شكون شافت وصفة القاطو اليوم تاع صليحة بسكري

[ام ايمان16]

السلام عليكم
شكون شافت وصفة القاطو اليوم تاع صليحة بسكري فيقناة سميرة تاع القلوب ماشفتهاش واش دارت فيهم
دارت بيناتهم كريمة بيضا ودهنتهم بالمعجون ومرغتهم في الكاكاو

ليرشافت الوصفة مليح تعطيلي المقادير تاعها

[بريق الدجى]

للاسف لحقت عليها مع الاخير و قالت بلي هذا القاطو مافيهش البيض نتمنى الاخوات يفيدوك

[طالبة غفران الله]

فيها 250غ زبده و كاس زيت ميشي كامل و 2كيسان سكر ناعم

[Rim DK]

العجينة:500 غ مرغرين+كاس سكر قلاص+كاس مايزينة+كاس زيت+رشة ملح+مغرف فاني+1 خميرة+فرينة حسب الحاجة
الكريمة:250 غ مرغرين+كاس سكر قلاص+مغرف فاني+نصف كاس زيت
الطغطية:noix de coco محمص+2 كاس سكر عادي+كاكاو+مغرف فاني
تلصقيهم بالكريمة وتغطي الحبة كامل بالمعجون بالبانسو وتحطيها ف الخليط تاع الطغطية وتذري عليها شوي سكر قلاص

[نبيلة المهبولة]

بصح الخليط نتاع التغطية قالت يكون نوات كوكو يكون دافئ باش يذوب شوية مع السكر والكاكاو
اختي الكاكاو من النوع الاسود ومقداره 4 مغارف كبار


واي استفسار قوليلي
وهذا الحلوة لذيذة جدا
واسمها حلوة القطيفة


والسيدة صليحة دائما اطباقها ناجحة جداااا
انا دايمن نجرب اطباقها بلا تردد

[أم رياض]

السلام عيكم،
في الحقيقة أنا أيضا من المعجبات بأطباق السيدة صليحة بسكري منذ أن رأيتها في حصة "ذوقو ماكلتنا" في الشروق تي في ، و نهار لي بدات تقدم في قناة سميرة فرحت بزاف و جربت أغلب وصفاتها و كانت ناجحة دائما.

[أم رياض]

المشاركة الأصلية كتبت بواسطة ام ايمان16

السلام عليكم
شكون شافت وصفة القاطو اليوم تاع صليحة بسكري فيقناة سميرة تاع القلوب ماشفتهاش واش دارت فيهم
دارت بيناتهم كريمة بيضا ودهنتهم بالمعجون ومرغتهم في الكاكاو

ليرشافت الوصفة مليح تعطيلي المقادير تاعها

شوفي في حسابها على الفايسبوك راهي تحط كل الوصفات لي تقدمها في التلفاز.

[ام ايمان16]

يعطيكم الصحة
شفت في النت ملقيتش وصفتها بالاك مازال محطوهاش

وماعلابليش اسم القاطو كيفاش سماتو

اذا لقيتو الوصفة في النت حطوهالي تعيشو

[edelweiss_dz]

salam,nchallah tjawbouni berk,el bare7 fi pause café,Lotfi Himeur wejjed ghribia,mais ana kount barra ou macheft'hech,chkoun chafet'ha t7ot la recette parce que j'adore ghribia Hommos,chokran

[مرام 92]

شكرا اختي تخدم هاد القاطو دائما ويجيها هااااااااااااااايل

[ايمان1994]

ممكن صورة نتاع الحلوة

[aicha.rahaf]

المشاركة الأصلية كتبت بواسطة rim dk

العجينة:500 غ مرغرين+كاس سكر قلاص+كاس مايزينة+كاس زيت+رشة ملح+مغرف فاني+1 خميرة+فرينة حسب الحاجة
الكريمة:250 غ مرغرين+كاس سكر قلاص+مغرف فاني+نصف كاس زيت
الطغطية:noix de coco محمص+2 كاس سكر عادي+كاكاو+مغرف فاني
تلصقيهم بالكريمة وتغطي الحبة كامل بالمعجون بالبانسو وتحطيها ف الخليط تاع الطغطية وتذري عليها شوي سكر قلاص

ختي معليش تشرحيلي كيفاه خدمت الطغطية

[sousouhd]

قاطو القطيفة من الحلويات الجديدة العصرية المحبوبة من الجميع،ولهذا جلبنا لك سيدتي مقادير وكيفية تحضير هذه الحلوى بالتفصيل:

[IMG]https://www.jazairia.net/wp-*******/uploads/2016/03/%D9%82%D8%A7%D8%B7%D9%88-%D8%A7%D9%84%D9%82%D8%B7%D9%8A%D9%81%D8%A9.jpg[/IMG]حلوة جزائرية عصرية قاطو القطيفة

مقادير الوصفة:
العجين:500 غرام مارغرين طرية.
كأس مايزينة.
كأس زيت.
كأس سكر ناعم.
ملعقة فانيليا.
رشة ملح.
كيس خميرة الحلويات.
الطحين.

كريمة الزبدة:250 غرام مارغرين طرية.
تقريبا نصف كأس زيت.
كأسين سكر رطب.
فانيليا.
التغطية: جوز الهند محمص،4 ملاعق أكل كاكاو غامق اللون (cacao)،كأس كبير سكر عادي، و مربى المشمش.
طريقة التحضير:
العجينة: نضع المارغارين اللينة في و عاء مع مسحوق السكر و كأس النشاء،الزيت،رشة الملح،ملعقة الفانيليا و الخميرة الكيميائية و نخلط الكل بالخلاط الكهربائي أو باليد حتى تتحصلي على كريمة متجانسة و بعدها نضيف الطحين بالتدريج وندخل كل المكونات مع بعض دون عجن العجين حتى تتحصلي على عجينة متماسكة لكن ليست صلبة.
بعدها على مائدتك أو مساحة عملك قومي برش الطحين فوقها و ضعي كمية من العجينة و إجمعيها باليد لتتحصلي على عجينة متماسكة و سهلة البسط،ثم بالحلال أبسطيها و قطعيها على شكل دوائر أوقلب (لك الحق في إختيار الشكل الذي ترغبين به) و إذا إنشقت العجينة عند البسط رشيها فقط بالقليل من الطحين،ثم ضعيها بالفرن على 180°لمدة تتراوح بين 10 إلى 15دقيقة،كما يجب أن تبقى بيضاء اللون لا أن تكتسب اللون الذهبي.

كريمة الزبدة:في وعاء نضع المارغري الطرية مع كأس السكر الناعم و ملعقة فانيليا و نصف كأس زيت،و بالخلاط الكهربائي نخلط كل المكونات معا لمدة ربع ساعة(1/4) حتى تتحصلي على كريمة ناعمة وسلسة.
نتركها ترتاح بالبراد لمدة ربع ساعة حتى تتماسك.
التغطية: نخلط كلا من جوز الهند المحمص الدافئ(يجب أن نستعمله و هو لا يزال دافئ) مع كأس السكر العادي و 4 ملاعق كاكاو و ملعقة فانيليا.
التركيب: بعدما يبرد القاطو نلصق كل حبتين معا بالكريمة و نتركها ترتاح لمدة ربع ساعة لتتماسك.

بعدها نمسح حبات الحلوى بالمربى من كل الأطراف و نمررها في خليط جوز الهند المحمص و الكاكاو ،و أتركيها تتماسك.