استفسار حول استدعاء المعفين 2008/2009 - الصفحة 5

homiros · 2011-10-21, 09:45

لماذا هذا السكوت في هذه الصفحة وقيلا قاع اللي راحو اداوهم و مرجعوش باش يحكيولنا واش صار معاهم

ingeln · 2011-10-21, 11:08

سلام
شوفو يا خوتي انا كي شفت جميع التعليقات فهمت واش راهو صاير انا أظن بلي كي يديرو البحث على واحد يلقاوه عندو مشكل بالطبع ينحلو الحق في الاعفاء وكاينة حاجة ناكدها بلي لي خرجاو استدعاء في مارس وبشرط مايكونش عاصي راهو يديها لأني سألت في باب الواد وأيضا من يعملون في الميدان
اما قضية زيادة مدة الاستدعاء هادي قضية أخرى ممكن مازال ماوجدتش البطاقة الصفراءلانه عندنا مركز واحد تصب فيه 48 ولاية وكاين دفعتين وديما متنساوش تدعو اجميع من من يشاركونا مشاركة مفيدة بالخيرليهم ولوالديهم وربي يكون لنا الخير ان شاء الله

khiro08 · 2011-10-21, 20:42

اقتباس:

المشاركة الأصلية كتبت بواسطة ingeln

سلام
شوفو يا خوتي انا كي شفت جميع التعليقات فهمت واش راهو صاير انا أظن بلي كي يديرو البحث على واحد يلقاوه عندو مشكل بالطبع ينحلو الحق في الاعفاء وكاينة حاجة ناكدها بلي لي خرجاو استدعاء في مارس وبشرط مايكونش عاصي راهو يديها لأني سألت في باب الواد وأيضا من يعملون في الميدان
اما قضية زيادة مدة الاستدعاء هادي قضية أخرى ممكن مازال ماوجدتش البطاقة الصفراءلانه عندنا مركز واحد تصب فيه 48 ولاية وكاين دفعتين وديما متنساوش تدعو اجميع من من يشاركونا مشاركة مفيدة بالخيرليهم ولوالديهم وربي يكون لنا الخير ان شاء الله

شكرا أخي العزيز على المعلومات
لكن مذا تقصد بالمشكل

هل يعني مثلا مزال يقرى

ثانيا يا أخي هل الذي جائه استدعاء+ أمر بالإلتحاق ولم يكن من العصات هل يشمله هذا القانون

للأنه يا أخي أنا مثلا جاني استدعاء +امر بالإلتحاق في 09/2010 وكنت مقترحا للعصيان لكن بعد خروج القانون أخذت ملف التسوية وأعطوني استدعاء يوم 30/10/2011 مع العلم أني لست من العصات

هذه المشكة تأرقني كل يوم هل أنا من المستفيدين أو لا

hassen007 · 2011-10-21, 21:32

اخوتي ان البارح جبت الكارطة هدا هو الخبر اليقين
المهم ما استنتجته خلال دهابي هو انه جماعة كبيرة رايح تستفاد رغم تمديد تاريخ بعض الاستدعاءات
المهم يا جماعة هدا عامكم انشاء الله

economica · 2011-10-22, 16:18

اقتباس:

المشاركة الأصلية كتبت بواسطة hassen007

اخوتي ان البارح جبت الكارطة هدا هو الخبر اليقين
المهم ما استنتجته خلال دهابي هو انه جماعة كبيرة رايح تستفاد رغم تمديد تاريخ بعض الاستدعاءات
المهم يا جماعة هدا عامكم انشاء الله

مبروك عليك اخي والعقوبة لينا ان شاء الله،سبق وان قلت ان البطاقة تصدر من المديرية العامة للخدمة الوطنية،وهذا ما يفسر تمديد اجل الاستدعاء للبعض واستلام البعض الاخر البطاقة،صبرا جميلا اخوتي ان شاء الله الفرج القادم

khiro08 · 2011-10-22, 21:12

اقتباس:

المشاركة الأصلية كتبت بواسطة hassen007

اخوتي ان البارح جبت الكارطة هدا هو الخبر اليقين
المهم ما استنتجته خلال دهابي هو انه جماعة كبيرة رايح تستفاد رغم تمديد تاريخ بعض الاستدعاءات
المهم يا جماعة هدا عامكم انشاء الله

merci khoia

khiro08 · 2011-10-23, 20:55

من الأخ :economica
السلام عليكم،لقد ذهبت اليوم لمركز الخدمة الوطنية،وكما كان متوقعا تم تمديد تاريخ الاستدعاء لمدة شهر آخر يعني إلى غاية 23/11/2001.يعني يا اخوتي لي كارت مازالهم ماجاوش،لعندو استدعاء في نوفمبر احتمال انو يهز لكارت مباشرة
من الأخ:الزعيم الوحداني
انا رحت اليوم وتم تمديد الاستدعاء الي 29 ديسمبر 2011 ربي يجيبها زينة
من الأخ:ilyes COS
عندي استدعاء ليوم 21/10/2011 رحت ليهم ليوم قالي راهم مزال ماجاوش جاتني علامة استفهام كبيرة
تبسمتلو و قتلو الله يحفضلك الوالدين فهمني ويناهم اللي مجاوش
قالي ارواح نهار الاحد وجيب معاك نسخة من بطاقة التعريف الوطنية نزيدولك استدعاء ومنبعد الاستدعاء الثاني تدي بطاقة الاعفاء قلتلو يارب من فمك لربي قالي متقلقش
وانا نقول للاخوة متتقلقوش وادعو ربي يوفقنا

هـــــــام جــــــــدا : ادعولي ولوالديا اوافيكم بالجديد يوم الاحد
من الأخ :FABRIGAS7
بعد ان سلموني استدعاء لمدة اربعة اشهر في ما يخص قانون 2008/2009 اليوم اضافوا لي استدعاء لمدة شهر فمذى ترون في امري
من الأخ:hassen007
بسم الله الرحمان الرحيم
انا من خريجي 2008 دفعت الملف واليوم تحصلت على بطاقة الاعفاء
لعقوبة ليكم ان شاء الله
من الأخ:hassen007
الله يبارك فيك يا اخي
انا البارح روحت لمكتب التجنيد في البليدة
تبدو الاخبار جد مطمانة هناك هناك من قاموا بتجديد استدعاؤه ووعدوه بالحصول على البطاقة في التاريخ الجديد
وقيل لهم المدة التي يعودون فيها شهر على اقصى تقدير
وهناك من حصل على البطاقة الصفراء

الحالة لحد الأن مطمأنة بغض النظر عن المشاركتين من الأخين من الناحية العسكرية الرابعة التي بها مشاكل لحد الأن

ربي يفرج علينا كلنا إنشاء الله اففففففففففففففففففف غلبونا

khiro08 · 2011-10-24, 07:29

من الأخ:mitchmusta
انا رحت يوم 02/10/2011 و زادولي سورسي اخر الى غاية 13/11/2011

khiro08 · 2011-10-24, 21:19

من الأخ :issamfbm
انا ثاني رحت اليوم وقالولنا ارجعوا الاثنين المقبل و قالنا واحد يخدم فالثكنة راح يمدوا لي مولودين قبل 86 بطاقة الاعفاء و لي مولودين في 87 و 88 يعطولهم سورسي

nani86 · 2011-10-24, 22:37

أنا من ولاية بشار متخرج في 2009 دهبت اليوم لمكتب التجنيد وأعطوني إستدعاء جديد إلى 24/04/2012

samir cne · 2011-10-25, 13:49

انا تابع لمركز قسنطينة ، متخرج 2008 ، تحصلت اليوم على الإعفاء، للإفادة كاين لمدولهم الإعفاء و كايت لي قالولهم وليو من على 25 يوم .
بالتوفيق للجميع .

newlife · 2011-10-25, 15:19

ماذا بالنسبة لناحية ورقلة انا متخرج في 2008 و أنتظر الاستدعاء الثاني بالنسبة للاول فقد شطبوه من لديه نفس الوضعية

mml1986 · 2011-10-25, 19:55

اريد معرفة الطريقة التى يعتمدها الجيش لمعرفة ان كنت تزاول الدراسة ام لا

economica · 2011-10-25, 21:11

اقتباس:

المشاركة الأصلية كتبت بواسطة mml1986

اريد معرفة الطريقة التى يعتمدها الجيش لمعرفة ان كنت تزاول الدراسة ام لا

سهلة جدا،كل مؤسسة تبعث قائمة،انا اعمل بقطاع التكوين المهني وكل مرة نبعثو القائمة تع المتربصين لمكتب التجنيد.تاني يقدر يجبدك من التأمين لانو اي مؤسسة تعليمية تأمن المتربصين او الطلبة،يخرجك منها بكل سهولة.

khiro08 · 2011-10-25, 21:26

merci pour tous qui participe avec nous et partage avec nous ces problème de service national