استفسارات حول تجاربكم في الخدمة الوطنية

[هشام رضا]

السلام عليكم ورحمة الله وبركاته
خاوتي لدي استفسارات حول الخدمة الوطنية بصريح القول لو كانت تكوين للرجال صح راني رحت وخلاص
بصح جميع من راحلها يحكي انو اهانات ضرب شتم ذل
متديرش حركة صحيحة تهان وتعاقب وتذل
ايضا التواليت حاشاكم تنظفها ب...... وانت تضحك وسب الوالدين ووووو
درك يا خاوتي
لو كانت الخدمة الوطنية تعس في قاريطة نورمال ليل كامل واحد مايكسرلك راسك تنوض بكري نورمال موالفين تخدم الكورفي واحد لا يحكي معاك نورمال الجري نورمال التدريب نورمال
مي الذل والاهانة وانك توصل بيك حتى أنك تهبط راسك للغيرك وتنضف التواليت بكل اهانة؟
حبيت نسقسي أسكو كاين منو جانب الذل والاهانة هذا اولا؟
وبارك الله فيكم