حياة جاهليه

[مشكلتي]

[ديرو رواحكم في مكاني من بعد احكمو
واحد يقلك نسكن مع العايله الكبيره ولا مكانش
ونتي تشرطيلو منزل مستقل للاسباب التاليه
عندو بزاف خواتاتو يتلمو في دار والديهم وكل وحده تجيب جيش تع بززززز
تقول معيز[خ
يكسرو ينقزو ي يوسخو العفن لوسخ العياط المدابزا
يدخلو للشومبرا يخربو
يدخلو للتوالات يعفنو
ياكلو فالمطبخ تقول الماجاعه عمرهم ولا كلاو
ومن بعد يقلك منقبلكش خدامه
لازم جامعيه وتبطل فالدار وتكنس وتنقي على هذا الجراد لي ميخلي اخضر ولا يابس
ومن بعد يقلك جبتك خدامه تخدمي عايلتي ونتي ساكتا
انا لا اقبل حياة الهمج هذي
في دارنا ممنوع تدخل صباطك للبيت
ممنوع الضجيج
ممنوع السب والشتم
عشت فالهدوء وكلش معقم
كل واحد مقادر روحو
معدناش عقليه روطار كيما هذي
يااخي اذا نتا متربي فلفوضى جيب على حسابك نتا
انا عشت وسط الورد والهدوء والنظام
مش يجي واحد تقول خرج من غار ياجوج وماجوج
ويفرض رايو عالناس لي مش موالفين معيشة الهرج والفوضى

اسمحولي هذا تخاف
جيب فام دو ميناج تخدم على ماليك
وخلصها
بنت الناس جات تبني دارها مش تهمبر على خواتاتك لي جايبين اسراب واسراب من القرده الهاءجه

[نجاة^^]

السلام عليكم
اولا غاليتي لو حسنتي تعبيرك على الأطفال ،،،ليس من الممكن تشبيههم بالماعز !!! ضعي نفسك مكان أم ما وستعرفين معنى كلامي ، ,اللوم يا عزيزتي ليس على الأطفال ولا على تربيتهم ،،،اللوم اولا على إختيارك ،،انت من الأول قبلت بالوضعية ماذا عساكي الآن ؟ أن تتكلمي مع زوجك باللين ،كل اللين ،لن ينفعك صراخ ولا لوم ولا شيىء آخر ،،،فلتطلبي من زوجك أن تستقيلو ببيت لوحدكم ،وعليك أن تصبري لأنه أكيد سيكون في المقابل بعض التضحيات ،أنصحك أختي بالعودة دوما وأبدا إلى الله ،،نعم عليك بالصلاة بالدعاء وخاصة وخاصة قيام الليل ،،داومي سورة البقرة ،داومي الإستغفار وبإذن الله سترين الفرج عن قريب ،،،أعانك المولى

[أم رقية نسرين]

السلام عليكم
يا ختي اسمحيلي الرجل كي يجي يتقدملك وتعرفي ظروفو هكا متخرجش عليك متقبليش من الاول....علاش تقبلي ومن بعد تولي تنتقدي الدار الكبيرة هاذا هو حالها ونتي رحتي برجليك
.و متقوليش حياة جاهلية يا ختي لا يليق
ربي يصلح الاحوال

[نورسين.داية]

السلام عليكم

هل هناك أحد في هذا الكون بأكمله أجبرك على القبول ؟؟؟؟

[Rofrof]

ماكالاه تقبلي الزواج بيه ان كان خاطبك .. لانو الحياة اللي رح يقدمهالك ماتوالمكش . وهو بعقليتو هادي مارحش يروح بعيد حتى فام دوميناج بخدمتها والراتب ديالها مادابيها تخدم في جو اسهل وارتب. وينك يا زوجة حابة تتزوج بش تعيش ماشي بش تخدم اعمال المنزل خاصة ايدا كانت معززة في دارهم* وماشي موالفة باجواء العائلة الكبيرة .
ما اذا كنت متزوجة معاه* فكلميه بتعقل عله يتفهم و ويحس بيك* وانت احيانا احسني لوجه الله والله يجازيك ع هذا.*
لازم الواحد ياخذ بعين الاعتبار العائلة ماهوش الزواج دائما زواج اثنين فقط راهو ارتباط عائلتين . وانت ايدا قبلت لازم تكوني ناضجة بما فيه الكفاية لتتحملي مسؤولية قرارك وتحاولي قدر المستطاع ان تنجحي زواجك دون الضرر باحد.*
والله المستعان ويعافينا.

[نافعة(=]

شوفي ختي
انتي عندك الحق تشرطي عليه وش حبيتي
والشروط هذو تتفاهمو عليهم ويشهدو عليهم الشهود فالعقد

وخواتاته معندك مدخلك فيهم
الغلطة في راجلك
مكالاه تهدري على الناس وتغتابيهم،
مهما يكونو معفونين ووسخين ومشي مربيين
هذي حياتهم خليهم متغتابيهم متقيسي راجلك بالكلام

راكي مبلية بزوج حوايج
، اولا راجلك لي مشي متفهم أن المراة كي تتزوج تخدم في دار شيخها بالحسنى والعقل
مشي بالتهنبير
وثانيا لسانك، الناس مهما كانت حالتهم متدخليش فيهم، متهدريش فيهم

فهمي راجلك بالعقل هاطىر الراجل ميحبش المرأة لي تزع¨ي عليه
وميحبش المرأة لي تعيب أهلو وتهدر فيهم حتى لوكان صح الكلام لي راها تقول فيه صح


وطبعا، قبل هذا كلو راها تبقى "غيبة"