مساعدة حول كيفية تحويل معلم من ولاية الى ولاية اخرى

[سدرةالمنتهى]

السلام عليكم رمضانكم كريم

ارجو المساعدة م انا استاذة مدرسة ابتدائية مرسمة تزوجت في ولاية خارج ولايتي اريد منكم الاجراءات الاولية التي يتم بها التحويل من مكان عملي الى ولاية مكان زوجي ارجو منكم الرد وعدم تجاهل موضوعي

[mouna tajori]

ديري طلب خروج من الولايه الى ولايه اخرى مع ذكر اسم الولايه مديه للمدير والمدير يمدو للمفتش الاداري يطلعو للمديريه في ظرف 15 يوم راح يجيك الرد بورقه فيها قبول بالخروج المؤقت هزيه ديري نسخه و طلعيه بيدك للمدريه تاع الولايه لي حابه تروحيها واستناي مده راح يقولولك وكتاه ترجعي يمدولك بدورهم ورقه فيها قبول بالدخول المؤقت تهزيها وترجعيها لمديريه للولايه لي تخدمي فيها راح يلمو طلبات تاع ناس لي حابين يبدلو اذا راح تبدلي هاد الوقت قبل الدخول المدرسي الجاي يمدولك خروج نهائي وتديه للولايه الاخرى للمديريه راح بدورهم يمدولك دخول نهائي و يعينوك فمدرسه فلولايه لي حابه تروحيها

[سدرةالمنتهى]

شكراااااااااااااا اختي فرحتيني بردك و طريقة شرحك

[الباحث السعيد]

بالتوفيق ان شاء الله

[SaBriNa DZ]

انا درت طلب خروج ولائي مؤقت في افريل و الان رانا في جوان و لا رد من المديرية
كيف الحل؟ نطلع للمديرية نسقسي ولا كيفاه؟فهموني
انا تاني نفس المشكل متل الاخت

[الحاج محمد]

ما هذه التعابير .ديري- مديه- هناك قوانين واجراءات يجب على الموظف اتباعها في الدخول او الخروج من الولاية 1 طلب+قرار الترسيم يبعث الى المديرية عن طريق لسلم الاداري وهذا قبل شهر مارس علما بان رخصة الدخول الى الولاية هي الاصعب