سباقيتي بطريقة جديدة تهبل وداعا للطريقة الكلاسيكية

الصوامعية · 2014-01-04, 15:12

السلام عليكم جميعا مشريفات عضوات وزوار منتدانا الغالي واش راكم عندي بزااااااااف محطيتش موضوع في المنتدى الله غالب راهو عندي مشكل الصور مراهمش يحبو يطلعولي في المواضيع جربت كامل الطرق بدون جدوى المشكل راهو فالمنتدى ماشي من عندي راني متاكدة إن شاء الله الإدارة تشوفلي حل .
شكرا لكل واحد تفكرني وسقسا عليا في فترة غيابي
نرجعو للموضوع نتاعنا اليوم جيتكم بحاجة جديدة كيما عودتكم دائما ولي هي السباقيتي لمتعودين نكلوها دائما بالطريقة التقليدية حمراء ولا بيضاء بصح بهذي الطريقة نأكدلكم بلي متزيدوش تستغناو عليها خلالالالالالالالالاص نبداو على بركة الله

المقادير :

- كيس سباقيتي مقطعة قطع صغيرة حوالي 3سم ونحمصوها في مقلة بلا زيت .
- 3 حبات بيض مقلين .
- حبة بصل كبيرة مقطعة قطع صغيرة نقلوها فالزيت حتى تحمار .
- كمية من اللحم المرحي مذبل في شوية زيت، ملح، فلفل .
- معدنوس مقطع قطع صغيرة .
- قطعة زبدة .

التحضير :

أولا نأخذ مقلة ندير فيها شوية سباقيتي ونحمصها بلا زبدة ولا زيت حتى تحمار نكملو كامل الكمية ثم نغلوها بالطريقة المعروفة بشوية ملح كي تطيب نصفوها وندهنوها بالزبدة ونضيفولها كامل المقادير لذكرتهملكم اللحم المرحي، البيض المقلي، بصل و المعدنوس نخلطهم مع بعض وكولوها بالصحة صدقوني عندها ذوق راااااااااائع متشبهش كامل للسباقيتي نتمنى تجربوها وتعجبكم نخليكم مع روابط الصور الله غالب كيما درت مبغاوش يخرجولي راهم في نهاية الموضوع متنساونيش بدعواتكم ربي يسرلي أموري .

قبل ما ننسى عزيزتي ام اماني هذا الموضوع نهديهولك ياخي وعدتك نهار لنقدر نحط موضوع بصح للأسف بدون صور غير بروابط هههههه انت الوحيدة لكنتي حاسة بالصعوبات لواجهتني في تحميل الصور ان شاء الله نلقا حل لمشكلتي
عزيزتي ام كوثر من فظلك ديري تعديل وقومي بإضهار الصور

ملاحظة :
نهار لتحبو تجربوها وجدو السباقيتي وحمصوها مسبقا باه متديلكمش وقت بزاف

الصوامعية · 2014-01-04, 15:15

الله غالب كيما درت مبغاوش يخرجولي الصور في الموضوع
هذو كيفاش بانو معلاباليش !!!!!!!!!!!!!! الله أعلم
درت تعديل وقلت نكمل بقية الصور ولكن هذي العبارة نتاع الإنجليزية تخرجلي في كل مرة راني قريب نهبل

Forbidden
You don't have permission to access /vb/newthread.php on this server.
Additionally, a 404 Not Found error was encountered while trying to use an ErrorDocument to handle the request.

[IMG]

[/IMG]
[IMG]

[/IMG]

أم إناس · 2014-01-04, 15:20

ياتيك الصحه عاى الوصفه وَبَارِكْ الله فيك

ام طيري الجنة · 2014-01-04, 15:41

يعطيك الصحة بصح ما فهمتش كيفاه تخلطي معاها البيض مقلي و لا تقليه معاها وهو عاد ماشي طايب

نيفرتيتي. · 2014-01-04, 16:51

مواضيعك دائما هاااااااااااااااااااايلين ولدي يموت على السباقيت نجربهالو ان شاء الله
بارك الله فيك

zineb hanifa · 2014-01-04, 17:03

بارك الله فيك.موا ضيعك دائما في القمة شكرا لك.

هند222 · 2014-01-04, 17:34

ام ملاك. · 2014-01-04, 17:41

ام ملاك. · 2014-01-04, 17:48

اممممممممممممممممممممممممممم يشهي
حتى طلعت الصور باش قدرت نشوف على واش كنتي تحكي
كاش نهار نجربها

بشرى2008 · 2014-01-04, 18:31

يعطيك الصحة

الصوامعية · 2014-01-04, 18:35

اقتباس:

المشاركة الأصلية كتبت بواسطة أم إناس

ياتيك الصحه عاى الوصفه وَبَارِكْ الله فيك

وفيك بارك الله عزيزتي أم إناس

اقتباس:

المشاركة الأصلية كتبت بواسطة ام طيري الجنة

يعطيك الصحة بصح ما فهمتش كيفاه تخلطي معاها البيض مقلي و لا تقليه معاها وهو عاد ماشي طايب

شوفي أختي كي تغلي سباقيتي وتصفيها وتقطريها أدهنيها بالزبدة ودريلها بيض مقلي مقطع صغير وبقية الخلطة

الصوامعية · 2014-01-04, 18:42

اقتباس:

المشاركة الأصلية كتبت بواسطة ام دودة

مواضيعك دائما هاااااااااااااااااااايلين ولدي يموت على السباقيت نجربهالو ان شاء الله
بارك الله فيك

ان شاء الله تجربيهالو وتعجبو

اقتباس:

المشاركة الأصلية كتبت بواسطة oumadoumawayouta

deriha kima makaroun be tork nta3 les algerois hadik el makarouna li techbeh douida nta3 cherk wela makaroun el meselmin nta3 el bjawia wela el makarna nta3 ness el kolea
nefs la recette bark hiya tji bel douida wella mkatfa yhamsouha w ytaybouha fel ma w oumba3d ydiroulha lhem medrouss w tayeb kima nta3 el bourek w hebet baydh taybin omelettes w biensur zebda w bezef yeklouha fi ramdan yatsahrou biha maa chwi lben wela raib

ana nheb makaroun be tork bnin w khfif w lezem maah tasse lben wela raib hummmmmmmmmmmm

اقتباس:

المشاركة الأصلية كتبت بواسطة oumadoumawayouta

nsit nkoulek beli tekedri tdiri had el wasfa be tlitli wela makaroun sghir ida maandekch douida/makaroun be tork

تشبهلها نوعا ما شكرا على المرور عزيزتي

الصوامعية · 2014-01-04, 18:55

[QUOTE=مونية ك;1055342059]

اقتباس:

المشاركة الأصلية كتبت بواسطة مونية ك

اممممممممممممممممممممممممممم يشهي
حتى طلعت الصور باش قدرت نشوف على واش كنتي تحكي
كاش نهار نجربها

مشكورة عزيزتي على المرور الجميل نورتيني مشكورة على تحميل الصور

اقتباس:

المشاركة الأصلية كتبت بواسطة zineb hanifa

بارك الله فيك.موا ضيعك دائما في القمة شكرا لك.

شكرا عزيزتي zineb hanifa على المرور المشرف

اقتباس:

المشاركة الأصلية كتبت بواسطة هند222

شكرا جزيلا على تحميل الصور نورتيني

اقتباس:

المشاركة الأصلية كتبت بواسطة بشرى2008

يعطيك الصحة

العفو عزيزتي بشرى

نجمة ساطعة · 2014-01-04, 19:49

أولاً عودا موفقا بعد غياب ملحوظ

ثانيا أردت أن أساعد في إظهار الصور وجدت الأخوات قد سبقنني جزاهنّ الله خيراً

ثالثا طريقة رائعة يعطيك الصحة و الذي أعجبني كذلك لمّا كسّرتي السباقيتي مثلما أفعل

لأنّي استغرب كيف يأكلون بأريحية السباقيتي و هي طويلة خخخ

تذكرت نظرا لثقل المنتدى فهو لا يحتمل تحميل مجموعة من الصور خاصة إذا كانت كبيرة الحجم

لذلك جربي طريقة أن تكتبي الموضوع بصورة واحدة فقط و بعدها قومي بالتعديل لكن بصورتين فقط لا اكثر

و كرري حتى يكتمل الموضوع و عندما تنقلي الصور من موقع التحميل هناك خانة مكتوب عليها رابط

المنتديات انسخي و الصقي مباشرة لا داعي لوضع الرابط في خانة الصورة

ام سهام 02 · 2014-01-04, 20:20

شكرا لك على الوصفة