ما الفرق بين l'éxtraction chirurgical و l'éxtraction simple

[amialamia]

السلام عليكم و رحمة الله و بركاته
عيدكم مبارك و كل عام وانتم الى الله اقرب
سؤالي هو : ما الفرق بين l'éxtraction chirurgical و l'éxtraction simple بصفة خاصة
الشكر المسبق لكم عامة و للاخت زهرة جوري خاصة
******تحياتي******

[زهرة جوري]

و عليكم السلام عزيزتي
عيدك مبارك عساكي من عواده
العفو فهذا واجبي
بالنسبة لسؤالك :
L'extraction simple : هو نزع الضرس أو السن من مكانه بمعنى في الدارجة يعني تنحي الضرسة و لا السنة بالادوات العادية تاع الطبيب يعني تكون السنة هذيك و لا الضرسة ماش معوجة و مش مغطية بللثة و الجذر تاعها مش أعوج و ما تكونش فيها كاش مرض و لا عاهة. في هذا النوع نحيوها عادي بلا ما نديرو حتى عملية
L'extraction chirurgicale : معناه نحيو السنة او الضرسة لكن مانقدروش نحيوها بدون عملية لانو الحالة تتطلب ذلك بحيث انو هذاك السن يكون كاين فيه مشكل يعني يكون معوج و لا يكون مغطي باللثة و قادر حتى يكون مدفون في العظم و لا يكون فيه كاش مشكل مثلا تكون فراجيل بزاااف. هذه الطريقة نستعملوه بكثرة لضروس العقل
ان شاء الله تكوني فهمتي حاولت نشرحلك بالدارجة

[amialamia]

مبارك الله فيك
* وفي حالة خلعنا un dent de lait لكنه انكسر و بقي اجزاء صغيرة في اللثة و لم ننتبه لهدا ثم تظهر la dent définitive بشكل كلي فوقه
السؤال : ما اسوء شيئ يحدت بغض النظر عن تشوه la dent définitive و ما الحل هنا
مشكوووووووووووووووووووووووووووووووووووووووووورة

[زهرة جوري]

المشاركة الأصلية كتبت بواسطة amialamia

مبارك الله فيك
* وفي حالة خلعنا un dent de lait لكنه انكسر و بقي اجزاء صغيرة في اللثة و لم ننتبه لهدا ثم تظهر la dent définitive بشكل كلي فوقه
السؤال : ما اسوء شيئ يحدت بغض النظر عن تشوه la dent définitive و ما الحل هنا
مشكوووووووووووووووووووووووووووووووووووووووووورة

اولا لازم تفهمي حاجة بلي السن الحليبي يدير تآكل تدريجي أوتوماتيكي في جذوره بسبب دفع الأسنان النهائية يعني مستحيل تقعد حتى حاجة من سنة الحليب
ما تتشوهش la dent définitive الا اذا سن الحلب مبغاش يتحرك يعني يقعد طول كاين في الفم
يقعد هذاك البرعم تاع الاسنات النهائية تحتو و خلاص لانو تكون في هذه الحالة سنة الحليب قاوية على السنة النهائية
و حتى و قعد طرف ممكن يديرلو آلام قادر تكون خفيفة و ما يحس بيها الطفل لانها ما تكونش قوية لهذيك الدرجة
واذا مثلا نقولو حس بيها يكتشف ذلك جراح الاسنان من خلال راديو و يرجع ينحيلو هذا الطرف اللي قعد
لكن يبقى هذا الأمر شبه مستحيل لانو السن كيما قلتلك يدير تآكل أوتوماتيكي لجذوره يعني ما يقعد والو و مباعد تولي السنة تتحرك

[amialamia]

اختي الكريمة شفت هده الحالة في حياتي اليومية ياليت نقدر نصورك

[زهرة جوري]

يعني نفهم منك بلي الطبيب كي ينحي السنة تاع الحليب يخلي منها طراف
ما هذا هذا مش طبيب؟؟!!
هيه صوريلي بلاك راكي ماش عارفة تفهميني؟؟؟
حوسي في الانترنت و جيبيلي نشوف
باه نقدر نفهم و نفهمك ان شاء الله

[زهرة جوري]

يعجبني فضولك العلمي كثيرا
كيف أصبحت تفهمين و تعرفين هذه الأمور؟؟؟

[amialamia]

المشاركة الأصلية كتبت بواسطة زهرة جوري

يعني نفهم منك بلي الطبيب كي ينحي السنة تاع الحليب يخلي منها طراف
ما هذا هذا مش طبيب؟؟!!
هيه صوريلي بلاك راكي ماش عارفة تفهميني؟؟؟
حوسي في الانترنت و جيبيلي نشوف
باه نقدر نفهم و نفهمك ان شاء الله

قمت بألتقاط صورة من قلب الحدث ههههه"توسوسو مني" (اكديلي ع النظافة) للاسف مقدرتش نعرف ادا هدا في premières prémolaire او في deuxième prémolaire
المهم اردت ان الاصور الاشعه لكنها في عيادة الطبيب على حسب المعلومات المتوفرة لدي ان طبيب قام بخلع الضرس اللبني لكن بشكل غير كلي لسبب انكسار السن اتناء الخلع ولم يلاحظ المريض هدا الا بعد مدة اتمنى فقط تكون الصور واضحة
وعلى فكرة المريض اخد موعد لخلع السن اللبني في العيادة

[amialamia]

المشاركة الأصلية كتبت بواسطة زهرة جوري

يعجبني فضولك العلمي كثيرا
كيف أصبحت تفهمين و تعرفين هذه الأمور؟؟؟

شكرا اختي جراحة الاسنان شغفي ...
بدأت اتعلق بطب الاسنان في سن ال 12 سنه اعجبت بهدا المجال و اخدت بعبارة ان لامستحيل في العلم فاستغللت وقت فراغي بقراءة دروس جراحة الاسنان و اكتشف معلومات جديدة اخرها كان درس ال composite المقدم من طرفك واستمتع بها خصوصا هنا

[زهرة جوري]

المشاركة الأصلية كتبت بواسطة amialamia

قمت بألتقاط صورة من قلب الحدث ههههه"توسوسو مني" (اكديلي ع النظافة) للاسف مقدرتش نعرف ادا هدا في premières prémolaire او في deuxième prémolaire
المهم اردت ان الاصور الاشعه لكنها في عيادة الطبيب على حسب المعلومات المتوفرة لدي ان طبيب قام بخلع الضرس اللبني لكن بشكل غير كلي لسبب انكسار السن اتناء الخلع ولم يلاحظ المريض هدا الا بعد مدة اتمنى فقط تكون الصور واضحة
وعلى فكرة المريض اخد موعد لخلع السن اللبني في العيادة

الآن راني فهمت كي شفت الصور
هذه ليست بقايا أسنان لبنية لكنها أسنان اضافية
وهذه الظاهرة تسمى في الطب الأسنان بhyperdentie
في هذه الظاهرة يكون عند المريض سن أو أسنان اضافية عدة تكون تشبه الى حد ما الاسنان الطبيعية
و هي تعتبر عاهة سنية بمعنى anomalie dentaire
يعتبر أمر وراثي في العائلة هل والديه كانوا عندهم الحالة هذه؟؟؟
iهل تؤلمه؟؟
نعم ينحيهالو الطبيب لانو ما عنده حتى معنى في العض و الأكل و حتى الابتسامة أصلا هي حاجة زايدة

[زهرة جوري]

المشاركة الأصلية كتبت بواسطة amialamia

شكرا اختي جراحة الاسنان شغفي ...
بدأت اتعلق بطب الاسنان في سن ال 12 سنه اعجبت بهدا المجال و اخدت بعبارة ان لامستحيل في العلم فاستغللت وقت فراغي بقراءة دروس جراحة الاسنان و اكتشف معلومات جديدة اخرها كان درس ال composite المقدم من طرفك واستمتع بها خصوصا هنا

يعطيك الصحة
أنصحك بالاطلاع على مواضيعي في قسم العلوم الطبية و كذا قسم الثقافة الصحية لتتعرفي اكثر على المجال
موفقة

[amialamia]

يقول المريض انها اسنان لبنية على حسب تشخيص الطبيب وبعد الاطلاع على الراديو
والداه لم يعانوا من هدا المشكل ابدا
يقول احيانا الام حفيفة وليست مزعجة
يتطلب هدا extraction simple ou chirurgical شكرا على المساعده الدائمة اختي اقل شيئ هو تقييمك

[زهرة جوري]

المشاركة الأصلية كتبت بواسطة amialamia

يقول المريض انها اسنان لبنية على حسب تشخيص الطبيب وبعد الاطلاع على الراديو
والداه لم يعانوا من هدا المشكل ابدا
يقول احيانا الام حفيفة وليست مزعجة
يتطلب هدا extraction simple ou chirurgical شكرا على المساعده الدائمة اختي اقل شيئ هو تقييمك

هذا أمر آخر لأن الراديو هو الذي يشخص الحالة هذه بالخصوص
لا يسبب ذلك آلام كبيرة كونها اسنان لبنية لانها تكون ضعيفة مقارنة مع النهائية
ذرك حسب الراديو باه يبان لكن عموما حسب ما راني نشوف قعد طرف صغير برك يعني extraction simple
لأنو extraction chirugicale يندار لحالات خاصة جدا يعني خاصة كي يكون السن مغطي باللثة و ما يبانش طول ثم لازم عملية صغيرة باه يحل اللثة و مباعد باه يقدر ينحي السن

[amialamia]

بمعنى قليل من l'anesthésie وا نتهى المشكل او يمكن الاستغناء عنها؟
سبحان الله حالة نادرة جدا لكنها موجودة
....ليتني اجد طريقة لشكرك...

[amialamia]

ا على فكرة مررت بموضوع من قبل (لا اتدكر اين) دكر فيه انه حدث تشابك بين جدور les dents molaires du 6 ans et du 12 و قاموا بعمل extraction chirurgical لخلع dent molaire (du 6 ans)
سوؤالي ما اسم هده الحاله....تشابك بين جدور....اتمنى تكوني فهمتيني