قوليلي وقتاش بدا يمشي وليدك او بنتك

aminabil · 2014-03-09, 14:30

السلام عليكم تعيشو قولولي وقتاش بداو يمشو ا ولادكم انا عندي بنتي في عمرها عام و 3 اشهر و مازال ما بداتش تمشي راهي غير توقف وحدها و تمشي مع اثاث المنزل بطريقة سريعة و لكن انا شفت كامل اللي في عمرها بداو يمشو و هي مازالت تعيشو جاوبوني باش نستفاد من تجاربكم و شكرا مسبقا

أم همام 2015 · 2014-03-09, 14:43

السلام عليكم عادي أختي ماتتقلقيش كل واحد و كيفاه الطبيبة قاتلي كي يجوزو عام ونص ابداوا تقلقوا اصبري شوية على بنتك شهر شهرين تمشي بإذن الله تحياتي

أم مبين · 2014-03-10, 12:51

عادي أختي مادام راها تمشي مع الأثاث راها قريبة أنا بنتي مشات مع العام وشهرين وولدي مع العام والشهر لكن بنت أختي مشات حتى العام و4شهور ما تتقلقيش رايح تمشي وتهبلك تشبعي غير جري وراءها

aminabil · 2014-03-10, 14:16

اقتباس:

المشاركة الأصلية كتبت بواسطة أم مبين

عادي أختي مادام راها تمشي مع الأثاث راها قريبة أنا بنتي مشات مع العام وشهرين وولدي مع العام والشهر لكن بنت أختي مشات حتى العام و4شهور ما تتقلقيش رايح تمشي وتهبلك تشبعي غير جري وراءها

شكرا لكن على الردود هي تحب تمشي توقف وحدها بصح كي تجي تقيس رجليها تخاف و تقعد مادابيا تعطوني المزيد من الردود

قمر 77 · 2014-03-10, 14:29

سلام اختي انا عندي بنتي مشات على تسع اشهر و الولد على 13شهر و الفنيان الصغير ما حبش يمشي حتى 15شهر و هو غير يحبي حتى رجع باباه يقولو نزيد نشوفك تحبي تشوف تخيلي كي يسمع المفتاح دار في الباب و يعرف باباه جاء يوقف و يمشي كي يروح للخدمة يرجع يحبي هذ الجيل حيليين ما تخافيش معا تحكم المشية راها تمشي كاين اللي فنيان كيما وليدي و كاين اللي يخاف كيما بنتك انساي التقلاق ما دام راها تمشي مع الاثاث و ربي يفرحك بيها

*أم جابر* · 2014-03-10, 17:16

السلام عليكم اختي انا ابني عندو 11شهر راهو يمشي بصح كل واحد و دمو ما تتقلقيش كاين لي مايمشوش حتى ل18شهر و كاين حتى لعامين غير بلعقل تولي تمشي و تهبلك تقولي لو كان غير مازلها صغيرة غير الصحة والعافية اختي ربي يحفظهالك امين

ساندريلا · 2014-03-15, 21:33

هههههه لا باس ان شاء الله ابني مشى في 11شهر اما ابن أختي بقى يحبي حتى 18شهر يوم دار التلقيح العشية ماض يمشي
كل واحد و دمه لا تقلقي

الأستاذ *قداري* · 2014-03-15, 21:52

عادي ممكن اختي تساعدي بنتك امسكي يديها ومشيها ثم حاولي تخليها تواصل المشي لوحدها طريقة مجربها مع اولادي .

ام ملاك. · 2014-03-15, 22:20

انابنتي مشات على 10 اشهر
على خاطرش كنا في الصيف لوكان جينا في الشتا بالاك ماتمشيش هكذا يقولو
اصبري مزالها صغيرة بنت سلفتي فاتت العام بشحال باش مشات