ترتولات بموس الجوزية حصريا من مطبخي

ام اماني77 · 2014-09-25, 15:50

بسم الله الرحمان الرحيم

الجوزية القسنطينية الكل يعرفها ويحبها لكن الجديد هو موس الجوزية
الاختلاف بينهما ان الجوزية نحطها فوق النار على حمام مائي حتى تنشف اما موس الجوزية نكتفي بالتحريك الجيد من دون مانحطها على النار يعني قوامها يكون ثقيل نوعا ما لكن مش ناشفة
هذا الموس يمكن تقديمه في اكواب فردية مناسب للخطوبة وحفلات النجاح او نحشي بها الترتولات كنوع من التغيير والتجديد

https://

اذن على بركة الله نبدأ في تحضير موس الجوزية

المقادير:

3 بياض بيض
كاس سكر احرش
كاس ماء
250غ عسل انا استعملت النونورس
50غ عسل حرة
250غ جوز محمص ومقطع خشن
فاني
رشة ملح

الطريقة:

اولا نحضر الشربات وذلك بخلط السكر مع الماء ونحط الخليط على النار ونخلوه يغلي

https://

من جهة نطلع بياض البيض مع رشة ملح كالثلج

https://

نخلط كمية العسل مع العسل الحرة

https://

بعد مايطيب السيرو نضيفلو خليط العسل ونخلي الخليط فوق النار حتى يسخن

https://

بعدها نضيفه لبياض البيض لي كنا طلعناه على شكل خيط رفيع مع الاستمرار في الخلط حتى نكمل الكمية لي عندنا
بعدها نستمر في الخلط تقريبا نصف ساعة بدون مانحطها على حمام مائي فقط نستمر في الخلط حوالي نصف ساعة وهذا سر نجاحها

https://

بعد ذلك نضيف كمية الجوز

https://

نحرك ونحتفظ بها في الثلاجة لانها تقدم باردة

الان نقوم بتحضير عجينة الترتولات
ممكن نستخدم اي عجينة صابلي معتمدينها او نحضر عجينة صابلي بالجوز لان الموس فيها جوز راح يكون الذوق رهييييب

مقادير العجينة:

250غ مرقرين
2 م ك سكر رطب
صفار بيضة
نصف كاس جوز محمص ومرحي رقيق
فاني
فرينة

الطريقة:

نخلط المرقرين مع السكر جيدا ثم نضيف صفار بيضة والفاني ثم الجوز المرحي و نجمع بالفرينة

https://
نحضر قوالب الترتولات نستعمل اي نوع متوفر عندي انا استخدمت هذا النوع

https://

نبسط العجينة في القوالب

https://

نثقبها وندخلها تطيب بعد ماتبرد نحشيها بموس الجوزية ونزين بانصاف الجوز ونقدمها وهذا شكلها

https://

شوفو ما احلاهم والذوق ولا ارووووع

https://

https://

عن قرب اممممممممم

https://

وهنا قدمتها في اكواب

https://

://

نتمنى تجربوها لانها فعلا هااااايلة وتحمر الوجه ولي عجبتها تحط رد لاني تعبت في تحميل الصور

والاهم دعوة خير في ظهر الغيب ولكن بالمثل

في امان الله

إلهام07 · 2014-09-25, 15:54

قل أعوذ برب الفلق ماشاء الله عليك يهببببببببببببلو
يعطيك الصحة ام اماني والله قاعدة نعت فيها لاختي قلتلها هذي المبدعة كل مرة تفاجانا بحاجة جديدة مالعبتش
يسلمو إيديكي ياشاف انا نموووووووووت على الجوزية وععععععععععع جوعتيني

ام رويدة · 2014-09-25, 15:59

روووووووعة كروعتك يا ام اماني.....ربي يحفظك ويزيدك من نعيمو

والله وصفاتك دائما في القمة نجربوها وعينينا مغمضين
ربي يخليك وبارك الله فيك

oum ibrahim · 2014-09-25, 15:59

ماشاء الله تبارك الرحمان اللهم صل و سلم على رسول الله
رواااااااااااااااااائع سلمت يمناك يا الغالية توحشناااااك
من فضلك سؤال هل هذه هي وصفة الجوزية او هناك فرق بينهم و الف شكر

عماني نور · 2014-09-25, 16:05

يعطييييك الصحة يا أروع شاااف ربي يخليك لينا ان شاء الله و مايحرمناش أبدا من إبداعاتك

والله لقيتيني حااصلة في حاجة نقدمها مع العصير .... و عجبتني بزااااف هاذ الوصفة و اكييد نجربها ان شاء الله

مازالنا نستناو إبداعاتك

لكِ مني كل الشكر و ربي ان شاء الله يجازيك كل خير على واش راكي تقدميلنا

نور اليقين 77 · 2014-09-25, 16:08

السلام عليكم و رحمة الله تعالى و بركاته
اختي ام اماني يعطيك الصحة وصفاتك فالقمة
حبيت برك نسقسيك العسل الحرة ما نقدروش نعوضوه بعسل الاصطناعي
و حبيت لوكان تمديلي وصفة تاع المشوك اللي معتمدتيها انت
و ربي يحققلك واش فبالك

مسعودي خولة · 2014-09-25, 16:10

alahh ybarak rabi ykhalik khsara microya mayaktabch arab rabi ykhalik lina w yjazik
habibti om amani matzidich tkhalina nastanaw hakda lazam koul youm wasfa
andi bezaf des roucet haba taatihomli ida moumkin

linat · 2014-09-25, 16:12

الله يبارك كلش رووووووووعة يا مبدعة

oumhana · 2014-09-25, 16:13

ام اماني الله يبارك الله يبارك الله يبارك عليك وعلى صحتك ماشاء الله عليك أنت فنانة.
قوليلي الله يرحم الديك منين تجيبي هاذ القوه و الوقت و التفنن و تتحفينا كل مره بالجديد? "قل هو الله أحد"عليك الله يــــبـــــارك فــــي صحتك .

ناديـة · 2014-09-25, 16:14

الله يبارك هايلة إن شاء الله سأجربها

مسعودي خولة · 2014-09-25, 16:18

om amani ,in fadhlak wasfat basbousa turquia w kika b crem nestel et kiri w bousou ta3ak rabi yahafdak 3andi diaf godwa w rabi ykhalik lina nchallah

idron0 · 2014-09-25, 16:19

جزاك الله خيرا

oum islem · 2014-09-25, 16:20

ilehi ya hannane ya mannene assaloka an tastora om amani wa tob3ida 3anha kol balei rabi ynajeh awledek wa yfarhek wa ahlaki ya3tik bezef bezef saha rabi yssahel omoraki wa yohayn 3anki kol sa3b amiiiinnnnnnnnn

selma-chirdent · 2014-09-25, 16:23

ماشاااااء الله لاااااااا قوة إلا بالله روووووعة وباينة تشهي ^_____^

يعطيك الصحة مبببدعة حقااااا ربي يحفظك

امممم سؤال ، هاد لقاطو شحال ممكن تبقى ؟؟ ولا لازم تقدم مباشرة ؟؟؟ يعني نخمم ولا نقدر نديرها فالعيد ؟؟؟

ام اماني77 · 2014-09-25, 16:38

شكرااااا غالياتي على المرور الطيب
لي عودة ان شاء الله للاجابة على اسئلتكن