المدرسة التطبيقية للهندسة بجاية دفعة ماي 2015

[سطايفي19]

السلام عليكم انا من ولاية سطيف وانوي انشاء الله الذهاب الى المدرسة التطبيقية للهندسة بجاية وكل من ينوي الذهاب يتفاعل معنا من فضلكم
مدرسة جد رائعة سواء في المعاملة او الاكل والاجواء ايضا هناك جد رائعة زيادة على المناظر ولا ننسى الفائض الهائل التي تعرفه هذه المدرسة فتفضلو بردودكم وتفاعلكم

[seif algeriano]

بالتوفيق للجميع

[محفوظ البسكري]

تحوس تروح


روح للحراش او الاغواط

[hichemdja]

راني كنت لتم في المدرة التطبيقية للهندسة تاع بجاية
و كارثة من ناحية الحقرة و الميزيرية
ولد فلان و فلان لي عندو لكتاف يروح لدارو و مهني و عمبالو بلي يقدر يروح و لي ما عندوش يعقب معايا لي بالنظارات و رجليه pla
و عقب معايا و الله كارثة

[imad20]

بالعكس ، كيما قال hichemdja الظروف سيئة جدا
تقول حبس ، كلش ممنوع .. ما عدا الموقع الجغرافي الجميل
(نهدر على فترة الإنتقاء منعرف إذا تتبدل العقلية مباعد ولا لا )

للأسف سأعود إليها مرغما في الدفعة القادمة خاطر خرجت منها بتأجيل طبي بدون أي سبب أو ملف !!

[سطايفي19]

المشاركة الأصلية كتبت بواسطة imad20

بالعكس ، كيما قال hichemdja الظروف سيئة جدا
تقول حبس ، كلش ممنوع .. ما عدا الموقع الجغرافي الجميل
(نهدر على فترة الإنتقاء منعرف إذا تتبدل العقلية مباعد ولا لا )

للأسف سأعود إليها مرغما في الدفعة القادمة خاطر خرجت منها بتأجيل طبي بدون أي سبب أو ملف !!

انا ايضا يا اخي خرجت منها بسبب طبي دفعة سبتمبر الماضي والطبيب مشافش لينا خلاص لكن راني حاب نولي ليها نشاء الله في ماي وربي يجيب لخير نشاء الله

[nabilos09]

المشاركة الأصلية كتبت بواسطة imad20

بالعكس ، كيما قال hichemdja الظروف سيئة جدا
تقول حبس ، كلش ممنوع .. ما عدا الموقع الجغرافي الجميل
(نهدر على فترة الإنتقاء منعرف إذا تتبدل العقلية مباعد ولا لا )

للأسف سأعود إليها مرغما في الدفعة القادمة خاطر خرجت منها بتأجيل طبي بدون أي سبب أو ملف !!

خويا راني عقبت فيها ستاج تاعي و نفولك بلي يعد فترة الانتقاء كلش يتبدل
التليفونات يرجعوهم للناس لي حكموهم بالطبع بعد خروج الفائض و يطبقوا نظام مليح تا النظافة و النظام و الأكل المهم رحمة ربي و تلاقينا ناس فوتو في مدارس اخرى عرفنا بلي بجاية 5 نجوم الحمد لله فوتناها
الضروف صعيبة في فترة الانتقاء الصبر فقط لي حرج فائض يحمد ربي و لي حكموه يصبر لأنو كلش يتحسن بعد خروج الفائض و ربي يوفقكم ان شاء الله

[khossy07]

ربي يعاونك و يقدر الخير

[imad20]

سطايفي19

رانا نفس الوضعية بصح أنا ما دفعت دوسي ما ديكلاريت بمرض ، الطبيب من سي راسو دارني سورسي ميديكال !! ...
نورمالمون يقلبونا لثمة في ماي الجاي .. ان شاء الله يكونوا عند كلمتهم ويعطيونا الورقة باسكو وعدونا

6 شهر راحت هكذاك

[سطايفي19]

المشاركة الأصلية كتبت بواسطة imad20

سطايفي19

رانا نفس الوضعية بصح أنا ما دفعت دوسي ما ديكلاريت بمرض ، الطبيب من سي راسو دارني سورسي ميديكال !! ...
نورمالمون يقلبونا لثمة في ماي الجاي .. ان شاء الله يكونوا عند كلمتهم ويعطيونا الورقة باسكو وعدونا

6 شهر راحت هكذاك

علا حساب الوعد والحليف لي حلفوه لكولونيل لتما قبل مانخرجو نورمالمو نشاء الله يكونو عند كلمتهم وربي يستر انا الوحيد الكتزوج في تلك الدفعة لي خرجت سورسي من بين كل الدين خرجو اعفاء بدون ان يفحصني الطبيب او يشوف دوسي تاعي

[imad20]

سطايفي19

ههههه صاي شفيت عليك كي قتلي أنا المتزوج الوحيد ، رانا روحنا كيفكيف ، انا من العلمة
روّح معانا هذاك تاع عين ولمان

المهم هوما صح أعطاونا الكلمة بصح مكانش لامان ، حبو يكالميونا برك
الصح كامل راهو مع الطبيب ..

ربي يجيب الخير ، انت من ضك ريغل الدوسي تاعك وشوف معارفك وعلى ربّي

[سطايفي19]

المشاركة الأصلية كتبت بواسطة imad20

سطايفي19

ههههه صاي شفيت عليك كي قتلي أنا المتزوج الوحيد ، رانا روحنا كيفكيف ، انا من العلمة
روّح معانا هذاك تاع عين ولمان

المهم هوما صح أعطاونا الكلمة بصح مكانش لامان ، حبو يكالميونا برك
الصح كامل راهو مع الطبيب ..

ربي يجيب الخير ، انت من ضك ريغل الدوسي تاعك وشوف معارفك وعلى ربّي

خلاص شفيت عليك خويا نشاء الله ربي يجيب لخير هده هي بلاد العدالة نايمة ولحقرة قايمة

[imad20]

وكيلهم ربي هذا ما كان

الملتقى ان شاء الله في ماي وبيناتنا هذ الموضوع ، راهو عندي النومرو تاع الولماني هذاك ساعة ساعة نهدر معاه
ان شاء الله نتلاقاو لجماعة اللي كيفنا ثمة ونديرولهم تكتّل وجمعية

[Recteur31]

ربي يوفقك خويا انا راح ندخل في بوسعادة في دفعة ماي

[سطايفي19]

..............