واتضح انه يعمل في الصونالغاز ولكن مش مترسم وهو الكبير وابوه متوفي ولكن المشكل ليس هنا فقد مر على خطوبتها اكثر من 5 اشهر وهو لايكلمها الا مرة في الوقت بحجة ليس لديه هاتف او انه يسلف في الدراهم و مش لاحق
كدالك لايرسل هداية او من هادا القبيل وانتم تعلمون الكلام الطيب والحلو كدالك هي محرومة منه
وزيادة على دلك قال لها سلفيني 10 ملاين
يا اخواني مادا اقول لرجل مثل هادا ليس لديه حس بالمسؤولية هل ترفض الزواج منه ام مادا
وجزاكم الله على كل خير

[نينا الجزائرية]

والله يا اختي باين قليل مسكين مشي مرسم وهو كبير في دار يسمي يخدم علي دارهم
ضوك مسالة تسلفلو اذا واثقة فيه تمدلو واذا خافت يلعب بيها تقولو اكتبلي في ورقة يضمن يرجعملها ولا ترفض تماما وختك عندها 10 ملايين
مسالة ميعيطلهاش بلاك معندوش ولا معندوش حق يفليكسي ودراهم لي يروح يخسرهم راه يطم بيهم للعرس
مدام قبلت بيه هكذا ميلحقش معليها تصبر او خافت منو اداه الطمع فيها معليها غير تبطل
سلام

[منصورأمته]

السلام عليكم ورحمة الله وبركاته

عليكم بالإستخارة يا أخواتي

فما خاب من استخار الله عز وجل

واحذروا مما قيل فيه: (جى يسعى ودًّر 9)

كما يجب القياس بالدين والخلق كما وصانا رسولنا الكريم
صلى الله عليه وسلم

[تبسي زوالي]

باغي 10 ملاين يروح يسرق مايطمعش في بنات الناس.

[molai]

مشكورين كلكم على مشاركاتكم الطيبة

[ام شهد فاطمة]

السلام عليكم ورحمة الله في رايي الخاص ان مسالة الهدايا والهدرا معاها مهيش حاجا كبيرة والله كاين اللي قبل الزواج ماحكى معاها بزاف ما والو لكن بعد الزواج عايشين في الهنا اما مسالة تعطيه 10ملاين هذي اللي الدوخ كيفاه يستنى من وحدا خاطبها تمدلو 10ملاينحتى ولو نيتو مليحة لكن يدخل الشك مخطوبين 5شهر وبغا 10ملاين كي يتزوجو كيفاه يدير نظن لازم عليكم تسقسيو عليه مليح خلاص لانو هذا زواج العمر ماشي تمسخير سقسيو على دينو على خلقو على كلشي وربي يقدر الخير وكيما قال الاخ زعيم الروح عليكم بالاستخارة

[abderrahmane1900]

السلام عليكم اولا اختي واحد يخدم في السونلغاز مستحيل ما عندوش دراهم ولو مش مترسم اما قضية 10 ملاين والله مليحة بصح واش يسرى لاختك وكان تصيبو دفعهم مهر لاخرى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mouhanned75]

صراحة غير معقول ما اقدم عليه الخطيب وهو طلب المبلغ المالي.لذا يجب التريث قبل القيام باي خطوة من شانها تلحق ظرر بالاخت .والله اعلم.

[chaymoum-17]

صلاة الاستخارة

[الخالدي59]

أنا في رأي الخاص لاتقولوا لا نعم ولا لا

لاتتسرعوا في تزويج البنت حتى تحصلوا على كل كبيرة وصغيرة عنه وتتأكدوا سبب عدم الاتصال

هل كان متعمدا أم كانت نيته حسنة أي من عادته لا يستعمل الهاتف ثم اتخذوا القرار الرسمي

بالنسبة للمبلغ الذي طلبه إذا كان عاجزا مثلا عن تأثيث المنزل أي غرفته الخاصة به وكان لكم متسعا من المال

تقومون بتأثيث الغرفة بشرط أن يسجل الأثاث عند الموثق على أساس أنه ملك للبنت أو ثلاجة أو تلفاز أو ماشابه ذلك

وإذا كان من أجل تكاليف العرس إما الوثيقة قال تعالى / يا أيها الذين امنوا إذا تداينتم بدين فاكتبوه /

وإذا أردتم أن تساعدوه في مصروف العرس دون أن يحسب عليه دين بعد أن تأكدتم من حسن نيته فأجركم على الله

[biomano]

والله لانه غريب عجيب يعني 5 اشهر ويطلب 10ملايين حتة وحدة وزيد العلاقة مش وطيدة .... ماتتسرعوش في الزواج وتريثو واسالو هل محتاجهم صح لامر حياة او موت ام لشي تافه...
ربما يكون محتاج لعملية ولم يكن له اصدقاء واعتبر اختك زوجته المستقبلية وطلب منها ام انه في طمع؟؟؟
ربي يجيب الي فيه الخير

[etoile filante]

واش دير براجل كيما هذا

[molai]

سلام
اشكركم جزبل الشكر على تقديم المساعدة
الان بعد درس الاوضاع اتضح ان الرجل مجرد طماع صاقط لان اهلي عندما اعلموه بالرفض طلب منا ارجاع كل ما قدمه لاختي وفي الحقيقة ماقدمه قليل جدا مجرد فستان العيد الصغير لايقدر بما جهزناه من عشاء الخطبة
المهم انكشف امره قبل فوات الاوان

[لؤلؤة الفردوس]

hالحمد لله لي سلكتو منه

[BAROUD]

not suitable in this moment