Gratin

[red rose 13]

slt khwatati
svp 3awnoni mama kol yom tgoli wach ndiro la3cha wana rani natlab mankom tgololi gratin pomme de terre madabikom tradoli fi akrab wakt rani hayraaaaaaaaaaa

[jackin]

البحث في المنتدى

[أم بهاء 2002]

كراتان الدجاج والبطاطس
المقادير
نصف كيلو دجاج هبرة
بصلة
بيضة
حبتان بطاطس
ربع كيلو شوفلور
بهارات
زيت زيتون
الطريقة
نصلق البطاطس والشوفلور ونعجنهما معا
نقطع الدجاج قطع صغيرة ونضعه في مقلاة مع البصل و التوابل
ثم نقليه مليح
في مول التقديم نضع طبقة من البطاطس+ثم طبقة من الدجاج المقلي
ثم طبقة من الجبن ثم البطاطس والدجاج وهكدا حتى نكملو
نضرب بيضة ونوزعوها فوق الكراتان
ندخلوه الفورfour مدة نصف ساعة حتى يحمار من الأعلى ونخرجوه
نحطو عليه الجبن المحكوك وندخلوه مرة اخرى الفور مدة 5 دقائق

و كلي بالصحة

[أم بهاء 2002]

كراتان الباذنجان
نغلي البطاطا في الماء و الملح ثم انطحنوها و انضيفوا اليها الفروماج و ملعقة زبدة والحرور الكمون
و انقطعوا الباذنجان شرائح طويلة نملحه ثم نقليوهم في الزيت
انعمروا شرائح الباذنجان بالبطاطا و نلفها مثل السيقار
ثم انستفهم في صينية الفرن مدهونة بالزبدة
ناخذ مقلاة انعملوا فيها شوية الثوم و الطماطم مطحونة و الملح + التوابل حسب الذوق و انخليوها تنضج شوي على النار نحطهافوق الباذنجان و ندخلوه الفرن
شهية طيبة

[red rose 13]

يعطيك الصحة والله سهلتي علياالعشا اليوم

[أم بهاء 2002]

نزيد لك كراتا 3
الكراتان بالبطاطا و الكفتة
نحتاج البطاطا مسلوقة مرحية نضيف لها الملح و التوابل و المعدنوس والبيض على حسب الرغبة و الفروماج محكوك
نخلط المقادير كلها مليح حتى تندامج
في مقلاة نقلي البصلة مع الثوم في الزيت ثم نزيد عليها الكفتة الملح و الفلفل الأسود و الكمون و الفلفل الاحمر نزيد لها
الطماطم مقطعة و نخليها حتى تطيب تنشف من الماء في الاخير نضيف لها المعدنوس و نطفي عليها
ناخدو مول ندهنوه بالزبدة نقسم البطاطا على 2 النصف الاول نحطه في المول ثم نحط الكفتة كلها نرشوها بالفروماج ثم نغطيها بالنصف الثاني من البطا طا
ناخد من بعد 2 بيضات نضربهم و نزيد عليهم الفروماج و نحطها على الوجه و ندخلها الفرن حتى تحمار
شهية طيبة
أرجو حبيبتي أن تكوني قد استفدت

[red rose 13]

Walah mananssa khirak rabi ya3tik saha

[لودميلة]

بارك الله فيك

[nina.16]

3ajbatni ta3 lbadaanjal merciiiiii pr la recette