|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
رفيس بالاعشاب و زيت الزيتون على طريقة ناس زمان
 |
|
|
أدوات الموضوع | انواع عرض الموضوع |
2013-04-13, 13:37
|
رقم المشاركة : 1 | ||||
|
رفيس بالاعشاب و زيت الزيتون على طريقة ناس زمان
جبتلكم اليوم رفيس كانو يديروه ناس زمان بالاعشاب و اليوم امي دارتو قلت نصورو و نحطو لحباباتي في الجلفة هكا باش نتعرفو على عادات بعضنا البعض احنا عادة نطيبو الحرشة (حنا نسميوها المبسس) و نطحنوها و زيدولها الزبدة و هذا هو الرفيس نتاعنا لكن اليوم حبيت نوريلكم طريقة قديمة وين كانو يضيفو الاعشاب هذه صور بعض الاعشاب لي تستعمل       الطريقة كالاتي سميد متوسط ( يلا كان دقيق الشعير افضل او نخلط سميد مع دقيق الشعير) زيت زيتون اعشاب طرية مطحونة ملح ماء القليل من السكر ناخد السميد و الاعشاب و نزيد عليها زيت الزيتون بكمية كافية باش نبسس كامل السميد كيما في الصورة   نجيب الماء نزيدلو الملح و نخلط حتى تذوب الملح و نخلط بيه السميد بلا ما نعجن نلمو برك  نكونو موجدين طبق فيه شوية سميد نحطو فيه العجين لي لميناه و شكلناه كرة  نقرص العجين باستعمال السميد باش ما يلصقش و نكونو سريعين في هذه المرحلة باش ما يجيناش الرفيس يابس   نديرو الخبزة تطيب في الطاجين فوق الطابونة  نقلبو الخبزة على الجهتين حتى تطيب  من بعد ندقو (نطحنو) الخبزة كيما ناس زمان بالرزامة نتاع الخشب    نديرو السكر و زيت الزيتون   و شهية طيبة   
|
||||
|
|
2013-04-13, 22:20
|
رقم المشاركة : 3 | ||||
|
اقتباس:
هذي يديروها من زمان في منطقتنا كانو يديرو الاعشاب لي صورتهم (هاذو موجودين في الحقول) بالاضافة لاعشاب اخرى يجيبوها من الجبل نستعملو اوراقهم و اغصانهم في الرفيس و الجدور تنقى (كيما نقيو اللفت او الجزر) و نديروها تيبس و نطحنوها و نستعملوها في بعض الاطباق في مكان التوابل |
||||
|
|
|
2013-04-23, 20:58
|
رقم المشاركة : 5 | ||||
|
اقتباس:
مشكورة اختي و اسفة على عدم الرد (كان عندي ظرف خاص) انت الاروع اختي معك حق السكر ليس صحي و لو استبدلناه بالعسل يكون افضل شكرا |
||||
|
|
|
2013-04-24, 15:35
|
رقم المشاركة : 6 | |||
|
السلام عليكم موضوع هايل ولو كان المشرفات يثبتوه وكل وحدة تقول على الاعشلب لى تاكل والله هى دواء 100 ب 100 انا نعرف لى فى الصورة تمرصاد والعشبة الاخرى ماعرفتهاش هنا فى البليدة مشهورين بالكسكس يسموها الحمامة بها عدة اعشاب تيبسيها وتعادى بها الكسكس من بيهم الحلحال |
|||
|
|
|
2013-06-02, 20:22
|
رقم المشاركة : 8 | ||||
|
اقتباس:
اااااااااااااااااااااااااااااااااااااااااااااااااا ااااااااااااااااااااااااااااسفة جدا اختي على عدم الرد كيما قلت كان عندي ظرف خاص جدا ما قدرتش ندخل اعتذر و اشكرك من كل قلبي
بالنسبة للعشبة الاولى نسميوها تمرساط الثانية نسميوها النابطة هي تشبه الزعتر في الشكل فقط لكن في الريحة اختلاف كبير بينهم حنا نديرو هذا العشبة للزكام او البرد بانواعه نشربوها تيزانا و نديروها في بركوكس او التشيشة تجي روعة اما الثالثة نسميوها الكحيلة و عندها استعمالاتها ايضا و نديرو تاني فليو في الرفسة ماكانش عنا في البيت ايضا نديرو الزعتر طري و اعشاب اخرى غادي نصور كلما اتيحت لي الفرصة لاني نموت على الاعشاب و الاطباق لي فيهم الاعشاب و كيما قلت يا ريت لوكان نتبادلو بناتنا الاطباق لي فيها الاعشاب و نتعرفو على اطباق زمان لانها مفيدة جدا و صحية و مشكوررررررررررررررررررررة اختي |
||||
|
|
|
2013-06-02, 20:28
|
رقم المشاركة : 9 | ||||
|
اقتباس:
مشكورة اختي بارك الله فيك و اااااااااااااااااااااااااااااااااااااااااااسفة على الرد المتاخر
الاعشاب لي نديرو في الرفيس هما الاولى تمرساط الثانية نابطة الثالثة كحيلة و يلا كان عندك فليو والزعتر ديريهم و عشبة اخرى حنا نسميوها بوزفور نستعملو اوراقها في الرفيس و جذورها كتوابل و عشبة اخرى اسمها تقندس (هي عشبة حارة و مذاقها لاذع لكنها مفيدة جدا حسب جداتنا ) |
||||
|
|
|
2014-01-10, 16:26
|
رقم المشاركة : 10 | |||
|
تقدري تقوليلي بوزفور اذا كان عندها اسم اخر لانه في ولايتي معرفوهاش العشابين قالي اذا عندها اسم اخر ولكي مني جزيل الشكر
|
|||
|
|
|
2014-01-11, 18:02
|
رقم المشاركة : 13 | |||
|
تقدري تساعديني بطريقة وهي تسالي صاحب محل العقاقير عن اسم اخر لها او باللغة لانه النابطة باللغة هي اليوزفا وبوزفور ماهو اسمها |
|||
|
|
|
2014-01-11, 18:08
|
رقم المشاركة : 14 | ||||
|
اقتباس:
|
||||
|
|
|
2014-01-11, 18:12
|
رقم المشاركة : 15 | ||||
|
اقتباس:
|
||||
|
|
|
| الكلمات الدلالية (Tags) |
| الزيتون, بالاعشاب, رفيس, زمان, طريقة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
