خبي سرك يا الغافل واقرا حذرك لا تبين سرك للغير؛ الناس اطول الكلام والحيط بوذنيه.
ناس الحومة الكل دارو، هذا لهذا يقول لجارو، كل واحد زاد في خبار، بقوال كثير
لقلوب القاسحين غارو، دارو حلقة عليك حارو، واحد ولا استحا بعارو، رماوك فالبير
ما ردوا عليك السلام , هاذ الشي كلتو حرام، قوام يثقب الرخام، والحاسد خطيه
خبي سرك يا الغافل واقرا حذرك لا تبين سرك للغير؛ الناس اطول الكلام والحيط بوذنيه.
هذاك الي ما قرا حسابو، دار الامان في صحابو، حتى فرغرلو جيابو
ورجع فاقير
استغلو بيه في غيابو، قالو خليوه في عذابو، لسانو هو سبابو
تقول صبي صغير
أندم ما فادشي الندام، كان جديد فنا ولا قدام، نهارو طويل فيه عام
و همو يكفيه
خبي سرك يا الغافل واقرا حذرك لا تبين سرك للغير؛ الناس اطول الكلام والحيط بوذنيه.
الصافي ربنا عطالو، و الناقص شوف ما جرالو، ارجع يخاف من خيالو، حصل كاش يدير
ارجع ما يشوفشي قبالو، قلبو مجروح ما برالو، يبكي وينوح من فعالو، وعذابو كبير
ما يهناشي طول الدوام، داخل في بحر الظلام، نكار الملح والطعام، بالاك تساميه
خبي سرك يا الغافل واقرا حذرك لا تبين سرك للغير؛ الناس اطول الكلام والحيط بوذنيه.
نعطيك وصايتي وصاية، لوكان تكون في سراية، اطلب العفو والعناية، وسلاك الخير
الله يبعد بلاك مع بلايا، يا الفاهم بلا قرايا، شوف خيالك فالمرايا، تشوف واش يصير
يا النايم فيق لا تنام، احضي راسك يا فلان، دارو اسمك فالزمام، وتقاراو عليه
خبي سرك يا الغافل واقرا حذرك لا تبين سرك للغير ; الناس اطول الكلام والحيط بوذنيه
الله يرحمك ياالشيخ
( تقرير عن مشاركة سيئة )، و الموجودة أسفل كل مشاركة .
2017-08-15, 10:40
خبي سرك يا الغافل واقرا حذرك
العرض العادي
