موضوع مميز مشاركتي البسيطة في مسابقة مهرجان الربيع

crono · 2018-03-25, 11:04

نهاركن سعيد فحلات الجلفة ان شاء الله تكونوا انتم واهلكم بالف خير
اولا اشكر الاختي حياة على هده المسابقة الرائعة

هاااي فيكم ولله سخفتوني عليه هوما يحطو و انا نقول درك يحشمو درك يحشمو درتو البارح خرج مش يذوب فالفم هذا قبل مايوصل للفم يذوب هههه â‌¤ياخي يقولو عاند ومتحسدش المهم مخليتيهاش في قلبيï؟½ï؟½

ورغم الضغط في العمل حبيت نشارك واولامرة نشارك معاكم و ندخل جو المنافسة باش نقس شوية ضغط و نغير من الروتين اليومي واللي راح تخلينا اكييييد نستفادو من بعضانا .
هذي البراجة علمتهولي جدتي من ابي ربي يرحمها و يجعل مثواها الجنة بصح للامانة أضفت لمسة صغبرة و هي زيادة من خمرة تع الحلوى

نبدا على بركة الله
نحط 2 كيلات سميد متوسط و كلة سميد رطب و كلة فرينة ملح وخميرة نتاع حلوى

+ كيلة سمن نبسسوه مليح و نص كيلة زيت

وقبل مانبلوه نهزو منو تقيبا حفنة

و نبلوه بكلة حليب ونقسموا العجينة الى 3

ونوجد الغرس معجون زيت وخميرة حلوى وجلجلانية بعد ما نقيه ونفوروه انا منعملش ماء الزهر

نحط شويه من السميد المبسس نفرشوه هو الاول على طاولة نحط نحط الجزء الاول من العجينة ثم عجينة الغرس
ونطرحها على شكل قرص كبيرة ونقطعها
نبدا نحل القرصة الاولى ونحل الغرس بجانبها

نقلب الغرس على القرصة الاولى ونزيد نحل القرصة الثانية

نضع فوقها السميد ونسوي السطح ونحلها كبيرة على سمك 1 سم

نطهيها في طاجين حديد

خليكم مع الصور

صح ربيعكم حبيباتي
تحياتي الحارة لاغلى عضوات المنتدى

في امان الله وحفضه

شمس الأمنيات · 2018-03-25, 11:22

السلام عليكم ورحمة الله وبركاته
امممممممممممم يبدوا شهيا سخفتيني
بالتوفيق في المهرجآن

حياة نور الدين · 2018-03-25, 11:34

بارك الله فيك كرونو حنونة موضوع كامل متكامل الله يبارك بالوفيق

crono · 2018-03-25, 11:35

اقتباس:

المشاركة الأصلية كتبت بواسطة شمس الأمنيات

السلام عليكم ورحمة الله وبركاته
امممممممممممم يبدوا شهيا سخفتيني
بالتوفيق في المهرجآن

الله يسلمك عزيزتي شهيتك في الجنة ههههه راني كيفك حبيبتي انا درتها ومزلت ندير حتى يخلاص الربيع أن شاء الله
ديري يالوكان قرصة صغيرة نحي السخفة ههههه
ا:d

أم فاطمه · 2018-03-25, 11:39

ممممممممم اختي كرونو مشاء الله يشهي بالتوفيق

nihal159 · 2018-03-25, 11:59

الله الله عليك أختي كرونو؛ أبدعتي و تميّزتي؛ ماشاء الله؛ براج ب 3 طبقات حاجة جديدة؛ نتمنالك التوفيق.

ام هدول · 2018-03-25, 16:07

ماشاء. الله.....ربي يبارك ....براج فوررر....سلمت يداك

طيور الجنان · 2018-03-25, 16:58

ماشاء الله اختي كرونو موضوع متكامل يعطيك الصحة بالتوفيق في المسابقة.

idem16a · 2018-03-25, 17:50

البراج كامل ومتكامل،يعطيك الصحة اختي كرونو،هاييييييييل

ام هزار · 2018-03-26, 13:15

ما شاء الله اختي كرونو اصالة و حداثة في الشكل بارك الله فيك

جهينة اليقين · 2018-03-26, 14:07

الله الله كرونو راكي سخفتيني حبيت نديرهم اليوم سبقتني بنتي دارت الكيك بصح بربي غدوة ان شاء الله نديرهم

crono · 2018-03-26, 18:34

اقتباس:

المشاركة الأصلية كتبت بواسطة حياة نور الدين

بارك الله فيك كرونو حنونة موضوع كامل متكامل الله يبارك بالوفيق

يباريك فيك .حبيبتي علابالي بلي عاشقة للتقليدي كنت حابة ندير عدة اشياء والله والهدف كلو التعريف لاغير بصح وقتي ضيق جدا لهدا تأخرت في وضع الموضوع الف شكر تسلمي على الكلام الطيب والمرور الجمييييل