كيف تقتصدين في حياتكي اليومية.موضوع متجدد

[om soulef]

السلام عليكم ورحمة الله وبركاته بوركتي اختي الفاضلة على الموضوع كما ان التوفير شيء ممتاز ينفعنا في الكثير من الامور بارك الله فيك

[السيدة كرمين]

[حياة نور الدين]

والله موضوع رائع دائما متالقة يا منى انا حبيت نشارك في الموضوع بتدبيرة كي نحبوا نظفوا الثلاجة نلقاو حبات خضر اخيرة مثل حبة جزر وحبة لفت وبطاطا الخ نعملوها la soupe او حريرة وهكذا منرموش الخضرة، بالنسبة للمرق نتاع الطعام الحمراء انا كي تبقالي نرحيها ونزيدلها les épices تاع الحريرة والبيضاء نستعملها كمرق دجاج

[om moha mahdi]

يعطيكم الصحة اخواتي هذا هو الموضوعاللي نحوس عليه انا ماعنديش دار وراني نقتصد على قد مانقدر باه نلم الدراهم وراني لاقية روحي بصح حبيت نصقصيكم وماتضحكوش عليا راجلي يخدم بعيد على الدار ب100كم ويروح الصباح ويجي العشية وعرانا البنزين ماتعرفوش طريقة نوفرو بيها البنزين احسبي كل يوم من30 الى40 الف حق البنزين واش تخرج في الشهر.وشكرااااااااااااااااااا.

[/زهرة عصفور الجنة/]

ربي يفرج على كل مومن لما لا يستعمل الغاز بدل البنزين

المشاركة الأصلية كتبت بواسطة om moha mahdi

يعطيكم الصحة اخواتي هذا هو الموضوعاللي نحوس عليه انا ماعنديش دار وراني نقتصد على قد مانقدر باه نلم الدراهم وراني لاقية روحي بصح حبيت نصقصيكم وماتضحكوش عليا راجلي يخدم بعيد على الدار ب100كم ويروح الصباح ويجي العشية وعرانا البنزين ماتعرفوش طريقة نوفرو بيها البنزين احسبي كل يوم من30 الى40 الف حق البنزين واش تخرج في الشهر.وشكرااااااااااااااااااا.

[meriem hanin]

جزاكن الله حيرا على طرح هذا الموضوع و جعله في ميزان حسناتكن
اتمنى حقا ان اكون سيدة و ربة بيت مثالية

[FATY1972]

السلام عليكم ورحمة الله ان خياطة لكني لا اعرف كيف ابعثلكم صور

[afifa sadki]

شكرا لكي اختي و يعطيك الف عافية على هذه النصائح القيمة فالمبذرين كانو اخوان الشياطين و حبيت نسال على جهاز الكمبيوتر و الة الخياطة اذا كانو يستهلكو بزاف الكهرباء و شكرا

[مريم سلسبيل]

يخوتاتي انا راني فيمشكل كبير اناراني مبدرة كييعودعندي دراهم نصرفهم غي في اللباس لكل العيلة ومعرفتش كيف نحي هد العادة الشينة عا ونوني بحلول

[ام مرية]

الاخت مريم سلسبيل

الحل انك تعملي شحيحة وتخبيها برى دارك عند يماك ولاختك وكي يطيحو عندك الدراهم حطيهم فيها هاكا تجيك بعيدة وما تفتحيهاش انا عملتها والله غير درت الذهب بيها وزيد سلفت راجلي كي حب يبدل الطونوبيل بوحدة احسن

[ميرثا]

موضوع تحفة بارك الله فيكم

[هبة الكوثر]

راني مدايرة شحيحة في المطبخ كل مانرجع الصرف تاع الخبز ولا نلقى في جيب راجلي كي نجي نغسل لحوايج نحطها تما والله تنفع
كي نطيب ماكلة باللحم المرحي نزودله الروز ...الروز ينشف المرقة ويجي بنين ومايغيرش الطعم
الخبز اليابس ندقو ونخطو في كارتون ونستعملو شابلير
ونستعمل الخبز اليابس موسكوتشوا ولا نديرو سنيفيات مقليين مع القهوة
كي نلقى ساشي حليب رايب نديرو فورماج
كي نطيب المرقة تاع الطعام ولا الرشتة ندير بالزيادة ونخبي فالكونجيلاتور باه جمعة نطيب وجمعة مانطيبش
الزيت تاع قليان البطاطا نصفيه ونخبيه في بلارة زجاج كي يبرد نطيب بيه الماكلات لوخرين
باه زيت القليان مايتحرقش ويمصهاش كامل القليان كي نشمخ البطاطا والبادنجان والقرع في ماء فيه شوية خل
هادا واش راني متفكرة بصح كاين حاجة واحدة ماتشدليش هي لاجافال والله كاني نشرب فيه هههه نحبوا ونشري بيدون 5 ليترات مايشدليش سمانة وراني استفدت مع اختى لي هدرت عليها

[Kuchiki Rukia]

بارك الله فيكم موضوع قمة في الروعة و استفدت منه بزااااااااااااااااف

قولولي ربي يعيشكم، بخصوص الخضر و البقول و الزيت و السكر و غيرها من المواد الغذائية، كيفاش يتم الاقتصاد فيها؟؟؟؟
و هل كاينين بلايص يبيعوا أرخص من بلايص اخرين؟؟؟

[zahra ayoub]

السلام عليكم موضوع في القمة شكرا
انا عندي ولد عمرو عامين في الشتا نشريلؤ ملابس ربيعية يعني مصنوعة من القطن و شوية كبيرة و ما نشريلوش الصوف من جهة صحي و من جهة يلبس في الشتا و في الربيع يبقاولو و ما نشريلوش
مع العلم في الشتا ندوبليلو الحوايج
كما اني نقتصد في الاكل مثلا الدجاج نحاول نبنن برك ماشي لازم كل واحد طرف الا مرة في الشهر
انا ايضا ما عنديش الدار و رغم اني عاملة لكن نقتصد قدر المستطاع
اتمنى نكون فدتكم كما افدتموني

[صوريا-وهران]

يعطيك الصحة اختي على هدا الموضوع