"ياحسراه عليك يا دنيا "كلمات كمال مسعودي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات الثّقافة والأدب > قسم الإبداع > قسم الشّعر الشّعبي

قسم الشّعر الشّعبي قسمٌ مُخصّصٌ لإبداعات الأعضاء في الشّعر الشّعبي.

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

"ياحسراه عليك يا دنيا "كلمات كمال مسعودي

إضافة رد
 
أدوات الموضوع انواع عرض الموضوع
قديم 2020-10-21, 20:14   رقم المشاركة : 1
معلومات العضو
محمد علي 12
مراقب منتدى الأسرة والمجتمع
 
إحصائية العضو










افتراضي "ياحسراه عليك يا دنيا "كلمات كمال مسعودي

ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات
تلعبي بيا ولا معايا جاوبيني علاش هذ السكات
قالولي عليك مسرحية انا المسرح سكنلي في الذات
التذكرة خلصتها غالية اديت معايا شي وردات
دخلت للقاعة صفقوا عليا طلع الستار والضو طفات
لقيت روحي في تمثيلية والديكور خوف ودموع
طمعتيني ودُرتي عليا عندي جدي بصح مات
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

شحال من سلطان كان في دنيا جيوش لأمروا طيعات
مال وعز قصور وسرايا العسة عليه بالأولوفات
غفل غفلة تقلبت الحية في ليلتو ماصاب وين يبات
وكلتي فلان عسل وفاكية وفلان شمختيلوا الفتات
فلان ڨلعتيلو الذرية وحياتو من الفرحة خوات
وفلان طلق مرتو المزكية زعف كي جابتلو البنات
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

المسجون يرجو الحرية بالدقيقة يحسب الأوقات
الشهّار يحلم بالشهرية يا حليلو مولى وليدات
كبدة لميمة مشوية واش سهرت وواش ربّات
على وليدها بدل جنسية عجبو زين الروميات
خلى يماه وحدانية من الحرقة والبكاء تعمات
باش يبين الرجولية بعثلها زوج محرمات
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

نهار كانت الدنيا دنيا الوالدين علقولهم شيعات
واليوم الوالدين راهي مرمية في مراكز الشيخوخات
أنتي دنيا يدك زهرية أنا يدي فيها الكيات
مع الواقف درتي جمعية سمّاها دخلات وخرجات
الڨليل بعثتيلوا خطية جا يصلي تلفتلو الصلاة
كي سلم نسى التحية كي تحى نسى زوج ركعات
المال فاني والعظام راشية فاتت اجناس واتمحات
لي كان تقي ودار النية طاع ربي وشد في الصلاة
درجتو في الجنة عالية صفة الجنة درجات
والشاقي يمضي النهاية ذاتو في النار اتكسات
جلدة رايحة وجلدة جاية يضل يبدل في الجلدات
نصحتى نتركها التالية باش نختم بها البيات
دعوت الوالدين رسمية منهم الشر والخيرات
لهنا كنز والصحة غالية والباقي كلو كذوبات
ياسين ارسلها تحية ومضى فيها بشي دمعات
عطها لكمال مسعودي برية قراها وطارو الاف
الصلاة على نور عينيا سيد الخلق يا سدات
شكون لي نجى منك يا دنيا غير لي طلقك بالثلاث









 


رد مع اقتباس
قديم 2020-10-23, 12:55   رقم المشاركة : 2
معلومات العضو
❣سڪڕ❣
الـرُّوحُ المَـرِحَـــة
 
الصورة الرمزية ❣سڪڕ❣
 

 

 
إحصائية العضو










افتراضي

فن 444444بوركت ...










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:52

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc