تطبيقي le menu من قناة سميرة للشاف سليمة

ام ايمان 11 · 2014-04-01, 12:23

اليوم طبقت le menu نتاع الشاف سليمة يعلي من قناة سميرة و حبيت تشوفوا تطبيقاتي نتمنى تعجبكم و انتظر ردودكن

سلطة البرتقال

غراتان بطاطا بالجبن

https://im69.gulfup.com/n6q8Z1.jpg

تحلية الكريم شونتي بالتفاح والشكولاطة الصور مش واضحة مليح هنا بصح التحلية فعلا خرجت روعة

ام فيصل, · 2014-04-01, 13:04

الله يبارك
يعطييك الصحة على هاذ التطبيقات
بصحتكم

ام ايمان 11 · 2014-04-01, 13:08

يبارك فيك حبيبتي و شكرا على مرورك الطيب لصفحتي

mariaanfel · 2014-04-01, 15:27

الله يبارك
يعطييك الصحة

ryhem 16 · 2014-04-01, 16:30

مممممممممممممممممممممممممممم بصحتك أختي

ام ايمان 11 · 2014-04-01, 17:58

اقتباس:

المشاركة الأصلية كتبت بواسطة ryhem 16

مممممممممممممممممممممممممممم بصحتك أختي

الله يسلمك حنونة

ام ايمان 11 · 2014-04-01, 17:54

اقتباس:

المشاركة الأصلية كتبت بواسطة mariaanfel

الله يبارك
يعطييك الصحة

يبارك فيك أختي و شكرا على مرورك الطيب

أم محمد إسلام · 2014-04-01, 19:08

مممممممممم شهيتينا تطبيقات رووعة لوكان غير تعطيني وصفة الغراتان

ام ايمان 11 · 2014-04-01, 22:40

اقتباس:

المشاركة الأصلية كتبت بواسطة فوفو غليزان

مممممممممم شهيتينا تطبيقات رووعة لوكان غير تعطيني وصفة الغراتان

شكرا على مرورك الطيب حبيبتي ،و اليكي وصفة الغراتان
المقادير
600 غ بطاطا طايبة و مرحية 2 بيض ثوم ملح فلفل ك رند حليب سائل فرينة جبن معدنوس .
أولا ديري ماء يسخن فيه ملح رند توم و خليه يغلي من جهة أخرى ديري البطاطا المرحية زيديلها جبن مبشور معدنوس بيضة ملح فلفل ك ثوم خلطيهم مليح ضيفي 3 م ك فرينة و خلطي شكلي كويرات و ديريهم في الماء الي درتيه قبل يغلي خليهم مدة 5 دقايق ثما ديريهم بالترتيب في بلا الفرن مدهون بالزبدة ثم اسكبي عليهم كريمة الي هي متكونة من
كاس حليب سائل 3 فرماج م ك بونبي فرينة ملح فلفل ك بيضة خلطيهم مليح مليح و اسكبيها على البطاطا و ادخلي البلا للفرن مدة 30 د 180 درجة .
نصيحة مني البطاطا لوكان ديريها بلا ما تغليها في الماء نظن تجي بنينة اكثر .

melissat · 2014-04-01, 19:28

فعلا روعة الله يعطيك الصحة
انا ثان شفتهم قوليلي البنة تع الغراتان والتحلية كيفاش نقدر نديرهم للضياف
شكرا

ام ايمان 11 · 2014-04-01, 22:46

اقتباس:

المشاركة الأصلية كتبت بواسطة melissat

فعلا روعة الله يعطيك الصحة
انا ثان شفتهم قوليلي البنة تع الغراتان والتحلية كيفاش نقدر نديرهم للضياف
شكرا

الله يسلمك حبيبتي بالنسبة لبنة الغراتان هي مليحة بصح للضياف نظن ديري سفيرية مليحة بالدجاج و صوص حمص خير أما التحلية بنينة تهبل تقدري تديريها حنونة

it's me · 2014-04-02, 09:17

اممممم روعة بصحتكم

almazalina22 · 2014-04-02, 10:25

اتز مي شكرا على تردد القناة

ممممم شهيتيني اختي في الاطباق اكثر روووووووووووووووعة وبصحتك
ممكن وصفة التحلية ومشكورة

ام ايمان 11 · 2014-04-02, 15:29

اقتباس:

المشاركة الأصلية كتبت بواسطة almazalina22

اتز مي شكرا على تردد القناة

ممممم شهيتيني اختي في الاطباق اكثر روووووووووووووووعة وبصحتك
ممكن وصفة التحلية ومشكورة

الله يسلمك حنونة و التحلية كاالتالي
المقادير :
كاس كريم شانتي غبرة كاس عصير البرتقال بارد حبة تفاح مسكرفجة بالقشور ملعقة عصير قارص 100 غ شكولاطة سوداء دايبة مع ملعقتين ماء باش تولي تبرق ، حبات فرولة أو كرز مصبر للتزيين
طلعي الكريم شانتي مع العصير ثم ضيفيلها حبة التفاح الي تكوني رشيتي عليها شويا عصير قارص باش ماتكحالش ثم ضيفيلهم الشوكولاطة الدايبة و حركي دورتين فقط فقط باش يخرج الشكل ديكغادي و ضعيها في صحون التقديم و زينيها بالفرولة أو الكرز ، انا ماكانش عندي الفاكهة . نتمنى تكوني فهمتي و بالصحة و الهنا مسبقا

عفوا مافهمتش السطر الاول ياريت تعاوديلي المقصود و شكرا .

nawel zed · 2014-04-02, 10:37

واااااو يعطيك الصحة شفت الحلقة و جربت التحلية جااات هايلة جاي الصيف و رمضان انشاء الله لاوم حوايج كيما هكا