أمهات العسكريين

[قرويجة]

السلام عليكم
هذي خاطرة من أم عسكري نقلتها من يوتوب أتمنى أن تعجبكم
أنا قاستني بزاف بزاف

طروقا مومو عينا راح قاج وبعد عليا عيطلو صاحبو وليد في رضان و الحال بعيد
قالي لميما أدعيلي لعل ربي يراعيلي ونعدي التدراب بخير
ركب مع طلوع لفجر وخل لميمة فالدار أتخمم و القلب حزين
كي دخل نحاولو البورتابل و العيطة لله الغالب
عطاولو الكومبا و الرونجاس وقالولو متخممش خلاص
قالول كمل تدرابك وتروح لأهلك وحبابك
عيطلي في التلفون وقالي لميمة راني سنيت و بسبعة كتبت و كاشيت
طاحتو دمعاتي وبكيت و قلتلو ياحناني أصبر
هذي خبزة نداتك قدرة و مكاتيب داتكولو طالت ليام تروح
راه طارق فالغرب بعيد و لميمة تخمم و تزيد تقول مجاش نهار العيد والاستقبال يكون مشوق
عيطلي نهار الإثنين وصوتو تاعب مسكين
قالي لميمة لا طلي عليا و البوتس حرقلي رجليا و الكومبا ماخرجتش عليا
قلتلو ياحناني أهدى و فراقك أمرجني لهدى و الوحش حرقلي جواجيا
بايت مريضة في حالة و الكبدة تبكي قلقانة و نخمم و الخاطر حزين
روحلي طارق لعزيز
قلتلو نطلب من ربي وليداتي ينجيكم لعل الزمن يلقينا و تظلو عندي و بين إديا