أختي تبلغ من العمر 13 سنة مصابة بمتلازمة داون

[Amel Mechaala]

أختي تبلغ من العمر 13 سنة مصابة بمتلازمة داون بمعنى منغوليا هي فايقة بزاف و تعرف كلش و هذا كل من صغرها تفرج قناة نسمة ما تحبش الرسوم المتحركة كانت تخرج تلعب مي الصغرا ديما يحقروها و يضربوها ولينا ما نخليوهاش تخرج و هي بدات تلعب لعبة تا الديار وحدها حكمت فيها ولات طول تقعد وحدها تضحك وحدها يعني تتيخل بزاف عباد في راسها مالوحدة بزاف بقات كيما هك طول نولهوها ماشي مليح ما تهدريش وحدك ,,, كيما درنا ما نفعش عييت و نا نشوفها منعزلة علينا انصحوني كيفاه ندير تعيشو

[فتيحة0411]

حاولو تلعبو معاها ديار
شوفو الاشياء والالعاب لي تبغيها وشاركوها فيها
تفاهمي مع أهلك، كل واحد فيكم يخصص وقت من يومه يقعد يلعب معاها
ما تزعفوش عليها، حاولو تتفهموها وتصبرو معاها وربي يجازيكم، لانو التعامل معاها مشي سهل
ولو في الامكان تستعينو بمتخصص فهو أفضل
ربي يوفقك ويجازيك لانك تخممي على اختك

[بـــيِسَة]

زرتو أخصآئي نفسآني ؟
أديتوهآ للروضة ؟
أقلمتوهآ مع الي كيمآ هي ؟

ديروا هادو و مبعد ربي يفرج

[fatijijel]

حسب رأيي اختك لازمها عناية خاصة و اهتمام زائد شوية من الأحسن تشوفو أخصاىيين نفسيين او تدخلوها لمركز مختص لحالتها.* تقبلوا مروري

[saidikhaled050]

بوركت وأحسنت على هذا النقل ...

موضوع قيم وحساس .. نسأل الله أن يحفظ بناتنا وبنات المسلمين ..
وأن ينبتهن المنبت الطيب.. ويحصن قلوبهن من فتن هذا الزمن .

[angetdi]

يارب استرنا فوق الارض وتحت الأرض