ورشة غطاء سلة حناء

[ام حمزة22]

ان شاء الله تكونوا كااااامل واهلكم بالف خير
اخواتي الكريمات اليوم جبتلكم وريشة تبين مراحل انجاز غطاء سلة حناء وتقدر تكون بليطة للاعراس









اولا لازم قماش ساتان متر ونصف على متر ونصف اومتر على متر
الخطوة الاولى

نخيط بالمشينة اطراف القماش اي نعمل سورفيلاج باش ما يتسمسرش القماش وحنا نخدمو فيه

الخطوة الثانية

نخدم الاطراف بالكروشي مثل ماراه مبين فالصورة
نخدم سلسلة من 5غرز نترك فراغ ثم نخدم سلسلة اخرى متكونة من5غرز وهكدا حتى نكمل السطر الاول
فالسطر الموالي نمشي في وسط السلسلة ونبدا السطر التاني وهكدا حتى نخدم 5اسطر






الخطوة الثالثة

نرشم او نرسم الرسمة لي اخترناها
هنا عندنا الاختيار
اما ان يكون الرسم مباشرة على القماش اي نضع القماش على الرسمة ونتبع الخط بقلم الرصاص
ام نستعمل ورق الكالك بدون ان ننسى تثبيت الورق بالدبابيز لتفادي الاخطاء


الخطوة الرابعة

نبدا نلون بفرشات تكون رقيقة وباللون لي نختاروه انا استعملت اللون الفضي
مباشرة قبل ما تنشف البانتور نرش بالبريون ونخليه لبضع تواني ينشف




اليكن اخواتي طريقة جمع البريون

ننفض البريون الزائد ونجمعو في وسط الغطاءثم نفرغو على ورقة باش نقدر نرجعو فالقرورة لي كان فيها ونتفادة التبدير وفي نفس الوقت نحتفض بيه لاعمال اخرى


الخطوة الخامسة

بعد ما نكمل تلوين كل الرشمة نقلب القماش ونجوز بالمكوات على الرسمة لي بنترناها ليثبث العمل ويبقى على حاله حتى ولو غسلناه
بعد الثثبيت بالمكوات نشبح الغطاء بالستراس بوسيلة غراء السيليكون




الخطوة السادسة والاخيرة

عندنا فسكار خيط حرير خاص بالفتول

نفتح الفسكار ونقطعو من جهة
ناخد خيط واحد وندخلو داخل السلسلة لي خدمناها بالكروشي
ثم نخدم سلسلة بغرزة واحدة او اثنين نعتبرها كعقدة لتثبيث خيط الفتول
والصور توضح دالك فالصور الموالية














ملاحضة اسم علبت البانتور هو ديزل دو جودة رائعة وبعد الغسل عدة مرات تقعد البانتور متبثة
ان شاء الله الشرح و اللصور تكون مفهومة

[malake1967]

وعليكم السلام ورحمة الله وبركاته
الحمدلله على كل حال اختي أم حمزة
ما شاء الله عليك كل اصبع بصنعة يعطيك الصحة
جزاك الله كل خيروجعلها في ميزان حسناتك

[(( هبة الرحمن ))]

وعليكم السلام ورحمة الله وبركاته
بارك الله فيك على تلبية الطلب أسأل الله العلي العظيم أن يجعلها في موازين حسناتك ويحفظ أبناءك ويرزقك من حيث لا تحتسبين.
سأتبع كل الخطوات وأطلعك على العمل.
شكرا عزيزتي ربي يفرح قلبك كيما فرحتيني.

[غزالة1]

السلام عليكم
صباحك عسل و شهد يا ام حمزة بارك الله فيك على مجهودك و على مقاسمتنا اعمالك.
سلام

[البدرية]

اللهم بارك أختي أم حمزة خرجلك جميل جداا

حفظك الله من كل سوء وجعل الله كل ما تقومين به في ميزان حسناتك

[ام حمزة22]

المشاركة الأصلية كتبت بواسطة malake1967

وعليكم السلام ورحمة الله وبركاته
الحمدلله على كل حال اختي أم حمزة
ما شاء الله عليك كل اصبع بصنعة يعطيك الصحة
جزاك الله كل خيروجعلها في ميزان حسناتك

ربي يجازيك بالمثل حبيبتي ويلبسلك لباس الصحة والعافية
يعطيك الصحة على باقة الورد ربي يحفضك ويخليك متفتحة مثل الوردة

المشاركة الأصلية كتبت بواسطة (( هبة الرحمن ))

وعليكم السلام ورحمة الله وبركاته
بارك الله فيك على تلبية الطلب أسأل الله العلي العظيم أن يجعلها في موازين حسناتك ويحفظ أبناءك ويرزقك من حيث لا تحتسبين.
سأتبع كل الخطوات وأطلعك على العمل.
شكرا عزيزتي ربي يفرح قلبك كيما فرحتيني.

وفيك بركة الله اختي
شكرا على الدعاء حبيبتي ولك بالمثل ان شاء الله
اخجلتني بكلامك الطيب يا طيبة ربي يسعدك ويهنيك

المشاركة الأصلية كتبت بواسطة غزالة1

السلام عليكم
صباحك عسل و شهد يا ام حمزة بارك الله فيك على مجهودك و على مقاسمتنا اعمالك.
سلام

وعليكم السلام
اهلين غزالة صباحك ومساءك ويومك كله عسل وشهد حبيبتي
وفيك بركة الله غزالتي
شكرا على المرور الطيب

المشاركة الأصلية كتبت بواسطة البدرية

اللهم بارك أختي أم حمزة خرجلك جميل جداا

حفظك الله من كل سوء وجعل الله كل ما تقومين به في ميزان حسناتك

يبارك فيك يسلمك اختي البدرية
ربي يحفضك على الكلام الطيب والدعاء لك بالمثل ان شاء الله

[نور الإسلام26]

سلام عليكم
اختي الله يبارك ماشاء الله يعطيك الصحة

[ام حمزة22]

المشاركة الأصلية كتبت بواسطة نور الإسلام26

سلام عليكم
اختي الله يبارك ماشاء الله يعطيك الصحة

وعليكم السلام
يبارك فيك يسلمك حبيبتي
مشكووووووورة

[crono]

وعليكم السلام ورحمة الله وبركاته
كل اصبع بصنعة يعطيك الصحة
جزاك الله كل خيروجعلها في ميزان حسناتك
نفس رشام لي عندي خدمت بيه فيسة عندها تقريب 9سنوات أمزالها
يثبت الموضوع باش البنات يتعلمو راهم في عطلة

[arwa alaa]

يعطيك الصحة يا ام حمزة راكي مبدعة وراكي علمتينا بزاف حوايج ربي يجازيك ويعطيك ماتتمناي

[ام حمزة22]

المشاركة الأصلية كتبت بواسطة crono

وعليكم السلام ورحمة الله وبركاته
كل اصبع بصنعة يعطيك الصحة
جزاك الله كل خيروجعلها في ميزان حسناتك
نفس رشام لي عندي خدمت بيه فيسة عندها تقريب 9سنوات أمزالها
يثبت الموضوع باش البنات يتعلمو راهم في عطلة

الله يسلمك غاليتي
جزاك الله بالمثل
ربي يحفضك ويخليلك صحتك
شكرا على الثتبيث

المشاركة الأصلية كتبت بواسطة arwa alaa

يعطيك الصحة يا ام حمزة راكي مبدعة وراكي علمتينا بزاف حوايج ربي يجازيك ويعطيك ماتتمناي

الله يسلمك اروى ربي يحفضك ويخليك
سعدت بمرورك :dj_1 7:

[samarrnada]

عمل راءع و متقن
.

[ام حمزة22]

المشاركة الأصلية كتبت بواسطة samarrnada

عمل راءع و متقن
.

شكرا بارك الله فيك

[البدرية]

السلام عليكم ورحمة الله وبركاته
كيف حالك أختي أم حمزة ان شاء الله تكوني بخير

من فضلك عندي أسئلة ماهو رقم الريشة التي استعملتها وماهو اسم خيط الكروشي ورقم الكروشي الذي استعملتيه فضلا لا أمرا

ان شاء الله اذا ذهبت الى بلكور اشتري اللوازم

[ام حمزة22]

المشاركة الأصلية كتبت بواسطة البدرية

السلام عليكم ورحمة الله وبركاته
كيف حالك أختي أم حمزة ان شاء الله تكوني بخير

من فضلك عندي أسئلة ماهو رقم الريشة التي استعملتها وماهو اسم خيط الكروشي ورقم الكروشي الذي استعملتيه فضلا لا أمرا

ان شاء الله اذا ذهبت الى بلكور اشتري اللوازم

وعليكم السلام ورحمة الله تعالى وبركاته
انا الحمد الله حبيبتي كيفك انت
رقم الريشة هو 00 وتقدري تستعملي ريشة ايلاينر هي رقيقة وتصلح للخطوط والرسمات لي تكون رقيقة وصغيرة

اما رقم الكروشي هو 1.5مم

اما خيط الكروشي فهو خيط حرير لي نخدمو بيه صدورة رقم 50

لوكان مارانيش مشغولة نجي معاك لبيلكور :d