مقروط القارص

[إلهام07]

البسملة1

مساء الخير على بالي ضرك راكم كامل هارجين مع القاطو



قبل مايفوت الحال قلت نحطلكم وصفة مقروط القارص اللي طلبتوه كااااامل وبإلحاح




هي الوصفة هذي هكذا مدايرة اللي يشوفو او يذوقو يهبل عليه

قبل مانحط الوصفة نحب نقوللكم باللي راهي مسروقة شششششششششششش
في مرة من المرات طلبت وحدة من الأخوات وصفة "بوسو" حطاتلها أم أماني الوصفة في رد ( ربي يجازيها ويعطيها ويرضيها ويرضى عليها عمرها لا تبخلنا بوصفاتها )


أنا كنت كيما السراق خخخخخ قاعدة غير ندور كاشما نسرق لقيت الرد نتاع أم اماني وبصمت درت كوبي كولي للوصفة عندي ومنذ سنتين وأنا كل مرة نقول نجربها


كي جربتها ماتتصوروش رووووووووووووعة بشهادة الكثيرين اللي ذاقوه



صدقوني اللي يذوقو يقولي مالف ندير "بوسو" بصح عمرو لا جاني بنين هكذا والوصفة راهي أصبحت أشهر من نار على علم



أنا سميتو مقروط القارص لاخاطر ماعجبنيش اسم "بوسو" هذا ، مافهمتش شكون يبوس شكون ؟





أترككم مع الوصفة بعد التحريف :

250غ مارغارين فلوريال

5 ملاعق كبيرة سكر ناعم ( أم اماني دارت 100غ )


2 صفار بيض( أم اماني دارت 3 صفار انا ندير فقط زوج ويجي طري يهبل )


قشور وعصير ليمونتين

ملعقة كبيرة فانيليا

2 ملاعق كبيرة نشاء ( أم أماني دارت 3 لكن انا نقصت مانحبش طعم النشاء )


½ خميرة حلويات

فرينة لجمع العجينة

سكر ناعم للتزين

الشاربات : عصير حبة ليمون مخفف بالقليل من ماء الزهروماتكثروش ماء زهر باش يجي حامض وتبان نكهة الليمون ممممممممم


الطريقة :

تخدمي مليح الزيدة مع السكر والفاني ثم نضيف الصفار ونخلط ثم قشورة وعصير اللليمونتين ونخلط ثم نضيف النشاء والخميرة ونخلط ثم أخيرا نشف بالفرينة ولازم تكون العجينة طرية مثل عجينة الصابلي مانشفهاش بزاف .

نشكل حربوش رقيق سمكه حوالي 2سم أو 2,5سم على الأكثر ونقطع حبات صغار ( لأنه سينتفخ في الفرن ثم يترمد مرتين في السكر تكبر الحبة وفي نفس الوقت باش يطيب من داخل ومايجيش معجن ).

يطهى في فرن مسخن مسبقا على 160° وحذاري راهو يحمار بسرعة .

كي يطيب نخليه يبرد مليح ثم نغطسوه في الشاربات ثم في السكر الناعم.

بمجرد مانخلص كل الحبات نعاود نرمد القاطو في السكر للمرة الثانية ومباشرة نحطو في حاويات ورقية ونخبيه في علبة محكمة الإغلاق باش ماييبسش السكر نتاعو ويبقى طري.


هذه الكمية تقطع حوالي خمسين حبة



نصائحي :
إذا ضاعفتو كمية العجين ماتضاعفوش الشاربات لاخاطر تبقالكم فقط ديرو حبة ليمون كبيرة

ماتكبروش الحبات باش يطيبو مليح من داخل

طيبوه على نار هادئة باش يطيب مليح من داخل ومايتحرقش لاخاطر يحمار بسرعة
أنا كي نكون نرمد فيه في السكر نحط حبات يتشربو عصير الليمون في الوقت اللي نرمد وكي نحيهم من الشاربات نحط حبات أخرين يتشربو في الوقت اللي نرمد في الشكر وهكذا .... من بعد تلقاوه متشرب مليح العصير وحااااامض وطري يهبل

لازم منين ديرولو السكر مباشرة يتخبى في علبة محكمة الإغلاق وماتزيدوش تحلوها حتى نهار العيد باش ماينشفش السكر وييبس .
العجينة تكون طرية ماشي ناشفة باش ماتشققش .
ديرو حربوش صغير باش تتحكمو في التشكيل .
دائما للحلويات نستعمل صواني ثقيلة باش يطيب القاطو على مهلو ومايتحرقش بسرعة ويبقى عجين من داخل .

نكهة اللليمون مممممممممممممم وريحتو منين تحلو البوغتمونجي مممم تهبل










ماتنساوش أم اماني بدعاوتكم رانا في العشر الأواخر من رمضان















.






تحياتي ................. لهلوبة

[ريتاج تيارتية]

سبحان الله دخلت صدفة ديراكت على موضوووعك بارك الله فيك حبيبتي ويعطيك الصحة

[رحمة2016]

يعطيك الصحة اختي ربي يحفظك

[samsouma70]

يعطيك الصحة على وصفاتك المتميزة دائما ربي يحفظكم انت و أم اماني و يخليكم لينا ياااااا رب

[lila z]

بارك الله فيك حبيبتي شهيتيني فيه
يعطيك الصحة و الشكر اكييد للغالية ام اماني ربي يحفظها

[شمس الملوك]

يعطيك الصحة وجزاكما خيرا انت وام اماني

[ام تقي وهبة]

بارك الله فيك اخت الهام أنا دائماً نتبع وصفاتك وجربت منها كثير يعطيك الصحة
الف شكر ودمت دائماً متألقة

[حياتي نبع امل]

يعطيك الصحة
تقريبا كيما الوصفة لعندي مشكوورة

[ام أمينة]

يعطيك الصحة الهام نورتي المنتدى

[oummed]

يعطيك الصحة ما شاء الله

[ام ايمان16]

يعطيك الصحة

[nanoua7]

ربي يحفظك ان شاءالله ومرة على مرة تفكرينا بروسات ههههه ان نجي هنا غي باه نقرعج على كاش جديد وصفات من عندك

[ام حسا الدين]

ربي يعطيك ما تتمناي
وصح عيدك وكل عام وانتي بخير مع العائلة الكريمة
بلا ماننسى ام اماني ربي يسجيها

[dinet]

دايما مبدعة يا الهام و دايما نجرب الوصفات نتاعك و عيني مغمضين و دايما دايما ناجحين
و لكن سؤال اسكو هاد القاطو يقطع ؟؟؟ راني حاصلة حصلة كبيرة و الله خويا الصغير ربح السيزيام و خويا لي كبير عليه ربع البيام و راكي عارفة الضياف بعد العيد و لازمني القاطو لي يغرم و يدير بزااااف و كل ما نجرب نوع من الانواع لي كنت نديرهم ما يقطعوليش راني غادي نهبل و الله
ان شاء الله هادا يكون يقطع بغسكو عجبني بزااف و كفاية انو يكون منك و من ام اماني باش نيدرو و عينيا مغمضين دايما وصفاتكم مضمونة مية بالمية و قاع ما نخافش منها

[اريج 07]

اممممم شهتيني و انا صايمة جاء في وقتوا قيد التجريب حبيبتي

الف شكر ليك و للغالية ام اماني
ربي يحفكم
ربي يرزقك بالزوج الصالح لي يحبو خاطرك عاجلا غير اجل