|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2013-02-22, 14:26
|
رقم المشاركة : 1 | ||||
|
السلام عليكن أخواتي .في هذا الموضوع ان شاء الله ستضع كل واحدة اطباق اقتصادية يعني بتكاليف قليلة يستطيع الجميع تجريبها وتكون لذيذة في نفس الوقت وسيقى فهرسا لكل من تريد اعداد طبق اقتصادي.لنا في انتظار مشاركاتكن اذن. السلام عليكم ..فكرة مليحة أختي مرات تحيري واش تطيبي و يكون عندك مقادير قليلة وصفتي.. خذي بطاطا قطعيها مكعبات بنفس الحجم أقليها في الزيت من جهة أخرى رابي الطماطم +الثوم و طيبيهم ثم قطعي عليهم البصل الاخضر+المعدنوس و حطي البطاطا تشرب شوية طماطم ثم كسري عليها بيض قدميها مع مايونيز او فرماج ساااهلة و بنينة الوصفة الثانية هي قراتان البطاطا قطعي البطاطا دوائر بنفس الحجم حطيها في طنجرة و حطي معاها فرماج أبيض ملح فلفل اسود و غطيها بالحليب خليها حتان تطيب ثم فرغيها في مول تاع الكوشة و ديري فوقها جبن مبشور وحطيها تتحمر شوية بارك الله فيك موضوع فالقمة 1- أنا عندي قراتان الشوفلور غلي الشوفلور فالماء من بعد في مول مدهون حطي قطع الشوفلور ثم زيتون أخضر مقطع صغير ثم فرغي عليه البيض و دخليه الفرن إذا كان عندك لحم دجاج و لا لحم مرحي ديريه طايب أنا نديرو بلا لحم و ندير نقلي حبات الشوفلور بالبيض قبل و نزيد الفرماج يجي بنين 2- تشكشوكة هايلة أنا ندريها حتى و نكونو فالشتاء نقلي حبات فلفة بالملح عادي ثم نحلها القشرة و نقطعها قطع صغيرة فالمقلة نكرفش2 طماطم يكونو طايبين مليح مع سنات ثوم نتي واش تحبي بنة الثوم زديلها ملعقة طماطم مصبرة و توابل و زيت متكثريش لخطرش الفلفلة راها مقلية و قلي ذيك الطماطم مليح بلا مديري الماء كي تقرب تنشف كبي الفلفلة و خليها تنشف تحبي تاكليها هاكاك ولا ديريلها البيض المخفوق كاش متفكرت راني نرجع 3- قراتان البطاطا و الباذنجال قطعي كل منهما دوائر و قليهم من بعد في مول مدهون ديري طبقة من البطاطا ثم طبقة من الباذنجال و هاكذا حتى تكمليهم قاع ثم كبي عليهم البيض المخفوق و دخليه الفرن أذا كان عندك لحم مرحي ديري كمشة حتى و مديريهش عادي يجي بنين يهبل 4- جواز بالشوفلور غلي قطع الشوفلور و غطسيه فالبيض و قليه البيض فيه ملعقة فرينة و فلفل و كمون وجدي المرقة كرفجي حبة بصل و سنات ثوم و ديري الزيت و الملح و الفلفل و الكمون و ملعقة طماطم مصبرة و ديري قطعة دجاج تتقلى فيه من بعد زيدي قطع البطاطا متوسطة الحجم و قطع زرودية مدورة و بلعي الكوكوط حتى يطيب كلشي من بعد طفي عليها راكي تصيبي المرق نشف شوية و عقادت حطي عليهم قطع الشوفلور المقلي و بلعي الكوكوط و خليها حتى للتقديم متغلطوش تكون النار طافية نبلع الكوكوط باش تتخلط كل النكهات مع بعض أنا في داري كي نشري دجاجة نقطعها و نخبيها فالمجمد و كل منطيب ندير مورسو برك و كي يطيب نفتو فوق الطبق اللي درتو سواء لوبيا ولا عدس ولا قراتان ولا ....... ما شاء الله .... يعطييك الصحة اختي ام محمد يحي على الموضوع جاء في وقتو وخاصة انو الواحد اكره من الكوزينة ومن الروتين وزيديلها غلاء المعيشة هههههه المهم بارك الله فيك ان شاء الله نفيدو ونستفادو من بعضانا ..... اليوم كنت مزروبة وما كانش الوقت درتلهم لا بيري .... 3 حبات بطاطا مقشرين ومغليين في شوية ملح وبعد ما طابو زدتلهم شوية فرماج وشوية زبدة وشوية حليب ذرة فلفل اسود والى الروبو ..لاصوص ما كانش اللحم امالا درت علبة سردين طماطم من الفوق وشوية معدنوس ( ولدي دار التون ) .... طولت عليكم سمحولي سلامي كباب تاعي بلا حمص أنا نطيبو هاكا لخطرش كاين اللي ميحبش الحمص طيبت مورصو صدر في مرق أبيض من بعد قليت البطاطا و فتت عليها المورصو تاع اللحم من بعد درت البيض كيما نديروه فالكباب المرقة منكثرش ندير غير شوية و كي يطيب البيض تزيد تنشف و تبقى فيها بنة هايلة حتى بنة البطاطا المقلية متتخباش كلي مدرتش قاع البيض. هاكم الصور    طبق الخلوطة نصع في طنجرة الزيت الملح والفلفل الاسود والفلفل الاحمر نضيف الحمص والفول حبات + الابصل مقطع صغير + الثوم سنة البطاطا مقطعة كبيرة + حبة بدنجان مقطعة طوليا + حبة قرعة مقطعة كبير + حبة طماطم مقطعة صغير نترك الكل يتقلى ولو كان موجود لوبيا خضراء كمشة منها بعد ما تتقلى جيدا نضيف كوب الى كوب ونصف ماء حسب كمية الخضر وكي تطيب نطفي النار بعد ما تكون المرعة عاقدة السلام عليكم عجبني الموضوع وحبيت نشارك معكم بوصفات بسيطة وهذي أول مشاركة ليا شكشوكة الكمية على حسب عدد أفراد الأسرة فقط البطاطا تكون بكمية أكثر البطاطا تقطع كيما الفريت القرعةأو الجريوات تقطع دوائر رقيقة والبصل جوانح تملح وتقلي (مع بعض) من جهة أخرى نرحي حبات طماطم تكون حمراء ونقليها مع زيت ثوم وفلفل أكحل والتوابل حسب الذوق وقصبر بعدها نصفيو البطاطا والقرعة والبصل الى قلينا ونضيفولهم الطماطم ونخلطوهم تحبو تاكلوها هكذا أو تزيدو ديرو عليها البيض وتجي هكذا أحسن وترش بالقليل من الفلفل الأسود يعطيها طعم رائع وبالصحة والهناء بطاطا بالثوم ثوم مدقق أو مقطع رقيييق نحطوه يتقلى مع زيت وتوابل نضيفو شوية طماطم مصبرة وماء تغلي شوية ونزيدولها بطاطا مقطعة مكعبات شوية كبيرة غير طيب البطاطا وتخثار المرقة نطفو نزينوها بالمعدنوس أو القصبر وبالصحة والراحة وكل مانتفكر وصفة نشارك بيها ان شاء الله وشكرااا جزيلا لصاحبة الموضوع وكل وحدة فادتنا بوصفة قراتان البطاطا مع السلق 1- قليت حوالي 1.5كغ بطاطا و قطعت وفورت 2 ربطات سلق و عصرتهم مليح من الماء 2- في إناء حطيت البطاطا و معاها الملح + ثوم مرابي +فلفل أسود + 6 بيضات + قطع جبن ( اختياري ) وخلطت 3- في إناء آخر حطيت السلق ومعاه 3 بيضات و ملح وثوم مرابي وخلطت 4- دهنت المول نتاع الفور بالزبدة و رشيتو بالخبز المبشور )و اللي عندها ممكن تحط ورق زبدة إذا حبت تقلب القراتان فيما بعد ) 5- حطيت 1/2 كمية البطاطا على شكل طبقة ثم السلق ثم باقي البطاطا 6- دخلتها للفرن حتى يجمد الخليط و خرجتها قطعتها و قدمتها مع صلصة حارة لأم رامي ( 2 حبات فلفل حار + 1 حبة طماطم كبيرة رحيتهم في الروبو و حطيت شوية زيت و قليتهم مع شوية ثوم وملح + 2 مغارف هريسة ) ، ممكن تخلطو فيها 2 ملاعق زيت زيتون جي بنينة والحار ما يضرش . هاهي :  ملاحظة : هذا الطبق لازم يقدم مع سلطة هذا طبقي المفضل و هو طبق بو مفور أو المقفول ، راهو اقتصادي وبنيييييين  ،هذا رابط الوضوع نتاعي : https://www.djelfa.info/vb/showthread.php?t=1218298
آخر تعديل /زهرة عصفور الجنة/ 2013-10-02 في 13:38.
|
||||
|
|
2013-02-22, 14:36
|
رقم المشاركة : 2 | ||||
|
اقتباس:
|
||||
|
|
|
2013-02-23, 17:44
|
رقم المشاركة : 7 | ||||
|
اقتباس:
|
||||
|
|
|
2013-02-23, 18:11
|
رقم المشاركة : 8 | ||||
|
اقتباس:
|
||||
|
|
|
2013-02-24, 08:07
|
رقم المشاركة : 10 | ||||
|
اقتباس:
|
||||
|
|
|
2013-02-23, 22:05
|
رقم المشاركة : 11 | |||
|
شكرا يا فحلات هيا انتظر تفاعلكن لنستفيد جميعا |
|||
|
|
|
2013-02-24, 08:14
|
رقم المشاركة : 13 | |||
|
غراتان اقتصادي
ناخذو 4حبات بطاطا وتقطع دوائر ونفوروها. 4حبات جزر نفوروهم . ملاحظة الطبخة التي تكون بدون لحم تحتاج تقنيات من اجل ان تكسبيها لذة وطعما وكل ربية بيت ولمستها الخاصة.باش الغراتان يجيك بنين.اتبعي التالي لما تفور الخضار تكوني وجدتي شوية زيت وزبدة مخلطين بثوة مسكرفج تغمسي قطعة البطاطا والجزر وتحمري الوجهين في مقلاة ساخنة.تكوني حضرتي صلصة بيشاميل تضيفيلها شوية جبن وبيضة.قطعي ايضا السلق رقيق اضيفي شوية زيت لما يذبل اضيفي الثوم فلف اسود وشوية بسباس مرحي وبيضة.حضري طبق الفرن ستفي طيقة بطاطا طبقة جزر وطبقت سلق بعدها نصف كمية الصوص بيشاميل اضيفي سلق بعدها جزر وبعدها بطاطا اكملي بقية الصوص والى الفرن |
|||
|
|
|
2013-02-24, 08:29
|
رقم المشاركة : 14 | |||
|
ضعي اللحم فالبلا بعد ما تغسليه وتملحيه قطعي البطاطة دوائر ضعيها فوق الجاج ضفي الفلفل حارعفران قليل زيت رند سكنجبير وسقيه بالماء غلقي البلا بعد ما يطيب الجاج ويثقل الصوص ضفي الى الجاج شوية زعتر دهان فلفل حار زعفران رحيهم ودهني الجاج رجعيه الى الفرن مدة يتحمر |
|||
|
|
|
| الكلمات الدلالية (Tags) |
| الأطباق, الاقتصادية |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
هدا طبق اقتصادي في الجهد والمكونات
العرض المتطور
