سر العصير بالبرتقال المنعش .....مع زُخْرُفَةٌ

[zokhrofa]

السلام عليكم يا لبنات

اليوم جبتلكم سر عصير البرتقال المنعش خير ملي نشروه



الطريقة :

اوّل حاجة أعصري كمية كبيرة من البرتقال

انا 300دج جابتلي اكثر من 3 كلغ و كامل عصرتها دارتلي اكثر من 2لتر

السر يكمن في أنك كل ما تعصري تجوزي السائل في صفاية باش تتخلصي من كل حاجة تخلي فقط السائل صافي 100ب 100

طبعا السائل تحكيه في طاس زجاجي

بعد ما تكملي كامل العصر

تحكمي اناء ديري فيه 1 كاس ماء مع 1 كاس سكر و تحركي حتى يذوب كااااااامل السكر فيه

بعدها تضيفي هذاك السائل المسكر في الطاس لي فيه العصير الصافي

علاش درنا السكر في الماء ؟

لأنّو السكر ما يذوبش في البرتقال تم تم بسبب الأسيد لي فيها لوكان تعانديها تبقاي كل يوم تحركي باش يذوب

لذلك هذه العملية راح تنحي عليك عناء تخرجي كل يوم الطاس و تحركيه لمدة 4 ايام

بعد ما تخلطي الماء المسكر مع سائل عصير البرتقال لي راهم في طاس زجاجي غطي الطاس بفيلم غذائي و ديريه في الثلاجة

و ديري ماء باش يبرد في الثلاجة

كل ما تكوني راح تستعملي العصير اجبديه و خلطي ربع عصير و الباقي ماء في الكاس و عاودي غطي الطاس مليح

ردي بالك يدخل الهواء الى العصير

يعني ما تغطيش الطاس بغطاء و خلاص ضروري فيلم غذائي

و السر في الانتعاش هو خلطه مع ماء بارد

و الا مايجيكش منعش -

[ام احمدي]

يعطاك الصحة زخرفة يبان منعش صح اممم

[zokhrofa]

شوفي راه مخلط بالماء و يبان pure

الله يسلمك أم حمدي اهلا جوزي اشربي كاس هههه ولا طاس ماشي خسارة فيك

[ام رضوان]

الله يعطيك الصحة اختي زخرفة
باااااين عليه منعش
بارك الله فيك

[امّ اياد]

يعطيك صحة صح منعش
عاودي خلطي طاس ليا هداك طاس عطيتيه لام حمدي
قولولي ادا راكم مجربين تكونجيلو عصير البرتقال

[حياة نور الدين]

بارك الله فيك زخرفة تقريبا نفس طريقتي شكرااا

[أم يوسف2]

اممممم عصير صح منعش تخيلت روحي نشرب فيه ياك خليتيلي كاس

[zokhrofa]

المشاركة الأصلية كتبت بواسطة ام رضوان

الله يعطيك الصحة اختي زخرفة
باااااين عليه منعش
بارك الله فيك

الله يسلمك أختي ام رضوان فرحت كي شفتك ماراكيش تباني بزاف

[zokhrofa]

المشاركة الأصلية كتبت بواسطة امّ اياد

يعطيك صحة صح منعش
عاودي خلطي طاس ليا هداك طاس عطيتيه لام حمدي
قولولي ادا راكم مجربين تكونجيلو عصير البرتقال

لا ما تحتاجيش تكونجلي هاذي الطريقة لي عطيتك تبقالك اكثر من شهرين المهم ديري فيها السكر و غطيها بفيلم غذائي

راه يولي سيرو اختي ام اياد كل ما يبطى يولي ثقيل

و من بعد نزيدك واحد خير و خير

اوكي من بعد نزيدك طاس ههههه

[zokhrofa]

المشاركة الأصلية كتبت بواسطة حياة نور الدين

بارك الله فيك زخرفة تقريبا نفس طريقتي شكرااا

اهلا اهلا اختي حياة

فاش نختالفو ؟

[zokhrofa]

المشاركة الأصلية كتبت بواسطة أم يوسف2

اممممم عصير صح منعش تخيلت روحي نشرب فيه ياك خليتيلي كاس

ههههه مرحبا ام يوسف

واش من كاس الناس راهي تهدر بالطاس ههههههههه

بلا مزية تستاهلي تشربي احلى عصير فالجنة

[روعة الصحراء]

شكرا على الوصفة المنعشة

[zokhrofa]

الله يسلمك أختي روعة ان شاء الله تجربيها و تقوليلي رايك

[أمنية غفران]

اممممممممممممممممممم عجبتني الفكرة نجربها و نقول لك

ربي يحفظك أختي

[zokhrofa]

امين اختي امينة غفران انا في الانتظار