الذي يريد أن يتزوج أو حتي يخطب يدخل

[الظل الخفي]

السلام عليكم

أتيتكم بقصيدة ان شاء الله تعجبك

نصحوني مرة صحابي بالزواج *******وقالولي بركاك من التعواج

راهي رايحة تديك المواج*********إذا بقيت في العزوبية

بقيت نطلع في الحساب *********و لقيت كلامهم صواب

و في الغد بعثتهم نواب********* يطرحوا لأهلي القضية

بابا وافق في الحال********** و قال نجيبوا بنت الخال

ويما جاها في البال********* يخطبولي وحدة بدوية

تفاهمنا على بنت المدينة******* قالو فاهمة و رزينة

راهي تمخمخ في الكوزينة******* وتطبخ طبخات زينة

عولنا و قصدنا الدار*********حاملين في يدينا النوار

و درنا و حنا زوار************ قاصدين بنت زوينه

الراجل في بنتو يشكر و يزيد***** قارية و ما تركتش المسيد

و صحيحة كي الحديد **********بنت العلم والتربية

قلت واش هي الشروط ********راني صرت ليكم مربوط

ومالي عندكم محطوط******** و نزيدلكم الشهرية

قالي يا وليدي سجل ********20 صباط باش تبدل

و 50 سروال مفصل ********* و يكونو ضيقين شوية

و زيد كيلو ذهب صافي ********تجيبو و انت زاهي

و الشنتوف ما هو كافي ******* راني درت فيكم مزية

بنتي راهي غالية و شريفة ****** ما تتركش يدها خفيفة

20 خاتم في القفيفة ********** تحطهم في يدها هي

كرافاش بولحية ما تنساش ******و المليون لازم يكون معاك

و الحايك مرمة لازم تلقاه*********و تقدمو لبنتي هدية

قالي يا السي موووح********** بلاك تنسى خيط الروح

باش يزيد لبنتي الروح ********** تبقالك ديما حية

تشريلها عشر كباش********** و الجاج مشوي ما تنساش

وزيدلها مترا قماش************* هادي حاجة رمزية

بنتي ما تضربش النشاف********* و من الحمام تخرج بالتلحاف

و ديما جيبلوها حفاف***********و تزور sa mère كل عشية

الطفلة نطقت ملهيك**************يا بابا لازم تنهيه

يتركني نحكم فيه ***************و يمشي معايا بالنية

قالي الشرط ماخلاص********* نقراو الفاتحة قدام الناس

قلتلو راني لباس ***************ومنين نهرب يا خويا

درنا العرس نهار الخميس********و كثر فيه الهراج و التهراس

المطرب يخلط على الناس *********و الدرباكي يعفس تعفاس

و الجمهور راهو نعاس ***********و البراح يبرح شوية

جابو العروسة للبيت *******كي شفتها من الخوف بكيت

ها على الطابلة محطوط******** و راسها من ال مزبوط

رافدة معاها عشر قطوط********** تلعب لعبة هزلية

لقيتها مركبة قطع غيار********* ها و حواجبها ولشفار

و كي ضحكت كلشي طار*********** هادي ماركة عصرية

قالت لازم نبقى حرة*********** و يماك لازم ترميها برة

و ما تكثرش الهدرة ***********انا طفلة متحضره

قلت يا امرة لازم تفهمي********** ترفدي حوايجك وتسهلي

لا تحرمونا ردودكم وتعاليقكم