مسااااعدة عاااااااااجلة

~أميرة أميري~ · 2016-04-07, 10:39

سلااام خياتي كي راكم ان شاء الله بخييير
تعييشو محتاجة مساعدتكمممممممممممممممممممممممم
يمى راحت وخلاتني وحدي في دار راح سي بابا جابلي الدوااارة وجاااااا وقالي ليوم عشانا بكبوووووكة
الطياب نعرف نطيبها عادي بصح لمشكل في الغسيييييل تعيشوووو قولولي كيفاش نغسلهاااا تعيشو لبنات فهموني منين نبداها كي شفتها قريب تغاشيت هههههههه
بالاكم تقولو فنيانة ماتعرفش هههههههه نووو والله موالف نغسلها مع يمى في العيد بصح نكون تاكلة عليها توريلي وتقوم بصوالح الكبار
تعيشو عاونوني بنااات سينون نبات برا ليوووم

&ام ايوب& · 2016-04-07, 10:46

صباح الخير
ضحكتيني ماتباتي برا ماوالو
شوفي ديري الما يسخن ومنةبعد اقسمي الدوارة مورصوات كبار شوي وديري وحدة في للما السخون شوي برك بالاك طيبلك وخرجيها ومن بعد ش.دي الموس ونقيها بالشوي هكا حتى تكملي كامل اادوارة
وادا مافهمتيش قوليلي
سلاااااام

~أميرة أميري~ · 2016-04-07, 10:51

بارك الله فيك اختي ام ايوووب ايه ندير لماء يغلي ونغطس فيه الكرشة هديك ونجبدها بالخف ونحكها بالموس هكا ؟؟؟ هههههههههه
والمسارن هههههههههههه والرية !!!! نديرهم خضورا يطيبو ؟؟؟؟؟؟ ولا تاني نديرهم شوي في الماء يغلي ونفتحهم ونقيهم ؟؟؟؟ هههههه اني متفسخة على روحي بالضحك ااااي يا عجوزتي المستقبلية لكان تشوفيني

&ام ايوب& · 2016-04-07, 10:54

ههههههههعععععععع
والله قتلتيني بالضحك خلي برك يكون راجلك يموت على الدوارة والبوزلوف - طفرت فيك- المهم
المصارن تاني لكن
الريه قطعيها مورصوات صغار وديريها تغلي وحدها باه تروحلها هاديك الرغوة ومن بعد ديريها طيب مع الدوارة سخون في سخون باه طيبلك

~أميرة أميري~ · 2016-04-07, 10:57

الله يرزقك الجنة ياااا اختي ام ايوب الله يعطيك ماتتمناي والله كنت نخمم كي شفتها مخي كي شغل صرالو خلل قعدت ساعة وانا نشوف ليها هدي جاجة ولا دوارة هيهيهيهيههيهي
دوك نروح نجري نقيها ونسقمها للعشية باش نلقاها واجدة
هههه ليوم خاوتي وبابا يدخلو كامل للسبيطار هيهيههيهيهي سامحوووني انا ماقتلكمش جيبوهالي خخخخخ

&ام ايوب& · 2016-04-07, 11:01

هههههههه
بصحتكم
وربي يتمم عليك فرحتك