الكعك الوهراني من مطبخي لكل من طلبه ول27- miri

الوهرانية 1 · 2012-10-24, 12:33

السلام عليكن اخواتي الكريمات بطلب من الاخت 27-miri اقدم لكن كيفية تحضير الكعك الوهراني بالتفصيل والصور
طبعا انا نعتمد طريقتي الخاصة وممكن تختلف عن الاخوات في وهران وضواحيها لانو الكعك عندو انواع كثيرة المهم
الكعك معروف انه يشد في عملية التخمير لكن الطريقة هذه قياسية تحضريه في نصف ساعة الى 45 دقيقة والسر عملية التخمير تابعي الموضوع
الكعك الوهراني

المقادير /
2 كيسان فرينة للمرحلة الاولى
ونحتاج ايضا فرينة لجمع العجينة
2 كيسان ماء
نصف كاس زيت
2ملاعق كبار خمارة
2ملاعق حليب غبرة
كاس سكر
قشور ليمون - قشور برتقال
2ملاعق كبار حبة حلاوة
ملعقة شلان
فرينة
صفار بيضتين
كيس نسكافي
طريقة التحضير /
في قصعة نضع السكر وحليب غبرة وقشور ليمون والبرتقال وكاسين من الفرينة
وفي صحن صغير نضيف ماء فاتر للملعقتين من الخمارة الصورة توضح

في كاسرونة نضع الماء وحبة حلاوة اما الشلان نديره في قطعة قماش حتى يعطينا النكهة فقط نخليهم حتى يغليو مليح ثم يبردو شوية ونضيفهم للمكونات الموجودة في القصعة

ثم نضيفو الخمارة اللي في الصحن

نخلطو المكونات مليح حتى تصبح سائلة بهذا الشكل نتركها تخمر 10 دقائق

بعد ذلك نضيف نصف كاس زيت و الفرينة تدريجيا

حتى تصبح بهذا الشكل وتبقى طرية وتلتصق نوعاما في اليدين

نقسمها الى كريات حسب الرغبة انا درتها متوسطة كاين الي يحبها كبيرة

نشكلها حربول

ثم نغلقه على شكل دائرة

ثم نشكلها بالسكين بهذا الشكل

نضع الحبات في صنية

نخليهم يخمرو حوالي 15ال 20 دقيقة ندهنوهم بصفار البيض ممزوج مع نسكافي مذابة في قطرات من الماء ومن بعد طيبيهم وها هوما بعد ما خرجو من الفرن

هنا عن قرب

وهنا مع التشاراك بكلاصاج والمسمن المقلي

ملاحظة هامة الكاس الي عبرت بيه هو تع العسل الصغير
نتمنى انني افدتكن
تحياتي