حل مشكل دفع 200 دج الخاصة بالمدرسة الوطنية للإدارة ؟؟

[boutiara_26]

بسم الله الرحمان الرحيم والصلاة والسلام على اشرف المرسلين أما بــــــــــــعـــد :

خاوتي فيما يخص هذا المشكل انا من الرأي الشخصي انكم ترحوا تدفعوها في الجزائر بما أن الجميع يحطوا الملفات في المدرسة الوطنية في الجزائر

1) فيما يخص 200 دج :
تدفع في الحزينة العموموية لولاية الجزائر المقر نتاعها في ساحة الشهداء ( قدام لاري نتاع لاراستيــــــا )
كي تدخل للخزينة اطلع للطابق الخامس دور على يدك اليسرى كمل امشي في الرواق حتى للنهاية وزيد دور على يدك اليسرى وكمل امشي حتى نهاية الرواق وزيد دور على يدك اليسرى اذخل للمكتب الثالث على يدك اليسرى .
اعطيلوا بطاقة التعرف يعطيك وحد الورقة
عاود احبط الى الطابق الاول وروح لل كيشي رقم 17 وقولوا يعطيك وصل الايداع عمر هذاك الوصل ( وتلقى مثال كيفاش تعمروا لاصق في الكيشي)
اعطيلوا الورقة الي جبتها من الطابق الخامس مع وصل الايداع مع بطاقة التعريف الوطنية ومع 200دج .


ملاحظة راهم يصعبوا فيها هكذا مانيش عارف علاه مي الله غالب هذي هيا الدولة نتاعنا

2) مكان ايداع الملف ( موقع المدرسة) :
الي راه جاي في البيــــــس او السيارة الشخصبة يحبط في سيتي مالكي والي مايعرفهاتش تقع تحت وزارة المالية .
والي راه جاي في الكوس يحبط في بن عنكون في الاقامة الجامعة للبنات ويحبط يمشي في الطريق المؤدية الى وزارة المالية .
كي تلحقوا لسيتي مالكي كاين موقف حافلات صغير كي توقف روح مباشرة بدون لف او دوران عكس الطريق المؤدية الى وزارة المالية وحد 300 متر تلقا المدرسة على يدك اليمنى




عذار لاني استعملت اللغة العريبة مع الدارجة هكذا باه الجميع يفهم وماتنساوناش بدعواتكم الطبية .

بالتوفيق للجميع