لنتعرف على singer 20u43 و ملحقاتها مع ...........سطايفيه

stayfiya · 2015-01-19, 15:54

السلام عليكم و رحمة الله و بركاته

Singer 20U43
اليوم حبيت نقدم درس مفصل على مشينة السانجار واش دير و وحوايجها
و كيفاش تخيطي بيها
اول شي لي تبحث على مشينه اندوستريال كاين انواع كثيره متوفره في السوق
و الاكثر توفراً هوما هاذ الانواع
جامسي سانجار جوكي جاكي .....
و انا ناكد على هاذو خاطر ممكن تشري
وحده مليحه بصح من بعد تحصلي في بياسها لذلك من الافضل تشوفي
واش متوفر في السوق و يكون حاجه مليحه انا شاريه السانجار بتجربتي
هي حاجه مليح في الحقيقه كامل يتشابهو تبانلي تغيير الاوتوكولون
لانو في ماشينتي من فوق سانجار و الموتور جامسي ههه

ماعليناش المهم حاجه مليحه و هاذو كامل كيف كيف
مؤخرا خرجو ماشن بموتور سيلونسيو عجبوني
اسعارهم مثال السانجار 29000 بموتور سيلونسيو 35000
على الاقل دير الحس غير كي تخيطي ماتضطريش تسمعي حسها طول يوم
في الشارع في العلمه كاين من كل نوع نتي شوفي واش يساعدك
الان راح نتعرفو
كيفاش نمشيوها راح نبسطلكم على قدما نقدر
هايليك المشينه

قبل ما تبداياي اول شي لازم تمسحيها

تزيتيها تخليها ترودي هاذا هو الزيت لمليح مايكونش ثقيل

لي تقولي وين نديرلها الزيت تتوله وين مثقوب الغطاء و سطح المشينه و قطريلها

و من بعد تبداي تركبي الخيط
تبعي الخطوات

من هنا لاطونسيون تاع الخيط يعني يا ترخفي يا تشبحي

الابره بااالاكي تغلطي في الماركه نتاعك

و الارقام اكيد حسب عرض لقماش
واتاكدي من اتجاه الابره
لازم يقابلك الخط الطويل
هوما ما داروهش بها برك بصح عملوه على خاطر الابره منين تدخل
في لقماش لازم يكون عندنا ايسباس حق الخيط باش مايتشوكاش
الخيط منين يتلاقا مع القماش و يتقطعلنا
(وهنا تعرفي علاش كي متكونش الابره في بلاصتها يتقطع الخيط)

نروحو للكانات
و هذا الفيس هو لي نشبحو منو الخيط ولا نرخفوه باش ما يطلعش
فوق لقماش كي نعودو نخيطو

باش تعمري الكانات بالخيط تنحيهامن البورت كانات و تثبتيها
في هاذ المكان تقومي بكبس اللسان الى هاذ الاتجاه و
الخطوه التاليه تفتحي العجله بطريقه وين العجله
الداخليه تكون عكس عقارب الساعة و الخارجيه العكس
و تقومي بالحركه في نفس الوقت
ضك بمجرد تلضي على الرجل تاع المشينه
تبدى الكانات تتعمر و كي تخلص وحدها تتوقف
بهاذ الاتجاه تركب

و تبداي تخيطي
تخيري الدواسه العاديه و تركبيها

و جربي خياطتك هل هي عاديه ام لا
اذا كان اشكال ريقليه قبل مانخيطو و نطرطقو
نروحو نتعرفو على الديكور الخارجي و واش وظيفة كل زر
هذا البوان داري point d'arrêt كي نبدى الخياطه و كي
نخلصها نثبت بهاذا الزر لانو يرجع للخلف معناه ياكد الخياطه

هذا يخلينا نخيرو اتجاه الابره تحبي الخياطه على الحافه اليمين او اليسار او الوسط

الزرين هاذو يثبتولنا الزرين لي تحتهم

و لي في اليمين مرقم يتحكم في طول الغرزه انا دائما نخير 3
الزر. لي على اليسار يتحكم في عرض الزيقزاق
و هنا نقدرو نتحكم فيها ايضاً من مكان آخر
لي هو اسفل الطاوله و هذا اكثر الاحيان يفيدنا اثناء الطرز
(نرقق و نعرض على حساب الرشمه) من بعد نتعلمو الطرز و تشوفو
يعني تحكم حر

بزاف لي عندهم مشكل خاصه المبتدئات ما يقدروش يتحكمو في سرعة الماشينه
الحل ابسط مما تتوقعن
هاذ المفتاح كل ما دورتيه. راح تنقصي في سرعة المشينه حتى تتعودي عليها

و هنا ايسباس تحطي فيه ليباري و الكانات

هاذو الدواسات فيهم لي يجيو معاها و فيهم لي تشريهم وحدك انا كل مره نشري واحد جديد هوايه هههه

اذن راح كل مره نديرو درس على نوع و نتعلمو كيفاش نخيطو بيه انتظروني بالتوفيق
دعواتكم للسطايفيه

سلام

stayfiya · 2015-01-19, 15:54

انواع الدواسات
https://www.djelfa.info/vb/showthread.php?t=1745487

stayfiya · 2015-01-19, 15:55

مهامها
https://www.djelfa.info/vb/showthread...post3992585374

باسم وبيسان · 2015-01-19, 16:05

الله الله عليكى ياسطايفية مواضيعك دديما مفيدة وقيمة وشرحك ممتاز
ربى يعينك على فعل الخير ويعطيك على قد نيتك

OMGHANO · 2015-01-19, 16:33

ا وين نشوف موضوعك ندخل نجري
عندي سوال عادي نسال

stayfiya · 2015-01-19, 16:39

شكرا ام باسم تفضلي ام غانو اسألي مدامني ديسبونيبل خههههه

*ام عبد الكريم* · 2015-01-19, 16:41

على سلامتك يا سطوف هذي غيبة واش راكي مشكورة بزاف على خاطر كنت نستنى في هذا الموضوع بارك الله فيك الي فكرتي فيه ...مشينتي gemsy 20u43 و راهي مهبلتني ..و بفضلك فهمت حاجات بزاف ...و عندي مشكل دائما الخيط التحتاني مرخوف زيرت la canette و مكان حتى نتيجة يبقى مرخرخ ...بارك الله فيك في ميزان حسناتك انشاء الله ربي يعطيك ما تتمنى و يرحم والديك

stayfiya · 2015-01-19, 17:09

هههه رشووه ما طولت الغيبه ما والو كل اسبوع ندخل ندير ورشه و نرد على الطلبات برك كي تقسم المنتدى عدنا مانتلاقاوش
شوفي داخل الكانات من الافضل تلقاي داخل الكانات وحد السيلان من بعد نروح نصورولك راني في الخدمه هذاك كي يتسبط تبانلك الكانات مرخوفه نتي ولكان ما صلحلكش اشري بورت كانات جديده راح يتنحالك المشكل هكذا انا كنت

OMGHANO · 2015-01-19, 17:14

تعيشي وربي يعطيك متتمناي
مشينتي نوع كوبرا وراحي تاكل الخيط من التحت واش نذيرلها

الاء هبة الرحمان · 2015-01-19, 20:40

ماشاء الله سطايفية اسلوبك رائع فى الشرح بسيط ومفهوم ربى يجزيك كل خير

stayfiya · 2015-01-19, 20:42

كووبرا مليحه. اكيد مسار الخيط راه ميش فايت على كلش و لا طونسيون تاعها سور مرخوفه و الخيط واشمن نوع راكي تخيطي بيع

nacer74 · 2015-01-19, 20:44

واش أحوالك سطوف يعطيك الصحة على الدرس هذى مشينة الطريزة الغاشى كامل يسمو فيها السرجى السرفلاج شكل آخر راح نصورهالك ونبعثلك تشوفيها

stayfiya · 2015-01-19, 21:13

اقتباس:

المشاركة الأصلية كتبت بواسطة الاء هبة الرحمان

ماشاء الله سطايفية اسلوبك رائع فى الشرح بسيط ومفهوم ربى يجزيك كل خير

شكرا هذا من ذوقك

اقتباس:

المشاركة الأصلية كتبت بواسطة nacer74

واش أحوالك سطوف يعطيك الصحة على الدرس هذى مشينة الطريزة الغاشى كامل يسمو فيها السرجى السرفلاج شكل آخر راح نصورهالك ونبعثلك تشوفيها

ياختي هاذي مشينة خياطه سامبل و زيقزاق و تاع السورجي وحدها راني درت عليها موضوع من قبل حوسي عليه

تقوى اماني · 2015-01-19, 23:03

شكرا استفدنا كتيرا

شابرمحمد · 2015-01-20, 11:22

ربي يباركلك في صصحتك وفي عملك
وفي ميزان حسناتك
انا وحده استفدت منك بيزاااااااااااااااااف