للاخت التي طلبت خبز بلا دليك خبيزات السانوج من مطبخي

[الوهرانية 1]

السلام عليكن كانت الاخت
soussou _saida
طلبت وصفة خبز بلا دليك ليك اختي وللا خوات تفضلو
هاد الخبز حبيبتي بلا دليك ويعجن روحو يعني ينفع ادا جاوك ضياف وينفع ايضا لصحاب الدار. هوما خبيزات صغار مدهونين بالبيض والسانوج
وتقدري ماتدهنيهش انت وواش تحبي كان سبق وحطيتو في منتدى اخر

طريقة التحضير / في قصعة حطي الفرينة والخمارة المذوبة في ماء دافي والملح وحبة حلاوة لمي العجينة بالماء بلا ما تدلكي طبعا البركة في الكيس المبلل رفيقي الدائم ههههههههه
تبعي الصور


بللي كيس بالماء وديري فيه العجينة

خليها 15د الى 20 شوفي بعينك كي رجعت قريب ثقبت الكيس هههههههههههه


والان شوفي طراوتها بفضل الكيس

نشكلوها كريات صغيرة ونحطوها في صنية مدهونة بالزيت

نخليوهم ينزلو 5 دقائق ونكرصوهم بالكف ونخليهم يخمرو وكي يخمرو نثقبوهم في الوسط ندهنوهم بصفار البيض ونرشوهم بالسانوج وندخلوهم الفرن


وهاهو جاهز

وبالصحة والراحة انشاء الله

[*ام رامي*]

يعطيك الصحة اختي الوهرانية كفيتي ووفيتي
قوليلي نقدروا نستبدلوا الفرينة بالسميد ؟؟؟
اختي ما عندهاش بترا وتحب تخدم مطلوووع بلا دليك بصح بالسميد مش بالفرينة
شكرا لك حبيبتي

[الوهرانية 1]

المشاركة الأصلية كتبت بواسطة *ام رامي*

يعطيك الصحة اختي الوهرانية كفيتي ووفيتي
قوليلي نقدروا نستبدلوا الفرينة بالسميد ؟؟؟
اختي ما عندهاش بترا وتحب تخدم مطلوووع بلا دليك بصح بالسميد مش بالفرينة
شكرا لك حبيبتي

اكيد اختي نخدم الخبز في الفرن وحتى المطلوع بالسميد لكن دايما يكون عبر من الفرينة حتى تطري حبات السميد ونفس الطريقة بالكيس المبلل ونصيحتي ليها تستعمل السميد الرقيق جدا تحياتي اختي

[*ام رامي*]

ربي يخليك نجربها ان شاء الله

[ادرارية]

تبارك الله عليك الله يوفق

[الوهرانية 1]

المشاركة الأصلية كتبت بواسطة ADRARI

تبارك الله عليك الله يوفق

وفيكي بركة

[الأمنيات]

اختي شعال نشمخ الكيس يعني قداش ماء ندير فيه كاس او فنجان
شكرا لك على الوصفة هاذا تاع الفنيانات ههههههههههههههههه

[حياتي نبع امل]

يعطيك الصحة برك اختى سؤال بعدما خمرت العجينة في الكيس طبعا كي نحيتيه عاودتي هبطتيها قبل ما تشكليها كرات صغار
الله يحفظك شاطرة وفحلة باتم معنى الكلمة

[الوهرانية 1]

المشاركة الأصلية كتبت بواسطة الأمنيات

اختي شعال نشمخ الكيس يعني قداش ماء ندير فيه كاس او فنجان
شكرا لك على الوصفة هاذا تاع الفنيانات ههههههههههههههههه

شوفي حبيبتي دخلي الكيس في اناء مملوء ماء وخرجيه وهو يقطر ديري فيه العجينة وبصحتك حبيبة مسبقا

[بسمة تحدي]

ضووووووووووووك نجربو بارك الله فيك

[الأمنيات]

شكرااااااااااااااااا لك اختي غدا ان شاء الله نجربها اليوم خلاص عجنت

[أم ياسين الزهراء]

الله يعطيك الصحة يبان هايل راني جربت الكعك انتاعك جاني هايل وبنين يعطيك الصحة

[آمِيْرَتُه]

اممممممممممممم الله عليك يا الفحلة ما شاء الله بنيين

[ام ملاك.]

يعطيك الصحة يااخت الوهرانية مبدعة ماشاء الله

[soussou_saida]

merci
rabi yehafedek inchallah