يقول النبي صلى الله عليه و سلم
" تنكح المرأة لاربع لجمالها و دينها و مالها و نسبها فاظفر بذات الدين تربت يداك ."
هموم لا تزول لأني لم اطبق حديت الرسول راني وحدي كالمهبول ...الفطور بالفول و العشاء شيبس مهبول ...
La justice
المحاكمة تبدأ الأن ....
لم اوكل محامي فأنا ، سادافع عن نفسي ....
المتهم اسماعيل الوهراني
سيدي القاضي زلابية ولا صبع القاضي …. عفوا
احم احم سيدي القاضي هذه هي اسباب الطلاق
الاكل دايما محروق
اهمال الزوج واهمال الحقوق
خطرا ضربتني بحبة برقوق
و جابتلي خوتها يخدموا فالسوق
قالولي هادي غير الانطلاقة تزيد تحقرها نرموك من التاقة
اهمال تربية الاطفال واطيحلي المورال
الطبخ الله يجيب … القهوة بالحليب .... وما تعرفش ديرها .
كاتلتني غير بالطعام فطور و عشاء ...
الطعام بالحليب الطعام باللبن الطعام بالمرقة الطعام بالخضرا الطعام بالبيض ... و الطعام بالطعام
عندما يأتي الضيوف يكون النقاش معهم جاد و موضوعي يمكننا ان نشبهه بمنتديات النقاش الجاد و مجتمع اليوم
اما زوجتي فحوارها مع الضيوف نشبهه بمنتدى الدردشة خد متال ...
الضيوف .... كيف الحال
زوجتي .... هههههههههههههههههههه ههههههههههههههه ... غير ضحك
تذهب الى الجيران ايا غير الهدرة و التقطاع و الغيبة و النميمة ... كتيرة الكلام طويلة اللسان ...
صلاة الصبح .... الرقاد وبيع البلاد
الموسقى على 12 نتاع الليل ...الجوارين قاع تنوضهم
تكتر من الشكوى وتموت على الحلوى
زوجتي تقولي
انا عند بويا كنت غاية مقابلة غير الزواق والمرايا والتحواس في بجاية
و الهدرة ... ماكان خاصني والو نجمة دجيزي و آ لو
و عندك مكانش تلفون و الماكلة غير البصل و المقرون ...
و الما نتاع السبالة داير حالة
عند بابا كنت نشرب افري و معاك راني نسوفري .
جيت لعندك قتلتني غير بالخرشف يا جدك راني نشف
و الفاجعة الكبرى انها غارت من احد الاطفال ... كانت فالمانيج
ايا قاتلي انا تاني اديني المانيج و نسيت انها فالخمسينات من العمر
و عندها 24 ولد و17 بنت و حامل لتوأمين
سيدي القاضي و يا اعضاء بعد سماعك للاسباب ارجوا الحكم عليا بالبراءة