***اطباقي اليومية البسيطة ***

[ام حمزة22]

اخواتي الكريمات ان شاء الله تكونوا كامل واهلكم بالف الف الف خييييير

اليوم حبيت نبدا موضوع جديد ان شاء الله ينال اعجابكم هو تكملة او اعادة لموضوعي السابق (الى ام اسيد وكل وحدة حاصلة واش طيب) وهدا الرابطhttps://www.djelfa.info/vb/showthread.php?t=1670897


والسبب لي خلاني نفتح موضوع جديد هو اتلاف الصور لي كانت فالموضوع
واعتدر للاخت حياة نور الدين لي كانت متمسكة بالموضوع بالمقابل كنت نتلقا رسائل من بعض العضوات الكريمات لي كانت لي الدافع لفتح هدا الموضوع

حيوتة بلييييز ما تزعفيش مني وان شاء الله تكون لمتنا في هدا الموضوع مثل ما كانت فالموضوع السابق او احسن مع وجود الغائيبات لي غابوا علينا مثل غزالتنا الغالية وصدوفة وبقلاوة وام الحبايب وام الخير وغيرهن من العضوات لي شرفوني في موضوعي ولي صفحات الموضوع منورة بردودهم المنيرة والمشجعة بلا ما ننسا الكريمة ام ضافر لي خلاتني نتقدم وما نتوقفش فالعطاء ربي يحفضكم جميعكن ويخليكم ليا ولجميع الناس لي يحبوكم وتحبوهم
بلا ما ننسا المشاهدين لي فالخفاء نحييهم ونقوللهم شكرا لمروركم في موضوعي المتواضع حتى ولو بدون ردود
والشكر متواصل للاخوات لي منورين المنتدى بوجودهم والمتالقات في الكوزينة ربي يحفضكم ويخليلكم صحتكم وينورلكم دربكم وحبيت نقوللكم اني نحب نشارك معاكم لاكن النت والوقت ما يساعدونيش
لاكن هدا ما يمنعش نطل عليكم ساعة على ساعة ونقسم معاكم اطباقكم و ارائكم وافراحكم واخزانكم ربي يحفضكم ويحققلكم كل امانيكم

اخواتي الكريمات لحسن حضي لقيت بعض صور اطباقي لي كانت فالموضوع السابق حملتهم وان شاء الله ادرجهم مع الوصفات القادمة

لبنات قبل ما ابدك في وضع الاطباق وبمناسبة عاشوراء نقوللكم تقبل الله منا ومنكم صالح الاعمال

ولي قدرو ربي يصوم التاسع والعاشر نقدملكم هدا الرابط ان شاء الله يفيدكم في اطباق لي توالم الصيام ان شاء اللهhttps://www.djelfa.info/vb/showthread.php?t=1819297




اخواتي ااكريمات بما ان الموضوع موضوع اطباق بسيطة راح نبدا في طبق اليوم وفطوري لهدا اليوم
حبيت نقللكم اخواتي مش لازم يكون عندنا اللحم او الدجاج باش يكون طبقنا مغدي وبنين في نفس الوقت

فهرس اطباقي

المشاركة2
الجلبانة اليابسة او pois casse

طاجين الخوخ

سردين في الكوشة

جلبانة باللحم

خرشف بالباطاطا صوص حمراء

بيشاميل ساهلة وبنينة

فريت وبدنجال بصوس طماطم والبيشاميل

بطاطا بالسلق في الكوشة

شفلور بالبطاطا

******

المشاركة3

مايوناز

بيتزا بفواكه البحر

غراتان شيفلور بالبطاطا

******
فهرس المشاركة4

بوري بالجاج محمر

حساء العدس

مقلوبة

******

فهرس المشاركة5

اغصان الشفلور بالبطاطا المقلية

سباقيتي بالصوص حمراء

سباقيتي بالزبدة والجبن

شطيطحة بوزلوف

******
المشاركة 6

روز بالجلبانة والجاج

سمك الدوراد

******

المشاركة7


جواز بالخضرة
حساء الخضر
طريقتي في تخضير المطلوع

اطباق تاني يوم عاشوراء

ساندويتش سهل وسريع

******
تحياتي للجميع

يومكن موفق

[ام حمزة22]

●●●الجلبانة اليابسة او pois casse*●●●
هو طبق اليوم على شكل حساء رائع واقتصادي*
لتحضير هاد الحساء ما يطلبش بزاف الوقت ولا التكليف*
نغسل مليح الحبوب نتاعنا ونحطها في قدر نضيفلها بصل وزيت وفلفل اكحل*
نحطها طيب الا كانت من اانوع الجيد راح طيب بسرعة وتبانلك كلي راهي مرحية كي طيب نضيفلها الملح من بعد نمرقها بعد ما تغلي نضيفلها حفنة ولا 2 نتاع الفرميسال الرقيق ماراحش ياخد زقت الطياب راح يطيب تمتم*
قبلل ما نطفي الفرن بدقيقة نضيف عصرة ليمون ومعدنوس ممممممممم
ملاحضة : هاد الحساء راح يضاعف للمساء لهادا نغلي شوية ماء فيه ملح ونضيفهولو















●●●طاجين الخوخ●●●


فالاول نخلي البطاطا ونقطرها ونخليها تنشف مليح او من الاحسن نغليها ليلة قبل ما نطيبها والسبب ان عند قلي حبة الخوخ ما يطيحلناش فالمقلة تقعد الحبة حاكمة روحها

نولي لمقادير الوصفة
نقلي ااجاج مع خبة بصل وحميصة وملح وفلفل اكحل
بعد ما تتقلى نمرق الطنحرة ونخلي الجاج يطيب
من جهة اخرى نحضر اللحم المفروم نتبلو بالفلفل اكحل والملح ونشكلو كويرات ونضيفو للمرق بعد ما يطيب الجاج بعد 10 دقايق يكون اللحم طاب
نولي لتشكيل حبة الخوخ
ناخد كمية من البطاطا النرخية ونضع فيها كويرة نتاع اللحم المفروم لي كنا طيبناه فالمرق
نرمد احبة الخوخ فالفرينة ثم فالبيض ثم نعاود نرمدها فالفرينة ونقليها والصور تبين المراحل















●●●سردين فالكوشة ●●●

نقي السردين وننزعلو السوك من بعد نستفو في سنية تكون مدهونة بزيت وعندك الاختيار اختي الا كان عندك سردين كمية كبيرة ضاعفي الطبقة الاولى
من جهة اخرى نحضر ااحشو المتكون من بيض و بصل و معدنوس وملح وفلفل اكحل نخلطهم ونضيفهم على طبقة السردين
نغطي الحشو بطبقة اخرى من السردين ونزين البلا بشرائح الطماطم و القارص ورند ونضيف شوية زيت








●●●جلبانة باللحم●●●

نحط اللحم فالطنجرة نضيفلو زيت + بصل + ملح + قرفة + فلفل اكحل نخليه يتقلى ويشرب التتبيلة على نار قليلة
من بعد نمرق
مر على مرة نشوف اللحم نتاعنا الا دخلو طياب ونزيدلو الماء الا كان يخصو
بعد ما يدخل طياب للحم نضيف الجلبانة ونخليها طيب هي ما تاخدش وقت تمتم طيب قبل ما نطفي الفرن ناخد شوية مرق ونضيفلها حبة بيض ومعدنوس وعصير ليمون ونضيفها للقدر دقيقة ونطفي الفرن








●●● درسة معتمدة عليها في معضم اطباقي ●●●

ناخد فلفل دريس نشمخو فالماء الدافء
بعد ما يطرا ناخد سكين وننزعلة الزريعة والسلوك او الخيوط لي موجودين داخل ااحبة نتاع الفلفل
فيكاس الخلاط ااكهربائي نضع الفلفل + ثوم + ملح وادا كانت الوصفة تستحك ااكمون نضيف للفلفل ااكمون
نضيف ربع كاس ما ونرحيح اخواتي نفدر ندير كمية كبيرة ونخبيه فالمجمد يبقى هايل






●●●خرشف بالباطاطا صوص حمراء●●●


اولا نقي الخرشف نتاعنا وننزعلو بعض الخيوط وااطريقو راهي مبينة فالصورة

بعد ما نقيه نغسلو مليح بالماء والخل لان يتراكمو بداخلو بزاف حشرات
نحطو في قدر فيه ماء وملح

في نفس ااوقت نحضر الباطاطا نقطعها بشك دوائر او نصف دائرة الا كانت الحبة نتاع البطاطا كبيرة

نضيفلها درسة متكونة من فلفل دريس وثوم وملح ونزيدلها شوية عكري وزيت ونخليها تتقلة شوية بعد ما تتقلة يكون الخرشف طاب نرميه فوق الباطاطا ونمرق الطنجرة


*في الاخير نضيف نص ملعقة طماطم مصبرر نحللها في ماء دافي ونمرق بيه الجواز ونخليه يشرب شوية ونطفيه











●●● بيشاميل ساهلة وبنينة●●●

في كاسرونة نضع 3مغارف زيت + ملح + فلفل اكخل + فلس ثوم مرابي

نضيف 1رتل حليب + 6مغارف فرينة

نضع ااكسرونة على نار متوسطة ونحرك في نفس الوقت بالفووي وما نتوقفش عن التحريك حتى تجمد البيشاميل


ما تعقد نطفي الفرن ونضيفلها ملعقة اكل زبدة






●●● فريت وبدنجال بصوس طماطم والبيشاميل●●●

نقلي البطاطا ونصعها في طبق يدخل الفرن او سنية نضيف على البطاطا المقلية بدنجال مقلي
من جهة اخرى نحضر الصوس : نرابي الطماطم تكون حمرا وطايبة مليح نضيفلها زيت + رند + زعتر + فلفل اكحل + ملح + فلفل عكري + ملعقة او نصف ملعقة طماطم مصبرة نحط ااطنجرة على نار متوسطة نصف ساعة وتكون واجدة
بعد ما طيب الصوس نضيفها على طبقة البدنجال ونضيف الصوس بيشاميل ونضيف جبن مبشور وندخلها للفرن تحمار برك










●●● بطاطا بالسلق فالكوشة ●●●

نغلي السلق دقيقة او دقيقتين قيس ما يدبال ونقطرو فالكسكاس

من جيهة اخرى في بلا او سنية نحط بطاطا مقطعة الى شرائح نضيفلها الملح والزيت ونمرقها حتى تتخطا البطاطا نحطها فالفور حتى طيب و تشرب

من جهة اخرى نحضر الخليط لي نضيفو لسلق والمتكون في لحم مفروم طايب في سوية زيت وملح وفلفل اكحل
المقلة لي طيبنا فيها اللحم المفروم نقلي او نحمص فيها حبة بصل
نحصع اللحم المفروم في اناء نضيفلو البصل لي قليناه ونضيف 4او 5 حبات بيض نخلط الخليط ونضيفو فوق البطاطا لي طيبناها فالفور نضيف الجبن المبشور ونشعل الفور من الاسفل 10 دايق او ربع ساعة ثم نسعل من الاعلى حتى يحمار شوية








●●● شفلور بالبطاطا●●●

بعد ما نقي ونغلي الشيفلور نصفيه فااكسكاس ونخليه بجيه

نروح لنحضير البطاطا نقطع البطاطا فالقدر ونضيف معاها الدرسو لي كنت قدمتها من قبل + كمون + فلفل عكري + ملح + زيت
نخليهم يتقلاو من بعد نضيف الشفلور ونمرق القدر ونخليه يكمل طياب ويشرب شوية من بعد نضيف ربع ملعقة طماطم محللة في ربع كاس ماء نخليه يشرب ونطفي الفرن

[ام حمزة22]

●●● مايوناز ●●●

المقادير هي: 2كسان زيت اي نوع زيت حتى ايليو جي بيها + حبة بيض + فلس ثوم + نصف ملعقة صغيرة ملح + ملعقة اكل ونصف خل

نضع حبة البيض وفلس نتاع الثوم فالخلاط الكهربائي نخفق شوية في نفس الوقت نضيف الزيت غير بشوية
بعد ما تطلع المايوناز نضيف الملح والخل ونستمر في الخفق حتى يدوب الملح وانتيجة راهي فالصور









●●● بيتزا بفواكه البحر●●●

لهاد البيتزا استعملت الكلامار + كروفات + تون + اونشوا + معدنوس + زيتون + جبن مبشور شيدار + صوس الطماطم المتكونو من حبة طرشي ةطماطم حب طايبة مليح وطماطم ومصبرو وحبة بصل وزيت
هدا رابط للميني بيتزا فيه مقادير العجينة وطريفة تحضير الصوصhttps://www.djelfa.info/vb/showthread.php?t=1821683


عندنا تقريبا كل المكونات جاهزة الا الكلامار والكروفات نطيبهم في شوية زيت ونتبلهم بالفلفل اكحل وملح ومش لازم تكون الكمية كبيرة نتاع فواكه البحر باش جي البيتزا بنينة هاد الكمية توفي بالغرض وجي بنتها هااااااايلو

نخل عجينتنا علة شكل دائري ونرققها مليح وتكون طاولة العمل مرشوشة بالفرينة نحطها في سنية ندهنها بالصلصة ثو نبدا نحط الفواكه ثم نزينها بالزيتون يليه المعدنوس نحطها كيب مي نخرجها من الفور نرشهت بالجبن المبشور

















●●● غراتان شيفﻻور بالبطاطا●●●

طبق اليوم اكيد يحبوه كامل ولادكم وهو غراتان الباطاطا بالشفلور
تقدري ديري بطاطا وحدها بهاد الطريقة كما تقدري ديري شفلور وحدو
نغلي شفلور ديالنا*
نقطع البطاطا ديالنا دوائر نضيفلها ملح و زيت و نمرقها ونحطها فالفرن طيب شوية*
بكري كانت البطاطا طيابة نحطلها كامل اللوازم ديالها ونطيبها*
اما درك الباطاطا ا طيبش مليح وتقعد يابسة
لقيت هاد الطريقة باه نضمن الطياب الجيد+النكهة
وهي كما قلت وكيما راكم التشوفو نطيب الباطاطة شوية من بعد نضفلها الشفلور + الجبن+زبدة+بيض+حليب
البيض والحليب نخلطهم نضيفلهم شوية ملح نضربهم ونحطهم فوق البلا
كنت من العادة نستعمل الجبن الابيض العادي اليوم زوجي غلط وجابلي جبن دو نكهة رائعة وزاد فالطبق نكهة رووووووووعة
الجبن بنكهة الثوم والاعشاب راني حطيتلكم الصورة جربوه وردولي بالخبر

[ام حمزة22]

●●●بوري بالجاج محمر●●●

بدا بالبطاطا وطريقة تحضيرها هي

نحط البطاطا مقطعة في قدر ونضيفلها سنة او تنين نتاع الثوم ونضيفلها ملح وماء ونخليها طيب

بعد ما طيب نشوف الا قعدها ااماء كمية كبيرة نقسلها ونرحيها يواعا برحيوة اليدوية او الالكترونية وانا نفضل رحيوة اليدوية جي احسن لان رحيوة الكهربائية او البيي جينا معلكة وقوامها ما شي شباب لهدا نفضل الالة اليدوية او لي ماعندوش كيفي يعبزها بالالة لي راكم تشوفو فيها فالصورة من بعد نزيدلها غير شوية بالخلاط الكهربائي ما نكترش عليها بالخلاط
وقبل ما نرخيها وهي سخونة نضيفلها كاس حليب وشوية زبدة

اما عن اادجاج انا استعملت اادحاجة الاقتصادية اي النصف دحاجة
بعد ما تبلتها بالثوم والفلفل اكحل وملح وزيت خليتها تشرب توابلها من بعد دهنتها بالزبدة ودخلتهى الفور طيب
بعد ما طابت في هديك الصوص لي طابت فيه ضفتلها سوية ماء وخليتها تغلي من بعد رخيتها بالخلاط الكهربائي والنتيجة راهي فالصور



















●●● حساء العدس●●●
نشمخ العدي في ماء دافي ثم ننزعلو بعض من القشور وفي نفس الوقت نغسلو
نحط في قدر ونضيف عليه جزر مفدعة مربعات صغار ونضيفلو فلفل اكخل وقرصة قرنفل او 3حبات ولا 4 من القرنفل
نضيفلو الزيت ونمرق نخليه بطيب
بعد ما يكيب نضيفﻻو الملح ونخبيه يغلي مليح حتى يتشرب داك ااملح

بعد ما يغلي ويتسرب مليح اانلح نمرق وهنا عندك الاختيار تحبي ترحيه بالخلتط ااكهربائي او تخليه على حالو
انا نرحيه سوية ماسي بزاف نخلي بعض الحب نتاع العدس
ولي تحب دير عدس حمر ضيف نصف ملعقة طماطم مصبرة لاكن ما ضيفش القرنفل انا نحس ان ما يتوالمش مع لعدس كي بكون مرقة حمراء










●●●مقلوبة●●●


هو طبق سوري يندار فالصنية ويدخل الفرن من بعد كي يطيب نقلبوه في صحن آخر لتقديم
لااااااااكن انل عندي طريقتي الخاصة و با ش يكون طبق الصباح والمساء نديرو في طنجرة
نحتاج ل*روز نغلوه من بعد نشلوه مليح وما يقعدش معجن
نحتاج لصدر او نصف صدر دجاج حسب المقدور نطيبوه بحبة بصل صغيرة +ملح +فلفلاكحل+قرفة كي يطيب نفتتوه ونحطوه بجيه*
نحتاج لبدنجال نقليه ونستفو فالطنجرة بهادا نتحصل على للطبقة لللولى وهي طبقة بادنجلل مقلي + طبقة الروز + طبقة الجاج +طبقة الروز ثم نضيف المرق لي طيبنا فيه الجاج*
والطبقة الاخيرة طماطم مقلية في شوية زيت اقوووووول شويييييييية زيت*
كي نكمل كل الطبقات نرجع الطنجرة فوق النار تكون قلييييييييييييييييييلة ربع ساعة على الاقل

[ام حمزة22]

●●●اغصان الشفلور بالبطاطا المقلية●●●


لتحضير الصوص هنا عندك الاختيار تخبي تحضريها باللحم او تلجاج انا حضرتها بدون لحوم جات رووووعة
نقلي البصل في شوية زيت مع ملح وفلفل اكحل وقرفة وحميصة
نخليهم يتقلاو كي يدبال البصل وطيب لحميصة نمرق الطنجرة وما نخليش كمية كبيرة من اامرق
من جهة اخرة نخضر الشيفلور بعد ما غليناه نحضر خليط ل لي نقلو بيه الشيفلور المتكون من بصل + معدنوس + حبة بيض + 4او 5 مغارف فرينة حسب مقدار الشفلور لي عندك + حليب ونتبلهم بملح وفلفل اكحل
نغطس الاغصان فالخليك ونقليه
بعد ما خضرنا الشيفلور والصوص هنا عندنا الاختيار يا اما نحط الشيفلول والبطاطا فالصوص او نخليهم بجنب ونسقي مل واحد وااكبق نتاععو
وادا راكم حابين تخلو الطبق للمساء ماعليكم غير تحطو الشيفلول والبطاطا اامقلية فالصوص لتسهل عليكم عملية التسخين ولازم تكون كمية المرق قليلة باش تقعد البطاطا والشيفلور في احسن صورة










●●●سباقيتي بالصوص حمراء●●●

اولا نغلي سباقيتي ونقطرو ونكب عليه ماء بارد باش مايقعدش معجن

من جهة اخرى نحضر الصوص المتكونة من طماطم وبصل وثوم ورند وزعتر وزيت و فلفل اكحل و ملح و فلفل عكري وطماطم مصبرة نضيف قليل من الماء ونخليهم يطيبو ربع ساعة من بعد نرحيهم ونرجعهم فوق سباقيتي ثمنرجع ااطنجرة تسخن على نار هادية







●●●سباقيتي بالزبدة والجبن●●●
نغلي سباقيتي وما ننساش بعد ما يطيب نصفيه ونضيفلو ماء بارد باش ما يتعجنش
ندوب الزبدة في طنجرة ونضيف عليها سباقيتي وعند التقديم نقدم الطبق بالجبن المبشور



●●●شطيطحة بوزلوف●●●
انا هنا البوزلوف كان واجد عندي نص طياب فالمجمد ومعاه الصوص لي طاب فيها فالاول
خرجتو من المجمد خليتو يدوب ضفت عليه الصوص لي كان طلب فيها وضفت الحميصة والدرسة لي كنت قدمت طريقتها من قبل وضفت فلفل عكري وزيت
الملح ما ضفتش لان البوزﻻوف طاب مع ااملح والدرسة فيها ملح
نضيف الزيت ونخليه يتقلى
بعد ما يتقلى ويتشرب الدرسة نضيفلو نصف ملعقة طماطم محللة في نصف كاس ماء ونضيفها لطنجرة ونخليها تشرب شوية ونطفي الفرن

[ام حمزة22]

●●● روز بالجلبانة والجاج●●●
نضع في طنجرة اطراف الدجاج ونضيف عليه بصل وجلبانة وزيت وملح وفلفل اكحل نخليهم يتقلاو من بعد نضيف الماء ما نكترش بزاف
بعد ما يبدا يطيب الجاج نحيه من الطنجرة ما نخليهش يطيب بزاف باش نزيد نحمرو لانه ادا طاب بزيادة بعد ما نحمروه يبان عاصي ويصعب علينا هضمه
نضيف الارز فالمرق لي طيبنا فيه الدجاج







●●●سمك الدوراد ●●●

هاد النوع من السمك عندو راءحة قوية باش نخطي هديك الراءحة وبعد ما نقيه ونغسلو نضيفلو كمية معتبرة من الملح والفلفل ا كحل خليتو يبات في هاد التتبيلة ووفي الغد غسلتو وعاودت تبلتو بالملح وفلفل اكحل ورمدتو فالفرينة وقليتو وشرملتو بالبصل
وطريقة تحضير البصل هي ان نقلي البصل في الزيت والملح ونخليه حتى يصبح وردي اللون ما نضيفلوش الماء
بعد ما يدبال ويطيب نضيفلو مغرفة خل بعد دقيقة نطفي الفرن
ونضيف البصل على الحوت راح يزيدلو بنة على بنة

[ام حمزة22]

طبقي اليوم كان جواز بالخضرة (جزر بطاطا بسباس جلبانة) تصورو فاءدة كل نوع من هدا الخضار حتى الوانها متناسقة وتفتح الشهية للاكل مع عصرة قارص وفلفل مرقد او هريسة مااااااااا نحكيلكمش

والوصفة هي ان اول شيء نقلي الجزر مع البصل وملح وفلفل اكحل وقرفة نضيفلهم ربع كاس ماء نخليهم يتقلاو على نار قليلة ربع ساعة
من بعد نضيف البطاطا والبسباس والجلبانة ونمرق الطنجرة ونخليها حتى طيب الخضار الا شفنا الخضار مازال ما طابتس نقدر نضيف شوة ماء
بعد ما طيب نضيف اامعدنوس ونطفي الفرن وهنا اختي الكريمة تقدري مع المعدنوس ضيفي البيض انا ما ضفتوش لان ولادي ما يحملوش رائحة البيض خاصتا في المرق البيضاء

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

ومع هاد الطبق زدت قليت طماطم مع البيض والطريقة هي : نقطع الطماطم الى شرائح ما ننزعلهاش القشرة نخليها بقشورها بهد ما نستفها فالمقلة نضيفلها شرائح من الثوم ثم نتبلها برشة فلفلكحل ورشة ملح نضيف الزيت ونغكيها ونخليها لمدة 10دقايق على ناار قليلة بعدها نضيفلها ربع او نصف ملعقة طماطم محللة في ربع كاس ماء بعد ما تغلي نضيفلها بيض على حساب كمية ااطماطم انا درت 3حبات بيض نضيف معدنوس ونغطيها حتى البيض يحكم روحو ونطفي الفرن
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.



اخواتي الكريمات يوم الاحد 23 اكتوبر كان يوم صيام التاسع من عاشوراء
كان يوم صيام والحمد الله صمنا وان شاء الله ربي يتقبل منا ومنكم الصيام وصالح الاعمال
وكان موعد الافطار مثل يوم من يوم رمضان المبارك
والحمد الله زوجي وولادي صامو معيا ربي يحفضهم ويحفضلكم ازواجكم واولادكم ولي مازال ما تزوجتش ربي يرزقها بالزوج الصالح لي يعرف قيمتها ويهنيها
ولي مازال مارزقهاش بالدرة ان شاء الله ربي يفتح عليها ويعمرلها حجرها بالدرية الصالحة
والله لا يحرم مومن من كل النعم

إضغط هنا لرؤية الصورة بحجمها الطبيعي. هنا صورة طاولة الافطار ربي يدوم النعم علينا وعبيكم
والمراحل القادمة لشربة فريك وطبعا صورت المراحل للمبتدئات في مجال الطبخ ربي يوفقهم
مقدير الشوربة هي لحم + فريك+ بصل + طماطم حب ومصبرة + حشيش شوربة + زيت فلفل عكري وملح و فلفل اكحل وقرفة بالاضافة الى خبة جزر صغيرة وقرعة وبطاطا
نضع فالاول اللحم ثم البصل والزيت وحميصة والتوابل والقرعة والبطاطا والجزر وحشيش الشوربة نقلي كل المكونات ثم نضيف الماء قيس ما يغكي اللحم ونخليه يطيب ومن حين لاخر نضيف الماء وما نكترش حتى يطيبب اللحم نخرج الجزر والبطاطا والقرعة من القدر و نضيف الفريك لي كنا سيرناه ونقيناه وغسلناه ونرحي الخضار فالخلاط الكهربائئ مع اضافت حبة طماطا
نضيف الخليط فالقدر مع اضافت 2ملاعق طماطم مصبرة ونخلي الكل ينسجم من بعد نمرق ونضيف بعض اوراق النعناع راح يزيد بنة على بنة لشوربة ثم نطفي على القدر
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

هدا حساء درتو لولاجي دكور بسلامتهم ما ياكلوش الشوربة وحتى الحسا ء عندهم شروك فيه باش ياكلوه
والطريقة هي في قدر نضع الجزر والقرعة والبكاطا وبصل وفلس ثوم وزيت ونمرق القدر ونخليه يطيب
بعد ما كيب الخضرة نضيفلها 2ورقات خص غير تدبال نرخي الخساء نتاعنا ونرجعو للفرن ونضيف بولات اللحم المفروه وهدا من ضمن شروط ولادي وان تكون كمية اللحم قليلة باش ما جيهمش رحت اللحم قاكعة فالحساء
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

طريقتي في تخضير المطلوع
ناخج كيلو سمين ونضيفلو نصف الكمة فرينة ونضيف الخميرة والملح والسكر
نشمخ العحين بالماء الدافي ونخليه ساعتين يرتاح
بعد ما يرتاح نعجنو لمدة 10 دقايق حتى نسمع ونشوف فقعات تخرج من العحينة

بعدها نبدا نشمخ العحين ونعجن بالدبزة كيما نقولو نعجن ونشمخ 3مرات او اربعة حتى تطرلنا العجينة
نطم العحينة بعدها نكون كويرات نرمدها في خليط سميد وفرينة ونقرسها ونخليها تخمر
نسخن الطجين مليح
بعد ما يسخن نحط الخبزة نتاعنا ونديرلها حفرة فالوسط ونغطيها بسنية باش تطلع مليح وتتنفخ
الصور تبين مليح الطريقة
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

اطباق تاني يوم عاشوراك
هي تقريبا نفسها لان بقالي الروز نتاع اول يوم عاشوراء وزدت معاه بطاطا مقلية بالبيض والبصل والمعدنوس والكريقة كالتالي
نقلي البطاطا ونحطها في مقلات ما تلسقش نسخن المقلة ونضيف قليل من الزيت وادا كانت البطاطا مزيتة وما نضيفلهاش
من جهة اخرة نفقس 4 او 5 بيض ونضيفلهم كمية معتبرة من المعدنوس ونزيدلهم بصلة وفلفل اكحل وملح نكب الخليط على البطاطا المقلية ونغكي المقلات ونخليها على نار قليلة بعد ما يحكم روحو البيض نقلب البطاطا على الجهة التانية ونخليها على نار قليلة حتى البيض يحكم روحو
هاد الوصفة خفيفة وبنينة ان شاء الله جربوها وتعجبكم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
https://www.djelfa.info/vb/showthread.php?t=1821683
https://www.djelfa.info/vb/showthread.php?t=1880325
هدان الرابطان للميني بيتزا و طبق افخاض الدجاج المحشية باللحم والارز





●●●ساندويتش سهل وسريه ●●●
هاد السوندويش درتو ببريوش الاخت ام اماني ربي يحفها نقست لسكر وضفت الملح جا رووووعة
خدمت حنيونات باللحم المفروم ضفتلو البصل والمعدنوس وبيض وتبلتو بالفلفل اكحل وملح
قليت الحنيونات في شوية زبدة
من جيهة اخرى رابيت الجزر وحضرت اوراق الخص والبطاطا اامقلية وشرائح ااطماطم
وعمرت الخبز بكل المكونات مثل ما راه مبين فالصور
ان شاء الله تعجبكم فكرتي

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[ام حمزة22]

●●●خرشف باللحم + خرشف بالبطاطا ●●●



لتخضير خرشف بالبطاطا
نقطع البطاطا دوائر ونضيفلها بصل و ملح وفلفل تكحل وزيت نخليها تتقلة
بعد ما تقلات البطاطا نضيفلها الخرشف لي كنا غليناه من قبل
نمرق الطنجرة ونخلي البطاطا تكمل طيب مع الخرشف

بعد ما يطيب ااجواز نعقدوه بشوية مرق ومعدنوس وقارس وحبة بيض نضربهم ونضيفهم فوق الجواز ونخليها دقيقة تغلي ونطفي الفرن
















لتحضير خرشف باللحم

نحط الاحم في طنجرة ونضيفلو بصل و ملح وفلفل اكحل وزيت
نقلي الاحم ونمرق مرة على مرة حتى يطيب اللحم
بعد ما يطيب اللحم نضيف الخرشف ونمرق
بعد ما يتشرب نعقدو بشوية مرق وحبة بيص وقارس ومعدنوس وبعد دقيقة نطفي الفرن
















ملاحضة : الحميصة الا كنتو طيبتوها من قبل نضيفها للجواز كي يقرب يطيب اما ادا شمخناها برك نضيفها اول ما نبدا ااطبخة

[ام حمزة22]

●●●شكشوكى ●●●
هاد الشكشوكة ساهلة وما تطلبش مجهود كبير
ناخد طرشي ونقطعو رقيق في طنجرة نضيفلة حبة بدنجال و بصل و ثوم و زيت

نخلي الكل يتقلة على نار قليلة وما نضيفش كليا الماء هدا هو سر نجاح هاد الشكشوكة

بعد ما تدبال ااهضرة مليح نضيف طماطم مرابيا ونزيدلها ملعقة طماطم مصبرة نخليها تتشرب ونطفي عليها وعندك الاختيار هنا تحبي ضيفي البيض فالاخر او تتركيها مثل ماراهي

ونقدمها بالبطاطا المقلية


●●●سلق بالبطاطا صوص حمراء●●●

بعد ما غلينا السلق ل5د وقكرناه في كسكاس
نحضر البطاطا ونقطعها الى دوائر
نضيفلها الدرسة لي كنت فدمتلكم طريقتها من قبل
نضيف الزيت وفلفل عكري ونخليها تتقلى بعد ما تتقلىويدخللها طياب نضيفلها السلك ونمرقها بعد ما تشرب نضيفلها بيض بعد 2دقليق او 3 نطفي الفرن

[ام حمزة22]

●●●طعام بالجاج والمرقة الحمراء + مسفوف بالزبيب●●●

●طريقة تحضير الكسكس :1نغسل طعام
2 نصفيه ونقطرو بسرعة باش ما يتعجنش
3 نخليه يتشرب الماء وينشف
4 نضيفلو شوية زيت باش نحلو على بعضو البعض
5 نحطو في كسكاس ونفورو
6 بعد ما يفور نقلبو على السحفة او الجفنة ونضيفلو الملح والماء حتى نشوفوه طرا وتوقغ من شرب الماء وندير بالنا ما نكثرش الماء باش ما يجيش
معجن
7 نخليه يشرب الماء
8 بعد ما يتشرب الماء نضيفلو شوي زيت ونعاود نفورو للمرة 2
9 بعد ما يفور نقلبو على السحفة ونضيفلو دهان يكون سمن ا زبدة او خليط سمن وزبدة

●طريقة تحضير مسفوف بالزبيب :بعد ما نطبق مراحل الكسكس من 1 الى 8 نكون غسلنا زبيب وحطيناه في كسكاس وخطيناه بساشي ونخليه يفور بعد ما يطيب ويطرا نضيف عليه الكسكس لي كنا فورناه فالمرة الاولى والثانية نضيفو على زبيب ونخليه يفور ثم نقلبو على السحفة وندهنو


●طريقة تحضير المرقة: نحط الدجاج في قدر نضيفلو بصل + حميصة + ملح + فلفل اكحل + فلفل عكري + قرفة + زيت ونخليه يتقلى مليح بعد ما يتقلة نمرق ونضيف ااجزر نخليه نخلي الجاج يطيب
بعد ما يطيب نحيه من القدر ونضيف القرعة ونخليها طيب وفي الاخير نضيف نصف ملعقة طماطم مصبرة ثم نمرق ونخليها تغلي بعد ما تغلي ندوقها ونشوف الا مخصوصة ملح او توابل ملي درتها فالاول والا ما خصهاش نطفي الفرن
ملاحضة:انا فورت المسكس على الماء ما فورتوش على المرق نحس ان هاد الكريقة الكسكس يجي الد والذ والله اعلم










































ملاحضة :مراحل تخضير ااكسكس تكون كلها على الماء اي نفور الكسكس على الملء وما نفوروش على اامرق لاني نحس انه بجي الذ والذ

[ام حمزة22]

●●●تشكيلة خضار بالجاج فالفور●●●

اولا نحمر الجاج بتتبيلة متكونة من ثوم وزيت وملح وفلفل اكحل
نحمر ااجاج ونفتتو ونخبيه بجيه ونحتفض بالويت لي طاب فيه
ناخد سنية تكون غامقة شوية نستف فيها الخضار مقطعة دوائر
نبدا بطبقة البطاطا ثم ااجزر ثم طبقة البسباس
بعد البسباس نضيف اادجاج لي فتتناه ثم نضيف عليه طبقة من البصل ثم طبقة من الطماطم
نضيف على تلخضر الزيت لي حمرنا فيها دججاج ثم نضيف الملح وفلفل اكحل و نضيف الماء بكمية معتبرة
انا متعودة نغطيها بورق الاليمينيوم وما نكثرش الماء لاكن ملي سمعت الورق الاليمينيوم مضر لصحة ما عدتش نستعملو
بعد ما نضيف الماء نخليها ساعتين وهي طيب حتى تشرب الماء وتتقال المرق
























●●●كباب ●●●
لتحضير الكباب
عندنا الجاج نقليه مع البصل وزيت وملح وفلفل اكحل وقرفة وحميصة

نقلي الكل
بعد ما يتقلى الجاج ويتبدل لونو نمرقو
بعد ما يطيب الجاج نحيه من اامرق ونشوف المرق الا نضيفلها ااماء
وفي التقديم عندك الاختبار اختي الفاضلة تخلي البطاطا على حدا او ضيفيها على المرق
تقدم بعصرة قارص وخلبط من البصل والمعدنوس








[/QUOTE]

[ام حمزة22]

â—ڈâ—ڈâ—ڈالدوارةâ—ڈâ—ڈâ—ڈ

â—ڈطريقة غسل الدوارة: بعد ما نقيها مليح ونغسلها
ندخلها في ماء ساخن ونكرطها بالسكين
نغلي الرئتين لبضعة دقائق لتنقيته من الداخي

â—ڈ طريقة تحضير العصبان : بعد ما غسلنا الدوارة ونقيناها نقطعها اطراف لي نقدرو نحشيها ونخيطها
نوجد الحشو اامتكون من رئة ودوارة مقطعة قطع صغيرة نضيف عليها حميصة + حشيش مقطفة + جلبانة فلفل عكري + + ملح درسة الفلفل لي قدمتلكم الطريقة من قبل
بعد ما نعمر اادوارة نخيطها
نحطها في فدر هي من الاحسن لاكوكوت لاكن انا وليت نخافها من الكوارث التي تحدث
نضيف عليها ماء و زيت وننخليها طيب حتى يدخللها طياب نضيفلها القرعة
بعد ما طيب القرعة نضيغ حشيس مقطفة تغلي شوية ونطفي الفرن

â—ڈ طريقة تحضير الدوارة بالبصل وطماطم :
نقطع الدوارة الى قطع صغار هي والرئتين نضيفلها زيت وحبة بصل وفلفل عكري وملح وحميصة والت كانت عندنا حميصة طايبة فالمجمد نضيفها بعد ما طيب الدوارة
نخلي الكل يطيب من بعد نضيغ بصل مقطع شراءح رقاق نخليه يدبال ثم نضيف الطماطم المرحية ونصف ملعقة طماطم مصبرة

[ام حمزة22]

●●●زرودية مشرملة بالدرسة ●●●

نفور او نغلي الزرودية ثم نحضر الدرسة لي معتمدة عليها ولي سبق ودرت اامراحل وهي في اول الصفحة لاكن هاد اامرة نضيفلها كروية راح تزيدلها نكهة روووووووعة
انا كانت عنجي درسة محضرتها من قبل وخبيتها فالمجمد ضفتلها ضفتلها الكروية وحضرت الفينيغرات المتكونة من زيت وخل وضفتها لزرودية







●●●باني البدنجال بالطماطم●●●

نقطع البدنجال والطماطم نتبلهم بفلفل اكحل وملح وزعتر

بعد ما يشربو التتبيلة نضع دائرة من البدنجال ثم دائرة طماطم ونضيف عليهم الجبن ثم نغطيهم بحبة بدنجال اخرى ونرمدهم فالفرينة ثم في خليط البيض ثم نزيد نرمدهم فالفرينة ونقليهم

وعند التقديم تقدري سيدتي الكريمة تقدميهم بدون صوص او بالصوص لي حضرتها بطماكم حب وطماطم مصبرة وبصل ورند وزعتر وفلفل اكحل وملح خليتهم يغلو ويدبالو رحيتهم

[ام حمزة22]

●●● سمك البونيت ●●●

●شطيطحة سمك البونيت :
بعد ما نغسل السمك نقطعو دوائر الطريقة لي راهي تبان فالصورة
نخليه بجيه ونحضر الصوص المتكونة من الدرسة لي معتمدتها دائما في اطباقي ونضيفلها فلفل عكري وزيت ورند
نخليهم يتقلاو ثم نمرق الجنجرة ونضيف ملعقة طمتطم مصبرة بعد ما تغلي نضيف اطراف السمك ونخليه يطيب بعد ما يطيب نطفي الفرن

● سمك البونيت فالفور :

بعد ما نغسل السمك نملحو ونديرلو فلفل اكحل ونخليه بجيه يتشرب التتبيلة

من جهة اخرى نحضر الخضار فالسينية
كنت مباشرة نحط البطاطا والبصل والطماطم والسمك لاكن لقيت هاد ااطريقة تخلي البطاطا سوية عاصية وما طيبس مليح

لقيت هاد الطريقة توالم هاد الطبق وهي ان نسبق نطيب البطاطا وحدها فالفور بملح وزيت ونضيفلها ااماء نخليها طيب شوية من بعد نضيف طبقة من البصل + طبقة من ااطماطم ونرشهم بقرصة ملح و فلفل اكحل
ثم نحط عليهم السمكة ونشبحها بطماطم وشرائح القارص و رند وزعتر ونمرقها مجددا وندخلها للفور حتى طيب وتشرب الماء لي مرقتها بيه

[ام حمزة22]

●●●ضولمة كرومبيط فالفرن●●●
طريقتي في تحضير هاد الطبق هي فالاول ننزع قلب الكرومبيط ونحطو في قدر ونخليه يغلي غلية ونطفي عليه هاد الطريقة راح تسهل عليك نزع اوراق الكرومبيط على بعضها بدون ما تتقطع
بعد ماغلينا لاوراق ننزع قلب الورقة*
ادا كانت كبيرة نقطعها على نصفين ونحط فيها كمية الخبيط المتكون من لحم مرحي وبصل ومعدنوس وبيضة وملح وفلفل اكحل وقرفة ونضيف كدالك القليل من اوراق الكرومبيط راح يزكيي الحشو*
نغلق حبة الضولمة مثل البوراك*
اما عن الصوس نضع في قدر بصل وزيت وملح وفلفل اكحل وقرفة ونخليه يتقلة بعد ما يتقل نضيف الكرومبيط المحشي ثم نمرق ونخليه يطيب من جهة اخرة نحضر البيشاميل*
نستف حبات الكرومبيط في سنية ونضيفلها البيشاميل ثم الجبن ونحطها تتحمر غير من الاعلى
















يتبع في الصفحة 2