انصحوني

[مشكلتي]

السلام عليكم من بعد ربي سبحانه لجأت ليكم حابة النصح لاني مالقيتش لمن نحكي المهم القصة ومافيها اني نحب شخص راح نسميه 1 باه ماتتخلطش لحكاية وتفهموني والشخص 2 الي هو ابن خالتو كنت نشك في تصرفاتو حتى وين اكدولي بلي يحبني وانا في زوج مامشيتش معاهم الشخص 1 عارف بان ولد خالتو يحبني لانه حكاله القصة وراه مقلقني بزاف بتصرفاتو اما الشخص 2 ماعلابالوش ايضا بلي الشخص 1 يحبني ( مراحش نحكي القصة كاملة لانها طويلة مدة 5 سنوات )
المفيد كيما قلتلكم انا نحب الشخص الاول وصراحة تعلقت بيه بزاف مي وصلنا لمرحلة مستحيل ننتظر حاجة لانه ببساطة من المستحيل يسمح في ولد خالتو على جالي ومام انا مانيش حابة يصراو لبروبلام بسبتي لوكان يعرف الشخص الثاني بلي الرفض غير على جال الشخص الاول الي هو تاني ولد خالتو راني متاكدة بلي راح يصراو مشاكل وانا مانيش حابة توصل الامور لهاذ الوضع راني حابة ننسى الشخص الاول وفي نفس الوقت ابن خالتو يجبد عليا ولي راني متاكدة بلي مرحش يجبد بسهولة مانيش حابة الشخص الثاني يوصل حتى لباب الدار لاني في هاذ الحالة ممكن يصراو امور فوق طاقتي وثاني شي مانقدرش نشوف الشخص الاول مع بنت ثانية الله غالب واصلا هو غير يتقلق من تصرفات اي شخص نحكي معاه حتى لو كان زميل في التخصص وكلامنا كون غير ف الدراسة برك يدير اشياء تقلقني بزاف وتنارفيني مع اني مادرت والو وعلابالو بلي الشخص 2 مانخزرش فيه وماشاف من جيهتي حتى اشارة غير جابدة هو عارف بلي مانحبوش مي غير يغير يخرج زعافو فيا بتصرفاتو والله ماني حابة ليبروبلام بيناتهم هذا عامي التالي في الجامعة واصلا راني نادمة على ماستر الي كملته لان كون حبست في مستوى لاليسانس متاكدة بلي ماراحش توصل الامور جتى لهنا
انصحوني حابة نجبد منهم في زوج وننسى الشخص الاول ويكون بالي مرتاح رانا في جامعة وحدة مستوى واحد مي تخصص مختلف مي يكون فرص التقائنا كبيرة والله ماني عارفة واش ندير وسمحولي طولت عليكم

[المهاجرة لربها]

السلام عليكم

اختي نضيحة مني من اخت لاخت .....قرات جيدا ما كتبته و فهمت شعورك جيدا انت محقة بكلامك انك لا تريدين ان تكون سببا في مشكلة بين اقرباء
انا انصحك يا اختي بعدم التفكير كثيرا في هذا الموضوع حاولي ان تركزي في دراستك اجعلي انشغالك منصب في الدراسة فقط
من هنا حاولي ان تبرهني لكلا الطرفين انك غير مهتمة بكلاهما ماعدا دراستك فلها الاولوية لذلك ثقي بنفسك انك تستطيعين الخروج من هذا المشكل
و لا تنسي انك لا تريدين ان تسببي مشكلا لكلاهما فليس لديك حل الا حل وسط هو ان تبتعدي عنهما و تتصرفي كناضجين ادرسي اختي و ليوفقك الله لما يحبه و يرضاه

انصحك ايضا ان لا تدخلي في العلاقات الغير شرعية المحرمة فسيرزقك الله حتما في الوقت المناسب بزوج يسعدك
فقط تذكري دائما قوله تعالى ' الطيبون للطيبات' لذا اختي حاولي دائما ان تجدي اعذارا تبعدك عنهما و تشغلك و ان تكون مقتنعة بهذه الاعذار قبل ان تقنعيهما
في وقت الفراغ توجهي للمكتبة الجامعية اقراي كتبا ابحثي اكثر اجتهدي اكثر ركزي في دراستك و لا تندمي انك اكملت دراستك لانهما كانا سببا في مشكلة

وفقك الله و التزمي بما نصحتك به و خيرا ان شاء الله

[ishem]

ربي يعينك اختي

[ishem]

انصحك بصلاة استخارة

[ishem]

الحل بيد الله هو خير مجيب لكل سائل و محتار

[ishem]

هناك فرق بين الاعجاب و الحب اختي الفاضلة و الكثير لا يفرقون بينهما و اي شخص اعجبنا نقول نحبه لكن هدا الشيء خاطئ ادا يجب تحديد من يحبك و من تعجبيه فالفرق شاسع جدا الفرق ش

[ishem]

من يحبك قد يحبك من اجل لا شيء و لا يدري حتى لمادا يحبك

[ishem]

هناك مقولة ان الرجل قد تعجبه الف فتاة لكن قلبه سيكون لن يحب الا فتاة واحدة

[mira la belle fraise]

مازال الحال علئ الحب ركزي في دراستك وابني مستقبلك ومكتوبك يجيك يجيك كل حاجة في وقتها مليحة

[ام رضوان]

اختي انصحك ابتعدي عنهم في2
لوكان تدي واحد فيهم ما رايحاش تتهناي وخاصة هما اقارب
ما تكونيش سبب في فتنة
ونصيحة اخرى حطي راسك لقرايتك هي اللي تنفعك وزيد الحب اللي عندو 5 سنوات هذا راهو لعب كيفاش طول هذه المدة واحد ما تقدملك لا 1 لا 2. والله يا اختي اللي يحب ما يقدر يستنى ويصبر كل هذه المدة.
ربي يسهل امرك امين

[naamane3]

انا نقولك اخطيك منهم في زوج واستغفري ربك على هاذ المعاصي اللي راكي فيها
حتى اذا انصلح حالك مع ربك رزقك الخير من حيث لا تحتسبين