نقاش حول الزواج من عسكري

[hana nana]

هو المهم يكون رجل صالح وذو اخلاق عالية
الخدمة و طبيعة الخدمة ما تهمش مع راحة البال

انا نذكر انوا صديقتي قالتلي حابة نتزوج بعسكري
باه نبقى في دارنا كي روح يخدم ههههههههه

[dinebibo]

اختى انا زوجة دركي وانصح ان لا تتزوجي بدركي او عسكري لانك راح تتمرمدي اول شئ في كل تغيير للعمل راكي عند داركم او دارهم 5 اشهر او ست هذا في حالة لقا السكن اما اذا ملقاش راكي تقعدي 4 سنوات ثانيا حتى لو سكنتى معاه راكي متحضري لفي زينة ولا في شينة (لا سمح الله) في داركم والاحساس بعدم الاستقرار واذا كنت خدامة راكي تخدمي في جميع الولايات مع السوفرونس نتاع الاوراق نصيحة لوجه الله تزوجي حذا داركم اشبعي من والديك ومن زوجك في نفس الوقت ومنحكيلكش على المعاناة نتاع الصح اذا كانو دارهم مختلفين في العادات عنكم واش يسرالك مين تكونى وحدك عندهم

[لحن الفرح]

شكراااااا على الموضوع

[لحن الفرح]

العسكر كلهم يغيرون اماكن عملهم

[ليندة ياسمين]

اتزوجي مع رائد فضاء

[abdouillizi]

المشاركة الأصلية كتبت بواسطة ليندة ياسمين

اتزوجي مع رائد فضاء

أرجو أن ترفعي المستوى على الاقل إحتراما لمهنتكي

[راية الاسلام1]

السلاام عليكم
مالفت انتبااهي هو ردود بعض الاعضااء المنحطة
البنت كتبت الموضوع تبحث عن الاستشاارة والنصيحة والحقيقة بالدرجة الاولى
وانتم ترقصوون على جرااح الاخرين
اتقدمووا شوية في عقوولكم
انا وااله وليت نكره الدخوول لهذا القسم بسبب بعض الردود الكاارثية

بالنسبة لكااتبة الموضووع
انا شخصياا لا انصحك اذا كان شرطي عاادي جدااا
اما دركي او عسكري ماتغلطيش
مايخدعووكش الدرااهم احبيبتي
والله الانساان محتااج الاشيااء المعنوية اكثر من الماادية
عندي جاارتنا تقريبا 3 اشهر وهي هنا عند والديها لانو زوجها ماحبولوش يكري ماعلاباليش علااش
وزوجة اسلف أختي هو في تلمساان وهي راهي هنا في قسنطينة تقريبا شهر ممرمدة مع لولاد
معيـــشة تاع تمرميد
وكاااين حواايج بزااف ماحبيتش نحكيييهم
والله ماخفي كاان اعظم
ربي يوفقك ويعطيك الزوج الصاااالح

[راية الاسلام1]

المشاركة الأصلية كتبت بواسطة malik031

شوفي إدا هو أصلا يقبل بيك باش بعد دلك ما تقبليش بيه أنت خخخخ

المشاركة الأصلية كتبت بواسطة ليندة ياسمين

اتزوجي مع رائد فضاء

السلاام عليكم
اذا عندكم نصااائح اللهم باارك اذا كنتو تحبو تدخلو تزيدو على العبد فعدمكم احسن من وجوودكم
قولوا خيرا او اصمتوا وحبسوونا الاستهزاااء هادا
ربي يهدي من خلق
بااارك الله فيكم
لاا حول ولا قوةالا بالله

[chamam]

السلام عليكم ورحمة الله ....في البداية أقول يؤسفني حقا كتير من الردود التي مرت بهدا الموضوع ..ركاكة ..والحقيقة اني لو كنت مشرف ..لكان لي تصرف آخر ..لان الركاكة هده تؤدي الى الحمق لاسيما ان لمسنا في السائل الجدية وقضية ..تتعلق بحياته ..أوكي .

- شوفي اختي الكريمة ..معك اخوك الشمام جندي سابق ..أعرف هدا المجال وهو يعرفني ..باختصار شديد أول شئ افراد الجيش الشعبي الوطني -أجدع ناس - يتعلم اولا الحفاظ على سلاحه كالحفاظ على زوجته ..وهي مبادئ راسخة اد انه من ناحية الاستهانة بالزوجة وتركها ..لايوجد .

المهم نرجع للوراء ..طبعا العسكري اولا فرد من افراد المجتمع مجرد انسان يخضع في اختياره كزوج لنفس المعايير المعتادة وهي اخلاقه واصله وفصله ...اوكي

تاني شئ هي رتبة هدا العسكري ..ان كان ضابط اي رتبة عالية فهؤلاء النوعية تتمتع بسكن وضيفي وكل يوم في المنزل اي مايسمى بالسكن العسكري - لازون ميليتار- وبالنسبة للرتب الاخرى من الجنود الى صف الضباط كان زمان وولى ..حيت كان الراتب متدني وغيره ...اليوم أعرف الكتير متزوج ويأخد زوجته الى الولاية التي يعمل بها ..كمستأجر ..ويضمن لها الامن والامان ..وزيارات يومية على قدر المستطاع ان لم تكن ليلية يعني في نهاية الخدمة تكون في النهار ...ودلك راجع لوضعيته التي يقدمها لقائد التكنة من أنه هنا بعائلته اي حرمه ..فيكون هناك تحفيف كبير جدا للعسكريين من متل هده الحالات ...مع حقه المضمون في السكن الاجتماعي في ولايته أو مختلف الصيغ التي اقرتها وساهمت فيها وزارة الدفاع لمساعدة العسكريين ..تاكدي من هدا ...... من هنا أريد فقط ان اضيف ان العسكريين من أصدق الناس خصوصا عندما يتوصل الفرد منهم الى مرحلة التفكير في الزواج ...لان هده الناس عانت حقا ..وتالمت صدقا في صمت ..وعايشت مختلف الشرائح كتجارب من مخالطة اصدقاء من 48 ولاية ..ودلك مما يؤدي بهم الى الندج في فترة الزواج سواء كمعرفة لعادات الناس وطبائعهم او كتشرب لكل التجارب من الشرق الى الغرب .....لهدا ولاجله هو مجرد راي من واقع كنت أعيشه ...أقول توكلي على الله ..وتزوجي وكما قلت لك

-أجدع ناس وأحلى ناس ولهم كل الاحترام والتقدير -

للعلم فقط ..إهتمت الدولة في السنوات الاخيرة بالعسكريين بصفة عامة وقامت بتحسين رواتبهم وغيره مما يضمن لهم العيش الكريم ودلك اعترافا بجهودهم في الحفاظ على هده البلاد بغض النظر
حتى انه هناك قانون للمتزوجين ..الغير قاطنين في مقر الزوجية
من حقهم رؤية الزوجة كل 45 يوم وهو كما أعتقد قانون عادل
ومازالت الاصوات تنادي بالافضل والاحسن .

اسال الله العظيم ان يوفقك ويجعل لك الخير اينما حللت وأن يجعل لك الله من امرك يسرا ..ويسددك لما فيه خير في الدارين . بالتوفيق .

[chamam]

المشاركة الأصلية كتبت بواسطة راية الاسلام1

السلاام عليكم
اذا عندكم نصااائح اللهم باارك اذا كنتو تحبو تدخلو تزيدو على العبد فعدمكم احسن من وجوودكم
قولوا خيرا او اصمتوا وحبسوونا الاستهزاااء هادا
ربي يهدي من خلق
بااارك الله فيكم
لاا حول ولا قوةالا بالله

بارك الله فيك .......يعني والله لو كنت انا قلت تلت هدا الكلام لكنت

محضور الآن والحقيقة أنا هدا ما يتير استغرابي يوم بعد يوم ؟؟؟؟

[chamam]

ولا يحيق المكر السئ الا بأهله ....سوف تشربون من نفس الكأس نتيجة حتمية طبعا .

[sarah mech]

انا نضن بالي العسكري خدام خدمة شريفة و ادا كان انسان مدين و راجل فحل روحي معاه لاي مكان و ماتخافيش

[amel4]

السلام عليكم
وعلاه راكي تتكبري على العسكري انا بابا 30 سنة و هو في لعسكر او اكتر قرا لتم و تربى في العسكر دخل صغير خلاص و الحمد لله اخلاقو عالية و الناس كامل يحوه
راني نشوف بلي عندك مشكل في التنقل نقولك اختي حنا حياتنا كامل و حنا نتنقلو و عند 7 سنين ملي استقرينا برك و الله التنقل بين بلدان الجزأئر روعة رايحة تكتاسبي معارف جذ جيران جذ اشخاص متنوعين تعرفي بزاف العقليات و تتعرفي على مناطق الجزائر صراحة انا ماولفتش نبقى في بلاسة وحدا و درككون يقوللنا باباهيا ننتقلو نروح
والله شيء روعة بالنسبة لي
وكيما قالولك ادا كنتي عاملة رايحة تجيك صعيبة انا ماما كانت معلمة بصح بطلت على جالنا باه تربينا و الحمد لله الكل يشهد على اخلاقنا
اختي هدا يبقى رايي و انت حرة. و الكلمة الاخيرة تبقى ليك
اه ملاحظة ماشي كامل الناس كيفكيف قادر الرأجل هادي يكون مليح كيما يقدر يكون ،،،،،
ان شاء الله تلقاي وليد لحلال للي يفررحك و يسعدك
سلام

[alla220]

jاذا عاد ابواك راضيين علييييك زوجي خيرلك الف وحدة تتمنى عسكري ووفقك الله و بارك لك

[yassminadz]

أظن أنو عندك هاجس من البعد أكثر من أنو هاد الرجل عسكري
لو نتكلم عن البعد، واش قولك في البنات لي يتزوجو ويروحو للخارج مع أزواجهم، أظن لا يوجد وجه مقارنة بينهم وبين وضعيتك، على الأقل أنت تمشي لداركم كل مدة عكيهم هوما
أما بخصوص أنو الرجل عسكري، واش نقلك، كيما كامل الشرائح في المجتمع، كاين فيهم المليح ولي ماشي نتربي وأنت أدرى مني
ما تنسايش صلاة الاستخارة