السلام عليكم
وصفة سهلة ومكوناتها كاينا ولا ماكانش تكون في رمضان انشاء الله .....ههههههههههه
6 علب ياوورت طبيعي - 6 حبات فراز - 3 انصاف حبات خوخ - 3 شرائح اناناس بالسيرو - 2 حبات تفاح - 1 ليمونة - 150 غ سكر عادي - 1 م ك فاني نتاع الميزان او 2كيس فاني نوارة مادام رايه يتخلط مع السكر . .... ماشي مشكل .
فرغي العلب 6 نتاع الياوورت في ليان زيديلهم السكر والفاني ... غطيهم بفيلم اليمونتار و حطيهم في الثلاجة ماشي في المجمد ... قطعي الخوخ + الفراز والاناناس الى قطع صغيرة و قطعي التفاح الى شرائح رقاق وفوتي عليه كامل عصير الليمون باش ما يتغيرش لونه.... خلطيهم مع شوية سيرو نتاع الاناناس باش يزيدو يحافظو على اللون ... مقدار 1 كاس نتاع اتاي .... غطيهم دايما بالفيلم وحطيهم حتى هما في الثلاجة ... حتى لوقت التقديم ...
وجدي كيسان يكونو طوال شوية ماشي اقزام ....ههههه....ابداي حطي الياوورت هو الاول في الاسفل من بعد عاد حطي الفواكه بـ 2 م ك .... او 3 على حساب الكيسان نتاعك ....وزيدي حطي طبقة من الياوورت ... وطبقة من الفواكه وكملي دايما بالياوورت
وادا كنتي مبدعة راكي رايحا تتفني في الطبقات ... ديريهم بشكل تدريجي في الكيسان كي تشوفيهم امامك كامل
بالمعنى الكاس الاول حطي مباشرة الفواكه ثم الياوورت و كملي
الكاس التاني حطي طبقة من الياوورت وفوقها طبقة من الفواكه وكملي
والكاس الثالث حطي طبقة من الياوورت اعلى على طبقة الكاس التاني ومن بعد الفواكه وكملي ....
انشاء الله تكونو فهمتوني ........و الله الة التصوير راهي مربوطة في رقبتي وما لحقت والو ....ههههه
و زيني من فوق بالعسل او مكسرات مدشين او كراميل ... على حساب واش عندك ودوقك ..... ونسيت هادي المقادير تكفي لستة اشخاص ....
مليحة بزاف لسهرة رمضان لاحيانا ربي .
انشاء الله تكون عجبتكم الوصفة ... وما تلوموش عليا على الصور .... غير نديرها ... ندير تعديل في الوصفة ونحطهم .
سلامي الحار ليكم ونقوللكم رمضان كريم انشاء الله .
( تقرير عن مشاركة سيئة )، و الموجودة أسفل كل مشاركة .
2014-06-18, 19:45
yaourt cocktail .................... هايل
العرض العادي
