وصفة العجينة المورقة الأساسية ناجحة 100/100 بالتفصيل من مطبخي

[oum anas 69]

السلام عليكم ورحمة الله وبركاته
إن شاء الله تكونو بخير
بطلب من أخواتي للعجينة المورقة التي أعتمدها في وصفاتي .... هأنا ألبي طلبكن و أسمحولي على التأخير حبيباتي خاصة أختي sabouha 14 و عزيزتي لمسة حنية لأنو معنديش الوقت مع الأولاد و مشاغل البيت و الحمد لله على كل حال
طبعا هذه الوصفة للأمانة هي وصفة ياراسمين 26 جزاها الله كل خير و ربي يعطيها ماتتمنى و كانت حطت الوصفة شرح فقط بدون صور ولكن كاين أخوات مافهموش عليها
فأنا عملتها و صورتها و جبتهالكم باش تستفادو كيما إستفدت أنا و أصبحت عندي وصفة أساسية مانبدلهاش أبدا أبدا أبدا لروعتها
المقادير دائما نعمل بنصف الكمية لأنها حطت مقادير كبيرة 1.500 كغ من الفرينة
750غ فرينة مغربلة
نصف كاس زيت عادي
عصير نصف حبة ليمون و هذا السر1
ملح .. أنا زدت ملعقة قهوة سكر للبنة أكثر
ماء للعجن في الشتاء من الحنفية و في الصيف من الثلاجة
375 غ زبدة التوريق بحرارة الغرفة
الشرح مع الصور إنتباه ههههههه
ضعي في قصعة أو وعاء كبير الفرينة ... أعملي حفرة و حطي فيها الزيت


عصيرالليمون

الملح


خلطي ثم أضيفي الماء تدريجيا حتى الحصول على عجين طري متماسك جدا باش ميغلبكش ممبعد
كوريه و ضعيه في كيس و خليه في الثلاجة يرتاح






نجو للزبدة الحق أنا درت غير 350 غ دريها في يدك و عبزيها و أخدميها و أقلبيها في يديك مدة 2 إلى 3 دقائق حتى تشوفيها بياضت و هذا هو السر رقم 2




ماتخفيش راهي ماتلصقش أفضل من أنك تخدميها في وعاء رايحة تلصقلك فيه و تغلبك باش تلميها

دريها داخل كيس نظيف و حليها على شكل مربع ثم خليها الثلاجة تبرد مليح ...لمدة مايهمش ممكن 20 دقيقة إلى 45 د




هنا جبدت العجين و رشيت فرينة ثم حليت العجينة على شكل مربع كبير ثم حطي المارغرين عكس المربع

أغلقي العجين على الزبدة مليح و ماتخليش الهواء الداخل ... ثم أقلبيها و أبداي تحلي شوفي


ههههههه هاذي يد أنس يحب يفسد



ثم طبقي على 3 كيما البورت فوي هكذا



هنا طبقت على 3 و ركزوا معايا مليح في هذه النقطة
كي تطبقي رايحا تتحصلي على مربع الجهة لي مقابلتك وحدة مسكرة و وحدة مفتوحة وين راهي يدي أوكي
نتي لازمك أدوري المربع نصف دائرة باش تولي الجهة لي مقابلاتك مفتوحين في 2 إن شاء الله فهمتو عليا شوفو الأسهم ثما لازم يكونو مفتوحين





عاودي حلي ثم طبقي على 3 كيما في الأول دريها في كيس و دخليها الثلاجة تريح






و هذه العملية تعاوديها مرتين يعني زيدي مرة خليها تريح و زيدي مرة و خلاص
طبعا دورتين في كل مرة يعني مرة فيها 2 خطرات و نتي طبقي أأوكي
في الأخير تتحصلي على أروع عجينة مورقة سهلة و جميلة تحمرلك وجهك و مستحيل يآمنوك بلي خدمتيها وحدك رايحين يكذبوك و يقولولك تاع مول الباتيسري ههههه

أقسميها على واش تحتاجي و غلفيها مليح و أوووووووب إلى المجمد








و هاذو بعض الأشياء كنت طيبت بيها من قبل
هذا كيش بالجبن الطري و الطون تعشينا بيه

و هذا ميلفاي كنت درتو موضوع من قبل


و هذه تارت بالتفاح كذلك محال تقولي مخدومة في الدار من بنة العجينة ممممم



شوفو لبنات مانزيدش نسمع بلي راكم تشرو فيها والله خدمتها ممتعة و سهلة و لي مافهمتش تقولي أنا تحت خدمتكم
دعوة خير ليا و لياراسمين
سلااااااام