صالوني

[houdehoud]

انا عندي صالون و غرفة نوم راني صورت الصالون و كي رانا فيه دائما ناكلو ونقعدو ثم حطيت البارسو نتاع بنتي ثم على خاطر دافيء اكثر من غرفة النوم اللي ماعجبتهاش حاجة و الا عندها فكرة تتفضل نتقبل كلشي بصدر رحب
بعد نصائح الاخوات غيرت الديكور في حدود المستطاع

[zahra30]

ما شاء الله .... مرتب .....بصح ما فهمتش حاجة اعلاه تحطو اولادكم قريب للتلفيزيون ولا الميكرو .... باعدوهم افضل على الاقل ما يحوالوش عينيهم
تتهناو فيه ان شاء الله

[أم ماجد]

حسيت روحي في بيتي
ربي يخليك وتعيشي فيه بالفرح يا رب
ويشوف احلي ايامك مع عائلتك

[جوهر دعوة]

ماشاالله اختي هدهود تتهناي فيه ابعثيلي برك الصغيرونة هذيك نلعب معاها شوي هههههه نموت علي الصغار
منقرصهاش نلعب برك ههههه ربي يحفضهملك ويرزقك وبوليد يتهلافيهم

[houdehoud]

المشاركة الأصلية كتبت بواسطة zahra30

ما شاء الله .... مرتب .....بصح ما فهمتش حاجة اعلاه تحطو اولادكم قريب للتلفيزيون ولا الميكرو .... باعدوهم افضل على الاقل ما يحوالوش عينيهم
تتهناو فيه ان شاء الله

لالة اختي راهو ما يضربش ليها على خاطر طرافو عاليين و زيد نحطها كي ترقد دك تتحرك و تحب تتقلب راني فرشتلها الارض

[houdehoud]

المشاركة الأصلية كتبت بواسطة أم ماجد

حسيت روحي في بيتي
ربي يخليك وتعيشي فيه بالفرح يا رب
ويشوف احلي ايامك مع عائلتك

ان شاء الله يعيشك اختي
ماشاالله اختي هدهود تتهناي فيه ابعثيلي برك الصغيرونة هذيك نلعب معاها شوي هههههه نموت علي الصغار
منقرصهاش نلعب برك ههههه ربي يحفضهملك ويرزقك وبوليد يتهلافيهم اليوم
ربي يرزقك ان شاء الله

[houdehoud]

المشاركة الأصلية كتبت بواسطة sousou batna

ماشاالله اختي هدهود تتهناي فيه ابعثيلي برك الصغيرونة هذيك نلعب معاها شوي هههههه نموت علي الصغار
منقرصهاش نلعب برك ههههه ربي يحفضهملك ويرزقك وبوليد يتهلافيهم

ربي يرزقك ان شاء الله

[إلهام07]

شوفي هذا رأيي وأنت حرة تبدلي أو تخلي :

1- الصالون لازملو كاش ريدو أنيق يعطيه أناقة وفخامة ، لاااااازم
2- الصالون ماهوش بلاصة نتاع : ميكرو ، أكل ( المطبخ لاه داروه ) ، برصو ( مهد للأطفال )
3- ماعجبتنيش الزربية ، غير مناسبة للصالون ( هاذيك نتاع غرف )
4- الفراش ماهوش متناسق مع الصالون هذاك أزرق ولاخر بني
5- حاولي ديري فراش للأسرة يكون ماشي بسيط هكذا ، هذاك الفراش نتاع الغرف ماشي الصالون
6- غطي الطابلة بمفرش جميل مناسب ويتناسق مع الألوان
7- نحي هاذيك القلة أو الفازة من توال التلفاز
8- أعتقد الحيوط عندك فارغين لازم شوية ديكور بصح يكون قليل وأنيق
9- في السقف وين راهو الليستر ، من الأحسن يكون كاين هذيك القطعة نتاع الجبس لاصقة في اللسقف تعطي ديكور وجمال
10- يخصك PEINTURE مليحة رايحة تعطي أناقة صدقيني

شوفي أنا راني ماشي نفوخ بصح عندي ذوق ، أنا دارنا ديكوريتها وحدي من البانتورة حتى الموبل، أدق التفاصيل وخرجت ، إذا تحبي نحطلك الصور نتاع الصالون أو أي غرفة وشوفي ذوقي

أسمحيلي ، قتلك نقدي لاذع ومانجاملش أنت أصريتي

[houdehoud]

شوفي الهام اختي انا ساكنة مع عجوزتي قاسمة عليها و ماعنديش مطبخ ويحاسبونا على التريسيتي و الغاز يعني شوفاج واحد في الصالون الفراش نتاع دوم باش حتى اذا توسخ و تمرمد كيف كيف باش نبدل البانتور و الا ندير روزاسة في السقف ما حبش راجلي قالي كي نروحو لدارنا هاد السكنة ديباناج حتى تكمل لابارتمون نتاعنا

[فرح.]

صالون مرتب ومنضم
تتهناي فيه ان شاء الله بعدي ولدك بلرك على التلفزيون باش ميخزرش فيه من الطرف ماش مليح لعنيه

[كلي أمل]

صالون مرتب ونظيف ربي يهنيك اختي ويحفظ لك ابناءك

[امونة الشاوية]

السلام عليكم اختي مشكورة اللي دخلتينا دارك اول حاجة ربي يوسع عليك و تديري دارك كيما تحبي و تديري غرفة كاملة لبنوتات
تاني حاجة حبيت نقولك بلي صح كيما قلتي كي تعود فرد بلاصة اللي نتفرجو فيها و يلعبو فيها الاولاد و ينامو ما تقدريش ديري حاجة غالية و فرا ش غالي
الصالون تاعك باهي و منشرح حاجة وحدة برك قريت مرة بلي لازم مكان النوم يكون بعيد على الميكرو لانوالفيبراسيون تاعو ياثرو على خلايا المخ لوكان تبدلي بلاصة بنتك وربي يعيشهمك يهبلو بناتك

[houdehoud]

امونة merci انتي فهمتيني و انا علابالي بهاد المعلومة راني نحطها تم غير كي يكون الميكرو طافي يسمى كي نكون مشغولة

[درة بيتي]

لم تظهر الصور وين راه الصالوووووون حبيت نشوفه

[أم ياسين الزهراء]

شوفي راني فاهمتك وحاسة بيك حتى انا عندي الضيق والصالون انتاعنا هو كلش قعدتنا لمتنا وحتى وين ناكلو بصح كلام الهام راهو صحيح نقلك الحل نهار يوسع عليك ربي جيبي الهام ديرلك الديكور راهو يبان عندا ذوق وربي يوسع علينا الكل


حقى هداك البيبي هو اللي زين الصالون ربي يخليهولك