من عنده مشكلة في الاجهزة الكهرو منزلية هنا الحل ان شاء الله

[حميدهاشمي]

السلام عليكم عندي سخان تاع الماء بالغاز ماركة flamme bleu وبما اننا ما عندناش غاز المدينة بدلتو البيوك الخاصين بغاز البوتان تاع القرعة هادي 5 سنين كلشي نورمال هاد السمانة لاحظت انو النار تاعو ما بقاتش زرقاء ولات حمراء بالزاف ومتفرقة واللهب ولا يخرج من الثقب اللي أمام الشعلة الامامية حتى اسودت الواجهة كما انه اصبح يترك دخان كثيف في الجدار رغم انني عامل لو شيميني اللي تخرج الدخان خارج المطبخ كما ان حرارة الماء نقصت مقارنة بالسابق الرجاء افادتي بالحل اذا ممكن
وشكرا

[خدوجة شكر]

مشكو اخي على التوضيح وجزاك الله كل خير وجعلو في ميزان حسناتك

[zitoukar]

4444444444444444444444444444444444444
بارك الله فيك و جزاك الله خير الجزاء

[لينوش.]

أنا عندي غسالة إنيام عندها خمس سنوات الان ولات متخرجش الماء وكانها مسدودة والماء ولا يخرج من القجر تاع الصابون هل من حل

[zaki10]

المشاركة الأصلية كتبت بواسطة حميدهاشمي

السلام عليكم عندي سخان تاع الماء بالغاز ماركة flamme bleu وبما اننا ما عندناش غاز المدينة بدلتو البيوك الخاصين بغاز البوتان تاع القرعة هادي 5 سنين كلشي نورمال هاد السمانة لاحظت انو النار تاعو ما بقاتش زرقاء ولات حمراء بالزاف ومتفرقة واللهب ولا يخرج من الثقب اللي أمام الشعلة الامامية حتى اسودت الواجهة كما انه اصبح يترك دخان كثيف في الجدار رغم انني عامل لو شيميني اللي تخرج الدخان خارج المطبخ كما ان حرارة الماء نقصت مقارنة بالسابق الرجاء افادتي بالحل اذا ممكن
وشكرا

الدخان لي يخرج مت السخان لازم اتعودة ليباك جديدة علي ختر من كثرت الاستعمال تفتحو و ذرك راه اخرج بزاف الغاز ويدير الدخان اما الماء و لا مهوش قوي و ميسخانش مليح لازم اديبوشي التيوات من الكلكير اولي كما كان جديد ان شاء الله

المشاركة الأصلية كتبت بواسطة ليس مهما

أنا عندي غسالة إنيام عندها خمس سنوات الان ولات متخرجش الماء وكانها مسدودة والماء ولا يخرج من القجر تاع الصابون هل من حل

عندك مشكلة في مضغة الماء التي تخرج الماء اما تكو فاسدة لازم وحدة جديدة و لا كش وسخ لاصق فيها و خلاها ما تخرجش . الماء اذي يخرج من لقجر تاع الصابون اكون التيو لي يدخل الصبون داخل المشينة مسدود من الصبون لازم تفتحي الماشينة و يتنقا التيو لي يدي داخل الماشينة و تحل ان شاء الله نهائيا

[ام عماد الدين]

أملك غسالةArthiur martin منذ أيام أصبحت لا تعمل بشكل جيد بحيث تترك آثار الصابون على الملابس ولاتعصر القش جيدا فما مشكلتها؟

[zaki10]

المشاركة الأصلية كتبت بواسطة ام عماد الدين

أملك غسالةarthiur martin منذ أيام أصبحت لا تعمل بشكل جيد بحيث تترك آثار الصابون على الملابس ولاتعصر القش جيدا فما مشكلتها؟

ماتكثريش بازاف الصابون و لازام تتنقا المضخة لي تخرج الماء عندك مشكل فيها و الله اعلم

[قوت]

عندي مشكل مع الغسالة كي تعصر تفيبري بزاف تقول راح تطير علما انها جديدة من نوع electo lux شريتها ب 43500

[zaki10]

المشاركة الأصلية كتبت بواسطة قوت

عندي مشكل مع الغسالة كي تعصر تفيبري بزاف تقول راح تطير علما انها جديدة من نوع electo lux شريتها ب 43500

لازم تكون الغسالة متوازينة

[manar7]

با ر ك الله فيك

[سوسو الطموحة]

عندي غسالة ارتير مارتان.....تكسرت لي الحجرة من الداخل .....وهي الان لما تغسل تبغيتطير هل يمكن تغييرها .....و من اين اشتري .....والثمن اذا كانت عندكم معلومات ....شكرا وجعله اله في ميزان حسناتك

[zaki10]

المشاركة الأصلية كتبت بواسطة سوسو الطموحة

عندي غسالة ارتير مارتان.....تكسرت لي الحجرة من الداخل .....وهي الان لما تغسل تبغيتطير هل يمكن تغييرها .....و من اين اشتري .....والثمن اذا كانت عندكم معلومات ....شكرا وجعله اله في ميزان حسناتك

مكاش اجديدة مي
تلقايها لي عندو لكاص

[هدى ام ريماس]

عندي ثلاجة eniemقديمة شوي ديرلي ليبلوك تاع لاقلاس ما الحل

[zaki10]

المشاركة الأصلية كتبت بواسطة هدى ام ريماس

عندي ثلاجة eniemقديمة شوي ديرلي ليبلوك تاع لاقلاس ما الحل

مانوع الثلاجة اذكانت عندها باب وحدة و لا زوج وين راه ادير لgلاص مافهمتش لازم التفاصيل

[imane khaled]

سلام عليك اخي ربي يجازيك انشاء الله على لي تعملو معانا شكرا لك استشرتك سابقا بالنسبة للغسالة و نصيحتك كانت في محلها يعطيك الصحة
سؤالي اليوم بالنسبة للفرن عندي كريستر النوع الكبير فيه 5 كوانين الباب تاعو كان يتغلق جيدا طيبت فيه مرة جيقو كبير تاع لحم مالا فورصيتو شوية باش الباب يتغلف منها اصبح مايتغلقش مليح و بالتالي تخرج منو السخانة و الكويزينيار بدت تحرقلي من جيهة الاقفال هل يمكن اصلاحه ؟ و ش نديرلو ؟ شكرا مسبقا