لا اريد صدمكم لكن هذه حقيقة الطبيب

طامح الى العلى · 2015-07-19, 20:57

السلام عليكم اخوتي اولا انا تحصلت العام لي فات لى بكالوريا بمعدل 13 ودرت ممرض و عام السنا جبت معدل 16 و ماراحش ندير طب قد تنصدمون لكن تابع فقط
بما انني جوزت ستاج فالمستشفى حبيت نفيدكم شوي نقدر نقوللكم بلي 99/100 من الاطباء العامين الجزائريين كارهين حياتهم لماذا لانوا لي دير طبيب فقط على جال الاسم و عنبالو يولي يمشي فوق طابي احمر يلكن يجد العكس اهانات شتائم اعتداءات ضرب مناوبات ليلية خطيرة من طرف المواطنين الغاضبين + لا يجد التقدير الذي يبحث عنه كل سنة يتخرج 5000 خلاص اصبحوا عذرا على التعبير يتلاوحوا هاذيك بكري كانت الناس مش قارية كان اللي يخدم فالبلدية يخلعهم ايا كي مايلقاوش وش كانو يستناو يصابو بخيبت امل و الشئ اللي الوحيد اللي يخليهم يكملوا راح
ماتقوليش خدمة انسانية حتى المنظف راه يدير في خدمة انسانية اخي
اخي مستعد تضيع 7 سنين محياتك وسط الكتب تحفظ كل عظمة و كل عرق و كل شعرة على حدي و في الاخير ممرض يخلص 4.2 مليون في 3 سنوات و الطبيب 5.2 مليون في7 سنوات اذا لقى خدمى و الله غي كاين عشرات الاطباء راهم في مكاتب قبل التشغيل و العيادات خلاص اكتفاو و زيد الخدمة الاجبارية 4 سنين و 3 سنين فالصحراء و زيد الخدمة الوطنية و الله غي كن تكون مشلول تجوزهم و زيد اللي يقول نجوز ريزيدانا علابالك بلي جامعة البليدة العام لي فات فتحت 3 مناصب طب اطفال فقططط نعم
امالا نصيحة اذاتديروها تحملو مسؤوليتك و تنتاظروش الطريق يكون مفروش بالورد سلام
ملاحظة
كرهت هاذ الميدان تع الصحة الله يقدر صحابوا

albert walid · 2015-07-19, 21:01

انت بلاك راك درت ستاج غي بسبيطار روح دير ستاج بالبلدية وزيد ستاج باتصالات الجزائر ودير ستاج بالتدريس ودير ستاج يالعسكر ودير ستاج بالادارات
كل واحد فيهم عندو همو ومشاكلو خلال كل ستاجات تلقاالشعب الي ميحترمش الموضفين بحكم ضغوطات عليه وقلت الشئ والمعرفة الي اصبحت كالفيروسات منتشرة
واش يجيك مريض ويخليوه باقي في غرفت الاستعجالات وش تحبه يجي يشكرك اقل شئ تصرا فوضة وهاذي مشي مشكلة الاطباء بل مشكلة الادارة والدولة الجزائرية الي مخلية الوضع يتعفن ويزيد
كين الي راه عندهم نية طيبة باش يدرسو الطب لهاذا اذا متحبهاش انت لا تنفر ناس منها

طامح الى العلى · 2015-07-19, 21:05

يا اخي حتى انا مهدرتش قبل التسجيلات لكن شفت الكثيلر يسال مدير راي شخص فالميدان باه نهني ضميري و الناس ما تنخدعش بالواقع المرير من الافضل اصحاب المجال يشاركونا

sihem17 · 2015-07-19, 21:09

لو سمحت اخي ماذا ستختار هذه السنة؟

مريم عادل · 2015-07-19, 21:15

المهم ميدان الصحه راه في ضياع كبير وراتب الدكاتره في القطاع الصحي ضعيف حقا انا اختي يوم العيد وفالنهار دارت مناوبه يعني مزوجتش العيد مع اسرتها كيما الناس لكن المهم انها احبت المجال باش قدرت تتحمل وتضحي لكن الميدان من سيء لاسوء خاصه من حيث النظافه

طامح الى العلى · 2015-07-19, 21:16

كاين عدة تخصصات ممتازة
مدارس عليا للاساتذة عمل مضمون محيط ممتاز للنساء عمل مريح
الكترونيك بومرداس التكوين بالانجليزية
محروقات و نحن بلاد نفطي
مدارس تحضيرية هب الوحيدة التي تتخرج بها برتبت مهندس دولة
اعلام الي و هو تحصص العصر
مدرسة عليا للهندسة المعمارية ابداع و نحن بلاد عبارة عن ورشة مفتوحة للبناء
حتي الصيدلة مجال للاختراع في المجال الدوائي
طب الاسنان تدخل اصلا في التخصص من السنة الثانية فرص العمل هائلة
حتى الطب تخصص مليح للي يصبر

~طَـــمُـــوحْ~ · 2015-07-19, 21:18

كلامك فيه كثير من الصواب ..اشاطرك الراي ...لكنني لا الوم من اختاره لان له حلم يسعى اليه

رشفة كوثر · 2015-07-19, 21:19

اقتباس:

المشاركة الأصلية كتبت بواسطة طامح الى العلى

السلام عليكم اخوتي اولا انا تحصلت العام لي فات لى بكالوريا بمعدل 13 ودرت ممرض و عام السنا جبت معدل 16 و ماراحش ندير طب قد تنصدمون لكن تابع فقط
بما انني جوزت ستاج فالمستشفى حبيت نفيدكم شوي نقدر نقوللكم بلي 99/100 من الاطباء العامين الجزائريين كارهين حياتهم لماذا لانوا لي دير طبيب فقط على جال الاسم و عنبالو يولي يمشي فوق طابي احمر يلكن يجد العكس اهانات شتائم اعتداءات ضرب مناوبات ليلية خطيرة من طرف المواطنين الغاضبين + لا يجد التقدير الذي يبحث عنه كل سنة يتخرج 5000 خلاص اصبحوا عذرا على التعبير يتلاوحوا هاذيك بكري كانت الناس مش قارية كان اللي يخدم فالبلدية يخلعهم ايا كي مايلقاوش وش كانو يستناو يصابو بخيبت امل و الشئ اللي الوحيد اللي يخليهم يكملوا راح
ماتقوليش خدمة انسانية حتى المنظف راه يدير في خدمة انسانية اخي
اخي مستعد تضيع 7 سنين محياتك وسط الكتب تحفظ كل عظمة و كل عرق و كل شعرة على حدي و في الاخير ممرض يخلص 4.2 مليون في 3 سنوات و الطبيب 5.2 مليون في7 سنوات اذا لقى خدمى و الله غي كاين عشرات الاطباء راهم في مكاتب قبل التشغيل و العيادات خلاص اكتفاو و زيد الخدمة الاجبارية 4 سنين و 3 سنين فالصحراء و زيد الخدمة الوطنية و الله غي كن تكون مشلول تجوزهم و زيد اللي يقول نجوز ريزيدانا علابالك بلي جامعة البليدة العام لي فات فتحت 3 مناصب طب اطفال فقططط نعم
امالا نصيحة اذاتديروها تحملو مسؤوليتك و تنتاظروش الطريق يكون مفروش بالورد سلام
ملاحظة
كرهت هاذ الميدان تع الصحة الله يقدر صحابوا

هل ممكن أن تخبرنا عن تجربتك في اعادة لباكالوريا وكيف نظمت وقتك
ووافقت بين التمريض والدراسة

طامح الى العلى · 2015-07-19, 21:21

اقتباس:

المشاركة الأصلية كتبت بواسطة مريم عادل

المهم ميدان الصحه راه في ضياع كبير وراتب الدكاتره في القطاع الصحي ضعيف حقا انا اختي يوم العيد وفالنهار دارت مناوبه يعني مزوجتش العيد مع اسرتها كيما الناس لكن المهم انها احبت المجال باش قدرت تتحمل وتضحي لكن الميدان من سيء لاسوء خاصه من حيث النظافه

النظافة حدث و لا حرج مش مرة و مش زوج القطط اكرمكم الله يشوهو الرضع حديثي الولادة
سياسة البريكولاج جد متفشية مرات طبيبات يجهشن بالبكاء و هن عاجزات عن فعل اي شئ الادوية غير متوفرة حتى المطارح مكانش تجد 4 مرضى في سرير الطبيب يصبح عندها عامل نظافة و عون امن و كل شئ اغلب الاطباء و الممرضين يتعاطون حبوب مهداة هذا هو الجانب المضلم اللهم اشهد اني بلغت اللهم اشهد اني بلغت

nacerd09 · 2015-07-19, 21:21

عندك الحق في واش قلت كاين بزاف لي كارهين حياتهم بصح واش تحب خدمة وخلاص انا سنة سادسة طب و شفت واش شفت انت ودخلت الطب و انا مانيش نحوس عليها لكن الحمدلله و عسى ان تكرهوا شئا و هو خير لكم انا عن نفسي لم اندم شكرا على الطرح

طامح الى العلى · 2015-07-19, 21:22

من يسال عن كيفية تنظيمي للوقت بعد ايام سافتح موضووع شااامل

طامح الى العلى · 2015-07-19, 21:25

اقتباس:

المشاركة الأصلية كتبت بواسطة nacerd09

عندك الحق في واش قلت كاين بزاف لي كارهين حياتهم بصح واش تحب خدمة وخلاص انا سنة سادسة طب و شفت واش شفت انت ودخلت الطب و انا مانيش نحوس عليها لكن الحمدلله و عسى ان تكرهوا شئا و هو خير لكم انا عن نفسي لم اندم شكرا على الطرح

احتراماتي اخي احنا مانقولولهم ما تديروهاش لكن يجب ان يعلموا الى اين هم ذاهبون حتى يتهيؤو نفسيا واللي كون عارف تجيه الصدمة اقل اخي هاذا هو هدفي مش باه نفشلهم

رشفة كوثر · 2015-07-19, 21:27

اقتباس:

المشاركة الأصلية كتبت بواسطة طامح الى العلى

من يسال عن كيفية تنظيمي للوقت بعد ايام سافتح موضووع شااامل

نحن في الانتظار

مريم عادل · 2015-07-19, 21:29

هدا كامل شفتو لاني دائما في المستشفى والعجيب الغريب كيفاش المريض ليوم مليح معاك مره اخرى يبدى يقطع فيك برك لانه تاخرت اعليه لانك مع مريض اخر او ماحبيتش تكتبله الدوا لقريبه يبقا يسب ويعاير فالاطباء مره صرات دبزا قدامي بين طبيب ومريض والله غير تحير في دي البلاد حاسبين الاطباء الة ولا مش انسان

nacerd09 · 2015-07-19, 21:31

اقتباس:

المشاركة الأصلية كتبت بواسطة طامح الى العلى

احتراماتي اخي احنا مانقولولهم ما تديروهاش لكن يجب ان يعلموا الى اين هم ذاهبون حتى يتهيؤو نفسيا واللي كون عارف تجيه الصدمة اقل اخي هاذا هو هدفي مش باه نفشلهم

merciiii bcp