اخويا ما تخافش من ربي كي تشريلها الدجين

[ام ظافر]

نمشي في الشارع ونشوف لعجب
هاذي بالميني وهذيك بالسروال مزير الي سموه السليم او التيوب والادهى تلقاهم زادو الخمار من الفوق وقال ما قال راهي متحجبة
ما حرتش فيها هي راني حايرة في باباها وخاوتها وعمامها وخوالها وكل راجل في فاميلتها ونسالهم وينكم على بنتكم
كيفاش تسمحلها تخرج بهذه اللبسة للشارع فضلا على انك عطيتها الدراهم باش تشريها
انا ديما نسال نفسي هذا السؤال وبما اني بنتي صغيرة غير عامين خايفة من المستقبل وخايفة من هذا السؤال لا يجي وقت ويقولوه على بنتي ونحب نعرف اجابة عليه
علاه يابابا خليت بنتك تخرج هكذا وين راحت الحرمة ماتعرفش بلي كل اثم تكتاسبو راك شارك فيه والا تحبها تتزوج نقولك ماشي هكذا يتزوجو بنات الفميلا والا ماتشوفهاش كي تخرج نقولك هنا المصيبة اكبر او ............
والله راني حابة نسمع الاجابة منكم وخاصة كل واحد الي يقرى سؤالي يتلفت الان ويشوف لبست بنتو كي تخرج بربك اليست سروال دجين لان 90 في المائة من لبست بنات هذا الوقت سراول دجين مزير وراني ما نتكلمش على البنات الصغار الي مازالهم ما يعرفوش معنى الفتنة و الاغراء
انتظر اجاباتكم

[اية الرحمن1988]

لا أدري يا أم ظافر بما أجيبك ان شاء الله اللي يقرا هاد الموضوع يستفاد
والله تحيري متلقي ما تقولي كي تشوفي بنت مع باباها بلبسة كما هديك وهو عادي جدا مفتخر
ليس لدي علم أي تفكير يجول في عقولهم أظن كما يقولون التفتح على الغرب وهكداك الوالدين تبانلهم بلي لازم يريحو بناتهم في اي شيء
الباس المحتشم بكل اشكال والوان اللي تحب الموضة فهي ليس سبب لمثل هذا اللباس هاد الجهل وين يدي
اللهم اعفو عنا واحفظنا

[ام ظافر]

شكرا اختي على الرد
والي محيرني اللبسة هذي تشوفيها حتى عند ناس بسطاء ما يعرفوش والديهم معنى الموضة او تقليد الغرب نهارهم كامل يجريو على الخبزة وما يلحقوش ومايهموش كيفاش تخرج بنتو المهم الخبزة

[زهرة الجزائر 07]

و انا الي محيرني ..عادت هاد الأيام [ لامود تاع الحاجابات].... لبارح تكون بالسيري و غدوا تكون لابسا الحجاب ؟؟

ربي يهدي الجميع
و يهنينا

[نسائم الهدى]

لا أدري ماذا أقول لك يا أختي أم ظافر سوى هداهن الله وهدى أولياءهن للطريق المستقيم
فأنا والعياذ بالله من كلمة أنا لم ألبس طيلة حياتي الجين أو السليم أو السروال عامّة في ما عدا الذي أرتديه مع الحجاب.
وحتى أبي وماما هما من كانا ومازالا يختاران كل ثيابي ولم يحبا أبدا فكرة لبس السروال أو القصير أو الضيق
ولمّا كبرت أصبحت ألبس بكل فخر ما يحبون أن أرتديه لأنني وجدت بأنه يرضي الله أولا ثم يرضيهم ثانيا
لذا أنا في رأيي أن الخطأ كل الخطأ في طريقة تربية الوالدين لبناتهم فالإنسان يشيب على ما شبّ عليه.
بارك الله فيك أختي أم ظافر وحفظ لك ظافر ورعاه
سلاااااااااااااااااااااااااااااااااام

[nouna-12]

يا اختي ام ظافر راهوا كلش عادي
و الاب راه هو يدي بنته و يخير معاها و يقولها جاك شباب
ربي يهديهم و يهدينا
و يفرج علينا

[عُضو مُحترم]

أنا نجاوبك باختصار شديد

قلتي ماشي هكذا تتزوج بنات الفاميلا

هي ماشي بنت فاميلا

و باباها ماشي راجل

انتهى الجواب

[راجي الصّمدِ]

والله صدقت يا أمّ ظافر
ربي يهدي ما خلق
وبما أنني ليست لديّ أخت لم أفهم كيف يتعامل البعض من الرّجال مع أخواتهم....

[الباديسي]

المشاركة الأصلية كتبت بواسطة سحر الغروب

.

[lili1988]

المشكل باين وين راه ضرك لازم نصقصو على الحل على خاطر السراول راهي و لت حاجة نورمال هاي ليكم وين الفضيحة و التسيب ف تقبل المجتمع للحوايج هاذي
اللهم اهدينا جميعا

[lili1988]

المشكل باين وين راه ضرك لازم نصقصو على الحل على خاطر السراول راهي و لت حاجة نورمال هاي ليكم وين الفضيحة و التسيب ف تقبل المجتمع للحوايج هاذي
اللهم اهدينا جميعا

[أبو صهيب ناصر السنة]

قبل سنوات ومع طغيان حجاب الموضة كما يسمونه مع موجة الدعاة الشباب كنت في شك مما يقرعه بهم بعض الراسخين في العلم من أن الطريق إلى الله لا تنازل فيه عن المسلمات ولا بد من تبيين الحق وكنت أقول ربما هذا من قصور في فهم الواقع أو أنهم لم يلمسوا ثمرات هذه الدعوة المتمثلة في جيوش العائدات إلى الله ثم مالبث أن انجلى السراب وأصبح الخمار تأشيرة تقة لبعضهن تفعل ما شاءت ثم تميعت الأمور حتى بدأ شبه الحجاب هذا نفسه في انحسار كنزوة سرعان ما خفتت فاسحاً المجال لآخر صرخات العري والانحلال بقطعة قماش فوق الرأس أو بغيرها ,,,,

نسأل الله العافية

[Noir et Blanc]

خسارة فيهم كلمة رجال

الرحال لي تحكم فيهم نساهم وبناتهم مكاله بيهم


الله نسألك العافية واغرس فينا الغيرة غلى الاعراض الا ان نلقاك بها

[قطوفها دانية 2]

السلام عليكم
انت محقة ام ظافر

ربي يهدي بناتنا يارب

تعرفي الشي لي يحرق القلب اكثر

الاعتراف بالذب والاصرار عليه

[نسرين 16]

بس كمان كاين يلي دايرة حجاب وهيا من الداخل يستر يا ربي وفي وحدة مو عاملة حجاب وهيا يلي ف قلبها احسا من يلي دايراتووو
المعنى مو ف اللبس المعنى ف الاخلاق والطييبة
انا هدا رايي
ربي يهدي صح