دورة فراشات تزهو بالألوان بيوتهن قمة في النظافة و التنظيم و التدبير و الاتقان

[mosta*limoges]

صباح الخير و نهاركم مبروك لكل الفراشات
أختى فرحة العمر ربي يشافيلك بنتك ما تقلقيش روحك ما يكون غير الخير.

[أم شيماءْ]

صباحوووووووووووو فحلات ونحلات وشراكم

[ام مؤمن]

المشاركة الأصلية كتبت بواسطة فرحة العمر

[img]https://www.e3lm.com/wp-*******/uploads/2014/11/%d8%a7%d9%84%d8%b3%d9%84%d8%a7%d9%85-%d8%b9%d9%84%d9%8a%d9%83%d9%85-%d9%88%d8%b1%d8%ad%d9%85%d8%a9-%d8%a7%d9%84%d9%84%d9%87-%d9%88%d8%a8%d8%b1%d9%83%d8%a7%d8%aa%d9%87-3.gif[/img]
نشكر كل وحدة ردت وطلبت من ربي يشفيلي بنتي
هي تحرقت بسبب المدفأة قاستو فقط في الأول مبانليش لأنها بكات شويا وسكتت درتلها الماء البارد والحبر لأنو كنا في الليل ومعنديش اللي يديها للسبيطار
بدا ينشفلها وهي راهي تلعب والله اللي يشوفها يقول ما تحرقت

الحمد لله اختي المدفاة احسن بكثير من الماء الساخن او الزيت الساخن لا قدر الله ربي يعيشهالك

زيت الضرو داومي عليه اذهنيلها يوميا حتى تشوفي الاثر راح نهائيا و الجرح كي يطيب يولي ياكلها بزاف و الزيت يحرقها تلقايها تحب تخبش او تحك المنطقة ماتخليهاش تحكها باش ماتعاودش تقشرها

انا اكره حاجة عندي الحريق احترق يدي مكان صغير جدا و لكنني عانيت و بالسيف لا ارتحت لان بشرتي حساسة و حرارتي كانت عالية و كنا في رمضان حرقني الزيت نتاع اليوراك و الله عانيت و الحمد لله زيت الضرو هو اللي خلصني و ايضنا مرة المدفاة تاني لفحتني في يدي

ربي يجيب الخير

كيما قالتلك الاخت بيبا ساعة ساعة طبقيلها ذراعها حتى اذا كان يوجعها باش ترتاحلك على الصح

و الله ادعيتلها مع الفجر لانها ملاك طاهر و اولادنا فلذات اكبادنا ربي يحفظهم و يحميهم من كل سوء و مكروه

[ام مؤمن]

صباحكم عسل حبيباتي كيف اصبحتم

ام ايوب ام الخير عودة ميمونة

الفراشات الطيبوبات راكم منورين

رضاك يا الله

اختبي ام مؤمن ربي يعطيك ما تتمنى و يرزقك من واسع ابوابه يارب ....

امين حبيبتي الله يفتح عليك تقبل الله دعائك و لك بالمثل

حبيباتي كاش جديد عن حبيبة طلت كي هلال العيد و غابت ان شاء الله ماتطولش اكثر

غدا تنتهي ابنتي من الامتحانات و ندي الاستقلال هههههه و يكون عندي وقت اكثر ان شاء الله

سلام وقت مراجعة ابنتي غدوة عندها امتحا رياضيات و تربية علمية ادعولها بالتوفيق

[oum sabrin]

صباحكم سعيد و يومكن موفق حبيباتي الفراشات اتنى تكونو كانل بالف خير
حبيبتي فرحة العمر الحمد لله كي زل على بنتك و جاتها سلامات
وينك حبوبة طليتي و رحتي نحن في انتظارك بشوق
سلامي لجميع الفراشات

[oum sabrin]

حبيبتي ام مؤمن اتمنى التوفيق لابنتك في المتحانات و ربي يقدرك على دراستها
من فضلك عندي سؤال راني شريت عطر evidence تاع 100ml خلصتها 3000دج ريحتها شابة بزاف ولكنها ما تطولش بزاف لقيها في جهة اخرى 3500دج تاع 50ملل كي سالت البائع قالي تاع 100ملل راهي جي مغشوشة يعني ماشي صح فرنسية هي تاع دبي الحقيقية تدير 6000دج
السؤال
تاعك قلتيلي تدير 3000أو 3500دج هل هي تاع 100ملل أم 50ملل شكرا و سمحيلي اذا أزعجتك

[فرحة العمر]

السلام عليكم
شكرا لكل وحدة سألت عن بنتي وربي يحفظلكم ولادك ويفرحكم بيهم
درتلها زيت الضرو بصح لصقلها الضماد وكي نحتولها نزل الدم هذا عادي ولا لازم نديها للطبيب هي حاليا راهي تلعب وطبق ذراعها وحدها ومتبكيش
أسمحولي علابالي كثرت عليكم بصح الله غالب منعرفش للحريق ومعنديش ناس نسقسيهم غيركم انتم
جزاكم الله خيرا

[om ahmed]

مساء الخير عزيزاتي ، هذا وين قدرت ندخل و تفاجأت بما صرى لبنت فرحة العمر ، طهور إن شاء الله حبيبتي

[om ahmed]

فرحة العمر حبيبتي هناك ضماد خاص بالحريق يتباع le tulle gras هو اللي لازم اديريه باش ما يلصقش حتى فوق زيت الضرو ، ما اديريش ضماد غيرو ، كوراج حبيبتي رانا كلنا فوتنا هاذ الخلايع و الحمد لله قدر الله و ما شاء فعل

[om ahmed]

اتلهيت بابنة فرحة العمر نسيت ما مسيتش عليكم مليح حباباتي سمراء الدنيا ، موستا ، امة الله ، ام أيمن ، ام صابرين ، ام هزار ، رضاك يا الله ، اوراسية ، ام كامل ، شي بيبة ،أم فاطيمة ،ام جيهان ، وزه ، رقية منال ، بعيدة المنال و حبوبه و كل الفراشات بدون إستثناء

[أم ريتاج زهرة]

السلام عليكن أختي فرحة العمر و الله غاضتني بنتك حبيبتي ربي يشافيها الحرق واعر بزاف ربي يصبرها على أوجاعه ربي يشافيها و يعافيها الحمد لله أنه مش خطير

[شوشو 11]

اختي فرحة العمر ربي يصبرك على اصابة بنتك وقدر الله وماشاء فعل اضافة الى نصائح الاخوات نزيد نقلك على العسل الحر تاني مليح
وزوجك ...كثري الاستغفار والدعاء ربي يهديه انت ام وتحبي بنتك ولما ينفعل اسكتي واستغفري حتى تفوت الزوبعة

والحرق ماهو كبير وماتخافي عالجي بنتك مليح فقط

[أم عبد الله ياسين2]

السلام عليكم خياتي إن شاء الله كامل راكم لباس ، أختي فرحة العمر طهور لبنتك إن شاء الله ميكون غير الخير ، أختي أم صبرين le parfum raho maghchouch levrai . C comme une ėvidence أنا خلصت la 100 5800 promotion في عيد المرأة دايما أشري من عند la maison yves rocher

[نايليةوافتخر]

المشاركة الأصلية كتبت بواسطة أمة الله 84

مساء الخير على الحبيبات على قلوبنا
والله فرحة بزاف كي شفتكم وليتو بعد غياب الحمد لله كل وحدة و ضروفها
أختى فرحة العمر ربي يشافي بنتك و يحميها
أختى نايلية مدرناش حاجة تذكر غيابك كان متزامن مع غياب حبيبة الي كان مشكلها في النت و رجعت البارح و قالت أنها حابى تعاود تنظم الدورة لكثرة عدد الصفحات
كل وحدة كانت تقوم بأعمالها اليومية العادية غير أن الأخت أم صابرين وربي يجاازيها حركت فينا شوية الحمول لى كنا فيه ورهم قررو الفرشات صيام أيم من شعبان و ختم القرآن فيه كما قرر يواضبو على صلاة الرواتب 12 ركعة و رانا كامل نسناو في حبيبة بفارغ الصبر و جديد تاعها التطبيق لى ممكن مالحقتيش بيه هو تلميع احوض الحمام بعد كل وضوء و بعد اأخذ دوش و غسل الملابس الأطفال في يوم و زوج في يوم ....أتمنى أني قدرتى نفيدك و أي سؤال راني هنا

بارك الله فيك اختي امة الله والله كنت نخمم يدرا وراهم البنات خصوصا انو غيابي طول قريب شهر قلت خلاص مانقدرش نلحقهم
ان شاء الله نكملو مع بعض ومع الغالية حبيبة

[أم شيماءْ]

ربي يشفي بنتك اختي فرحة العمر