الطريقة التقليدية في تحضير البقلاوة
مكونات العجين :
4 كيلات فرينة ، 1 كيلة سمن ، قرصة ملح ، ماء
مكونات الحشو :
3 كيسان لوز مرحي ، 1 كيلة سكر ، قرفة ، ماء زهر
مكونات العسيلة :
3 عبار سكر ، 3 عبار ماء ، قارص
طريقة العسيلة :
ضعي في قدر السكر و نقصي عليه النار و حركيه مرة على مرة بملعقة خشبية حتى يتتبدل لونه الى ذهبي بصح بلاكي يتحرق ثم اضيفي نفس الكمية ماء بارد و نص ليمونة و زيديلوا النار حتان يغلي و من بعد نقصيها و خليه يعقد
طريقة الحشو :
في اناء ضعي اللوز و السكر و القرفة و خلطيهم مليح و ما تزيديش الماء الزهر من الأول زيديه بعدما تحطي الحشو في العجينة رشنيه بالماء الزهر باه يجيك ساهل
طريقة العجينة :
في اناء ضعي الفرينة و الملح و السمن و بسيها مليح و من بعد زيدي الماء بالتدريج حتان تتلم العجينة و تكون طرية حطيها في كيس بلاستيك و ابدئي العمل
1- قطعي العجينة الى كرات ( العدد حسب ما تحبي تكون عندك طبقات )
2- جيبي الحلال و آلة البقلاوة خذي قطعة من العجينة و حلها بالحلال و من بعد فوتيها في الآلة في رقم 2 ثم رقم 5 ثم 9 لازم تكون رقيقة بزاف باش ماتجيكش معجنة .
3- ستفي الطبقات في الصينية و ادهني بين كل طبقة و طبقة بالسمن مليح و كي تكملي 7 طبقات فرغي الحشو و ما تنسايش ماء الزهر و من زيدي 5 طبقات و ادهنيها بالسمن و قطعيها بالمول تاع البقلاوة و ديري في كل قطعة حبة لوز و طيبيها
4- كي توجد فرغي عليها العسيلة اللي وجدتيها من قبل و تكون باردة و البقلاوة سخونة
انا شخصيا اعتمد هاته الطريقة و تجيني ناجحة 100/100 و ان شاء تعجبك
( تقرير عن مشاركة سيئة )، و الموجودة أسفل كل مشاركة .
2010-05-20, 14:41
كيفية تحضير البقلاوة
العرض العادي
