طريق الألف ميل يبدأ بخطوة واحدة

[أمجد الجلفـة]

لسلام عليكم ورحمة الله وبركاته
اخوتي منتسبي منتدى الجلفة والمهتمين بمولود الجديد
الذي يسعى الاخوة :
ayoooub
luop1980
said0326

على تطويره فتجب هنا مساعدة الاخوة بكامل
التأييد وان لا نحتقر البداية فما هي الا فترة ويصبح
الحلم حقيقة فدعونا نشارك جميعنا كل بما يعرفه ويملكه .
المهم ان يشعر الانسان انه مشارك في عمل مفيد ..
ادعوا ربي ان يوفقكم انشاءالله

[الأخ سعيد]

بارك الله فيك أخي صدارة على التشجيع
التحرر من البرامج الاحتكارية أصبح مسؤولية الجميع و نحن و ان كنا متأخرين كثيرا في هذا المجال مقارنة بالدول الاخرى فهذا لن يثني من عزمنا و سنصل غلى الغاية المنشودة بإذن الله...المسألة فقط مسألة ارادة ...و لله الحمد الجزائريون معروفون بأنهم ان ارادوا شيئا فسيصنعون المستحيل من أجله
و ان شاء الله سنثبت ذلك في القريب
تحياتي

[الـ^ـسَّــآآحِـ^ــرْ ،]

،حقا خطوة مهمة ،

،و أنا أؤيدها ،

،وسأدعمها بما أقدر ،

[bmlsy]

يا خويا بارك الله فيكم على كل حال هذا النظام الجديد را ه واجد ولا اتحوسو اتوجدوه من اجديد
على احساب ما راني فاهم راكم اتحوسو على الصورة الي اتجي في الواجهة عند انطلاق النظام
وزيد انتم راكم خالصين على هذا الخدمة وإلا عمل لله ربي
اذا كلن بلاش ويناه الي ما يحوسش اعليها
بارك الله فيكم
هل هناك منتديات اخرى راها قائمة بها ثاني في الجزائر ولا قا منتدى الجلفة
راك عارف احنا منا فاهمين والو ثبت النظام واخدم والسلام
نحكي لك مرة ثبتنا الويندوز وافرضت على اولادي باه ايديروا التحديثات الحاصول تبعثلي الويندوز
واش قال البرنامج انتاعك مسروق ماهوش مرخص
يالي يعطيكم مصيبة ان شاء الله انا شريت من السوق ب70 دينار واتقولي سرقته ما تحشمش الحاصول سبيتهم
قلتها لولادي قالو لي يا بابا لازمك تشريه امنين وبشحال قالولي يسقام لك وحد المليونين هاك ويعود رسمي ليك يالي بشرك بالخير منين اتجيني
قلتلهم والبراج الاخرى ثاني نشريها قالو لي انعم لا زمك تشريها
ضربت احساباتي نلقه الميكرو بالبرامج انتاعو يسقام لي وحد 30 مليون يا سيدي انا واش ازاني بطلت قع من الميكرو هذا
الحاصول بايت في حالة كيفاه العر والدول الا سلامية اقصد الناس الزوالية يتحرمو من استعما لات هذا الالة والتطور الي راه حاصل
دبروا اعلية الاولاد كي اقبيل يا بابا لازمك تعمل حيلة وحدة دير الوينداوز من اجديد ركب البرامج الي اتحوس اعليها وزيرهم بالديب افريز واضرب النح
قعدت انخمم ميكرو صوفت مهياش قادرة با تبعثلك فيروس الي كسر الديب افريز واتحبسلك قاع الخدمة انتاعك واتعاود من اجديد واتفورماتي ماهيش خدمة
هي راهي عارفة وضاربة النح شغل اتولف العرب غلى الوينداوز وكي تكثر الاستعمالات انتاعو في المصالح انتاع الدولة وعند الشعب والناس اتوالف به اخلاص
ذيك الساعة اتزيرهم والا اتنقص اعليه بعض الصوالح يولي الاكسبلورر مانيش قادر نفتح الباجة هذه ماروحش ما نخدمش شغل يتعيدس واحنا انولو حاصلين
يا لكسبلورر روح هاتنا الباجة الفلانية رانا محتاجينها يقول والو ما نتحركش اخلاص ثم الحرية انتعنا راحت
عندي الميكرو الساعة فيه ماهياش مع الوقت حبيت انريقلها اكليكيت اعليها خرجلي انذار من عند الوينداوز قال وش قال ما عندكش الحق باه اتريفل الساعة
خليتها كيما هي ماعندي ما نعملها
الحاصول نبينا وانصلو عليه
هذا النظام الي راهم ايقولو اعليه اولادنا بلاش خالص من عند الافريقي جنو يرحم واليه الناس الزوالية الي ماهيش لا حقة ما اعليهم غير اتبعوا هذا النظام مجبرين الله غالب حتى وناش عارفين كيفاه نستعملوه هاهم اولادنا يعيطوا كل يوم يالي ماكش فاهم ارواح سقسينا وانفهموك يكثر خيرهم على كل حال هم والنصارى الي راهم احذاهم يطورو في النظام هذاي باه يعود خير من الوينداوز والله واش راكم هكذا اتقولو
بصح باه اتقولي برمج واهدرللميكرو بالبسك والباسكال والهدرة انتاعو هذيك لا لا
ياخويا ما انوجعش لكم روسكم لاخر نتهناو من السيرمن السيريالات والنوامر هذيك كيجن وباتش وسارق وقالك راه احرام اسيدي العلماء يقولو
الي نوصيكم اعليها اخدموهنا زين في زين وبارك الله فيكم
اسمحولي ربما كثرت من الهدرة اعليكم راني مبعوج من الوينداوز حتى ومانيش عارف له هو ثاني يحسراه يا الدنيا واش فيه من عذاب الروجستري
الادمينيسراتور الهوت كي حصلة
يا خويا ربي يعاونكم ونشجعوكم على هذا العمل الي راه فيه فايدة لينا
كاين بعض من الناس تشتي اتصور بالفوتو شوب انقولهلكم اهنا ما يمشيش اخلاص اندب ولا حندب وانت واعلاه واش خاسر كاين برنامج واحداخر خوه في الماء
اتعلم له وافرات واتعود طاير به طير
الى اللقاء