مركز تدريب المشاة - مويلح - الجلفة دفعة ماي 2015

[samirforever]

السلام عليكم ورحمة الله وبركاته


وصلني ثالث استدعاء لمركز تدريب المشاة - مويلح - الجلفة رتبة طالب صف ضابط احتياطي يوم 20 ماي القادم
قيل لي انه اذا لم اذهب في الوقت المحدد ساصبح روشارشي

فأنا باذن الله متوجه الى هذا المركز

فهل يجب الذهاب الى مركز العبور بموزاية كما مذكور في الاستدعاء او يكمنني الذهاب مباشرة الى هذا المركز
ان كان بالامكان الذهاب مباشرة فارجوا من يعرف هذا المركز ان يدلني على الطريق الصحيح للذهاب من العاصمة الى هذا المركز بالمويلح
وماهي المدة الاقصى للذهاب لانه قيل لي انه يمكنني التأخر عن الموعد اي 20 ماي لكن ليس كثيرا

[samirforever]

دائما في انتظار ردودكم
اضن انني الوحيد الذاهب الى هذا المركز

[dabour1]

اولا وعليكم السلام ورحمة الله وبركاته:
مركز العبور رخس وتبهديل ومزيرية ننصحك انت ولى غيرك روح للثكنة بدارهمك وقدرك ورافع راسك .
ثانيا المويلح بالجلفة ارككب من لاقار نتاع العاصمة خروبة طول للجلفة ماتهبط غير في المحطة نتاعها يعني من لاقار لاقار ومن بعد اذا حبيت اهبط للبلاد ودور شوية راهي قريبة ولى اركب للمويلح طول غير ثم في لاغار ولى اركب لدارشيوخ وقلوا هبطني في لاكزين نتاع المويلح.
ثمن الععاصمة 600دج طاكسي والحافلة اقل على مااظن400دج وكي تهبط للمويلح اما ب50دج طول وعلى تخلص 70دج مدينة دار الشيوخ وتهبط في الطريق راهي في طرقك وافضل الاخيرة لانك تهبط عندها طول.
سلام.

[samirforever]

المشاركة الأصلية كتبت بواسطة dabour1

اولا وعليكم السلام ورحمة الله وبركاته:
مركز العبور رخس وتبهديل ومزيرية ننصحك انت ولى غيرك روح للثكنة بدارهمك وقدرك ورافع راسك .
ثانيا المويلح بالجلفة ارككب من لاقار نتاع العاصمة خروبة طول للجلفة ماتهبط غير في المحطة نتاعها يعني من لاقار لاقار ومن بعد اذا حبيت اهبط للبلاد ودور شوية راهي قريبة ولى اركب للمويلح طول غير ثم في لاغار ولى اركب لدارشيوخ وقلوا هبطني في لاكزين نتاع المويلح.
ثمن الععاصمة 600دج طاكسي والحافلة اقل على مااظن400دج وكي تهبط للمويلح اما ب50دج طول وعلى تخلص 70دج مدينة دار الشيوخ وتهبط في الطريق راهي في طرقك وافضل الاخيرة لانك تهبط عندها طول.
سلام.

بارك الله فيك اخي على هذا التوضيح

بقي سؤال هل يجب الذهاب يوم 20 ماي او يمكن الذهاب متأخر وما هو الحد الاقصى للتاخير

[dabour1]

دبر راسك ياك انت رايح تعقبها تعقبها تروح من الاول ولى من الاخير مي تروح روطار بالزاف ممكن يردوك ويقلولك تملات المهم انا ننصح بروطار 7ايام وربي يسهلك وان شاء الله ترجع لداركم وما تعقبها واذا عقبتها الصحة والعافية خير من كل شيء وربي يخلف عليك وما ينقص حد من احبابك دعوة الخير برك منك سلام.

[طارق256]

السلام عليكم الأخ

[mohamed820]

بلاك نتلاقاو انا تاني رايح لمويلح كانت عندي قضية نتاع فرار و حاكمة في محكمة بالبليدة و عاودو رجعوني في مويلح

[mustafa algerian]

سلام عليكم . انا تان بعتوني لتم نسكن في خميس مليانة راني حاير لا نروح في الوقت ولا ندير الروطار شويا

[mohamed820]

المشاركة الأصلية كتبت بواسطة mustafa algerian

سلام عليكم . انا تان بعتوني لتم نسكن في خميس مليانة راني حاير لا نروح في الوقت ولا ندير الروطار شويا

على اقل 5 ايام ما ديرش روطال بزاف ان شاء الله نتلاقاو

[Ravmon]

أنا وصلني استدعاء لمركز تدريب المشاة - بثكنة عبادلة - بشار رتبة طالب صف ضابط احتياطي يوم 20 ماي القادم و سالتحق 21 ماي و لا أعرف اي معلومة عن هذه الثكنة ....

[mustafa algerian]

المشاركة الأصلية كتبت بواسطة ravmon

أنا وصلني استدعاء لمركز تدريب المشاة - بثكنة عبادلة - بشار رتبة طالب صف ضابط احتياطي يوم 20 ماي القادم و سالتحق 21 ماي و لا أعرف اي معلومة عن هذه الثكنة ....

افتح موضوع بالاك يجاوبوك

[mustafa algerian]

غدا ان شاء الله راني رايج ادعولنا معاكم الخاوة

[toufik berradia]

انا كنت فما من نهار 20 ماي 2015.وضع كارثي للغاية لكن الحمد لله تمى اعفائي بعد 10 ايام من دخولي والحمد لله و عقوبة للمزالو
مهم المويلح محيش حالى حسب رأي الشخصي

[HASSAN2]

السلام عليكم
انا ثاني بعثوني لمويلح
انا من العطاف

[anouar_fal]

أنا كنت رايح للجلفة في سبتمبر 2015 و بطلت ما رحتش درك راني رايح للمدرسة العليا بالحراش للعتاد شكون رايحلها