لجوء الحوامل الى المشافي الخاصة

[jawada22]

السلام عليكم


اخواتي ما رايكم في ذهاب المراة الى المشافي الخاصة هل خوفا من عدم تلقي عناية جيدة نظرا لما نراه في المشافي العامة من اكتضاض و زحمة و عدم مبالات ام هناك اسباب اخرى

[jawada22]

علاش كل هذه المشاركات و مكانش حتى رد

[ibtihal18]

اهلا اخت جوادة
انا في رايي انو اغلب النساء يذهبن الى المشافي العمومية و من ثم ان كانت في حالة خطيرة او شافو نفسهم مش قادرين على الحالة تعها يوجهوها الى عيادة خاصة او ممكن يكون الاكتظاظ بزاف رح تتوجه بنفسها الى الخاص و طبعا العيادات الخاصة تكلفتها غالية و قلة قليلة من تردن التوجه اليها و من تستطعن دفع تكلفتها و لو كانت تكلفتها في متناول الجميع فالاغلبية ستتوجه نحوها و لكن كما يمكن للاخطاء و الكوارث ان تحدث في مستشفى عمومي قادرة تحدث في العيادة الخاصة و ايضا نجد ان الاطباء الموجودين في المستشفى العمومي هم الموجودين في العيادة الخاصة و في الاخير ربي سبحانو ديما في عون المراة الحامل و برحمة ربي راهي تنجب
شكرا

[jawada22]

انا معك في ما قلتيه بصح العمومي فيه اللامبالات بزاف و التفريط قليل وين تلقاي بنات او ولاد الفاميلية .. زيد ماتلقيش بلاصتك او المراة خارجة من غرفة الولادة يعطوها كرسي يقولولها استناي

[ibtihal18]

صح انا معاك في كلشي و هنا كل وحدة وزهرها فالسرفيس اللي تجي فيه و قليل اللي عندو الرحمة في قلبو و لكن حتى العيادات الخاصة ممكن تلقاي المعاملة السيئة .المهم ربي يقدرنا و فالاخير اللي يحسن التعامل معاك يدي اجر و اللي يسيء ليك قادرة دعوة من المراة النافس تخسرو
و مرات كي تسمع واش يديروه فالمرا تقولي نزيد بدراهمي ارحم ........وحدة قريبتي زيدوها سيزاريان خيطولها المصران مع الخياطة شهرين و هي فالقومة غير هذي تكفي
ربي يسترنا و يرحمنا نتوكلو عليه برك

[MOurad WOlverin]

العيادات الخاصة لن أقول لك حلا بل أقو ل أقل ضررا من العيادات العمومية فالعناية على الحوامل يستلزم الصبر و الثبات فأنا شخصيا أعرف إبنة جارنا عند خروجها من بطن امها قامت إحدى الممرضات بخلع ذراعها و الذي أدى لها إعاقة في مستوى الذراع الأيمن و الله حرام يجب أن يتحلوا كل عمال في القطاع الصحي بالقليل من الرحمة فهي أرواح ناس آمانة في أيديهم

[أبو معاذ محمد رضا]

من كان لديه سعة في المال فليأخذ زوجته إلى عيادة خاصة لتجد الراحة ولا تتعرض للإهانة وربما الضرب كما هو حاصل أما من ضاق عليه الأمر فلا حل إلا المستشفى العمومي رغم ما فيه من عيوب.

[عثمان الجزائري.]

و قد تكون أسباب أخرى مثل ما فعل أخي قال لي أنه من الممكن أن يقوم رجل بتوليد زوجته فأخذها لعيادة خاصة أين يضمن أن من تقوم بتوليدها هي إمرأة...

[jawada22]

انا زوجي خدام بالشهرية والله العظيم عملت عمليتين عند الخاص مكلفتين وما بغاش يديني للعام . يطولو بزاف و يدوك و يردوك عشرات المرات و في الاخير تستنى دورك ..مالغري اللي دارلي العمليتين يخدم في المشفى العام.. اما الخاص مالقيت فيه غير المعاملة الحسنة لان دراهم الزبون يخدمو عليه كما نقولو يباتو معاك..في العملية الاولى بايتة نتوجع و هذاك الممرض ماشي جاي علي حتى للصباح يعطيني في الدواء .و المرة الثانية ايضا ما حسيت بالوجع لان الممرضة ماخلتش علي بالدواء..

وهذا المرة طلبولي سيزاريان و راني خايفة 6 او7ملايين بزاف وانا ما عندي لا دار لا تسع تقول نزيدها في روحي و نستحمل كل تلك المعاملات لكن ؟؟مانيش عارفة ..بلادنا زينا و شابة الحمد لله و خصروها اللي ما يخافوش ربي..كلش راه بالبيسطو و المعرفة ولا الدراهم

[أم عبد الرحيم يوسف]

شكرا على طرح الموضوع لأنه فعلا ولات ظاهرة أنا في راي كاين سببين أولا كاين ناس حاطينها بريستيج وبلي عيب يولدوا في مستشفى عام وكاين ناس وهوما الفئة الكبرى محتم عليهم يروحوا للخواص لأنه الشيء لييحدث في المستشفيات العامة من تفريط وسوء معاملة وقلة دواء تقول الوحدة نمد دم قلبي ومانولدش في هاكا حالة
على العموم لي يصرا في مستشفياتنا راجع لضمير كل قابلة أنا ولدي الاول حاوزتني القابلة في الليل وشتاء وتنقلت لمستشفى خاص يبعد 40كلم والسبب لازم نصبر حتى يطلع النهار ونجي علاه جيت في الليل القابلة تاع الخاص قاتلي ربي سترك انت وولدك وطفلي الثاني زيدتوا في مستشفى عام ربي كان معايا المعاملة ماشاء الله وخاصة كي كنت صابرة لكن المشكل زيدت بالجمعة والدواء لي لازم يديروهولي ماكانش الطبيبة تخرجوا ربي لي ستر طحت في قابلة عندها خبرة
لوكان كاينة رقابة على مستشفياتنا العامة ماكانت هذي حالتنا ربي يسلك كل وحدة على خير

[طيور الجنان]

موضوع قيم فقد اصبح ظاهرة سائدة.
اختي ماكانش وحدة تحب تخسر الدراهم في الباطل لكن لما تروحي لمستشفى عمومي تلقاي اللامبالاة ماعندك ماتشوفي الا اذا كانت عندك معريفة صحيحة باه يقومو بيك.والا تعاملين حاشاك كالحيوان.
انا شخصيا صراتلي كلما نروح يقولولي مازال مازال و الطبيبة تاعي تقولي راهو فات الوقت فاضطررت الى الذهاب الى المستشفى الخاص و ووجدت احسن معاملة طبعا كلشي بحقو الضحكة اللي يضحكوها معاك و خالصين عليها.
انشالله تتسقم مستشفياتنا و نروحوكامل ليها.

[jawada22]

شكرا على التفاعل والله نحن نعيش ازمة حقيقية و الله يجيب الخير ربي يكون معانا ضد الناس اللي بقات ما ترحمش

[غربة أهل السنّة]

وعليكم السّلام ورحمة الله وبركاته
شكرا على هذا الطّرح أختي،،
تستطيع أيّ أمّ تحمل عدم العناية في المشافي الأخرى
لكن مع انتشار اختطاف الأطفال حديثي الولادة يفضّل الذّهاب للمشافي الخاصة حتى تكون العناية مشدّدة
والله أعلم

[رَكان]

المشاركة الأصلية كتبت بواسطة ibtihal18

و ايضا نجد ان الاطباء الموجودين في المستشفى العمومي هم الموجودين في العيادة الخاصةا

صحيح ولكنك تجدينهم بعقلية أخرى ..

[أبو معاذ محمد رضا]

ألا تلاحظون أن الطبقية تكرس يوما بعد آخر في مجتمعنا؟
المستشفى العمومي تقابله المصحات الخاصة
المدرسة العامة تقابلها المدارس الخاصة
المكتبات العامة تقابلها المكتبة الخاصة TECNO
........